شاركي في النقاش

سجلي الدخول لإضافة تعليق.

التعليقات

1,350
  1. صاحبة الموضوع
    don
    ملف الآكلات المصرية الشامل (الجزء الرابع ) للمبتدآت الحلوات
    صباح الفل يا رونى صباح الفل يا سمسمة وانا طبعا فكراكى وصباح الفل يا ام ياسمين برضة طريقتك مظبوطة فى الزبادى يا ام ياسمين زى طريقة رانيا بس لو ممكن تكتبيها للبنات بالتقصيل وانا حنزلكم الطريقة بتاعتى فى الاخر
  2. @am_abyha74

    don
    ملف الآكلات المصرية الشامل (الجزء الرابع ) للمبتدآت الحلوات
    طيب ممكن اتجرأ واقول لكم على كم سندويتش حلوين، اصل انا زوجي عاوز يعزم ناس فانا اقترحت عليه يعزمهم على العشا على كم صنف سندويتشات حلو مع شوية ايس كريم وكيك ايه رأيكم ، باحاول اهرب اصلي بصراحة خلاص مش حمل الطبخ تاني لحد بعد الولادة بقى ان شاء الله

    المهم السندويتشات: بصوا

    2 كيس ريتش بيك توست
    باقي قراخ مشوية
    لانشون رومي او فراخ مدخن
    تونة
    زيتون اسود مخلي وصحيح ومقطع ترنشات
    فلفل اخضر رومي وحامي
    خلة (ايوة بتاعة تسليك السنان الخشب الصغيرة)
    مايونيز
    مسطردة

    الطريقة

    حطي كل 2 توست فوق بعض واقسميهم مثلثين عارفين زى club sandwich ،

    باقي الفراخ المشوية: قطعيها قطع رفيعة او صغيرة واخلطيها بملعقتين مايونيز + ملعقتين مسطردة او اكثر حسب الكمية وقطعي معها فلفل حامي او رومي قطع صغيرة

    ممكن تقطعي صدور الفراخ المشوية شرايح رفيعة من غير المايونيز والحاجات دي


    التونة : اخلطي علبة التونة مع ملعقة مايونيز وعصير ليمونة او اثنين وفلفل حامي او رومي مقطع قطع صغيرة، وزيتون ترنشات

    شيلي بقى اطراف التوست من الجناب واحشي كل مثلثين بحاجة من الحاجات اللي فوق وبعدين اغرسي فيها واحدة خلة وعلى طرفها زيتونة

    شفتوا ما فيش أسهل من كده ومع التقديم بقى على صينية مدورة او مربعة قدمي على حروفها خص للتزيين مثلا او شيبسي (على فكرة انا لاطشة طريقة التقديم من بون ابيتي)


    الطريقة الثانية وبتنفع في اعياد الميلادات قوي:

    المقادير

    2 باكيت سيمون فيميه شرائح
    لتر عصير ليمون صافي
    4 باكيت توست ريش بيك
    تونة
    مايونيز

    خص

    الطريقة

    هاتي صينية مستطيلة على حسب الحجم اللي انتي عاوزاه

    هاتي التوست وجمعيه جنب بعضه وساوي اطرافه بحيث تشيلي الطرف البني اللي فيه

    اخلطي التونة مع عصير ليمون ومايونيز

    تبلي شرائح السيمون فيميه في عصير الليمون كويس

    رصي طبقة من التوست في الصينية
    بعدين طبقة مايونيز وتونة
    بعدين طبقة توست
    بعدين طبقة مايونيز وسيمون فيميه
    بعدين طبقة توست
    طبقة مايونيز وتونة
    آخر طبقة تكون من التوست

    هاتي طبق التقديم ويكون اكبر من الصينية

    غطي بيه الصينية واقلبي فيه القالب كله

    هينزل معك مستطيل في طبق التقديم

    هاتي باقي شرائح السيمون فيميه وغطي بها جوانب التوست ومن فوق بحيث يبقى الطبقة النهائية كلها سيمون فيميه

    جملي طرف الطبق بالخص
  3. don
    ملف الآكلات المصرية الشامل (الجزء الرابع ) للمبتدآت الحلوات
    ربنا يجعلوا رمضان كريم علينا جميعا ان شاء الله
    انا برضه احب اضيف بالنسبة للزبادى ان اللبن يكون دافىء وممكن نزود ملعقة او اتنين لبن بودرةمن اجل التماسك
    وانا بارسا سلامى للجميع وحقيقى كلكوا دمكوا خفيف
  4. @am_abyha74

    don
    ملف الآكلات المصرية الشامل (الجزء الرابع ) للمبتدآت الحلوات
    ايه رأيكم بقى واحط جنب الحاجات دي شيبسي وسمبوسة وعصاير على تورتة آيس كريم او تورتة عادية

    كده كويس يا جماعة ؟ يعني احنا مش عازمين حد غريب بس اول مرة يدخل بيتنا كده كويس ولا أخدها من اصيره واعمل عزومة اكل بجد بقى وبلاش الاحراج؟

تابعي تجارب أخرى من هذا القسم.