مسائكم فل وياسمين
كيفكم ياحوائيات
اليوم ابي احكي لكم قصتي اللي صارت قبل كم يوم والحمدلله اللي نجاني من الموت والا كان تركت عيالي واللي يحبوني ومنتداي الغالي وصديقاتي
الموت حق وكل نفسٍ تذوقه :44:مير البلا من ذاق موته ولامات
في لحظات يابنات دار شريط حياتي قدام عيني
كانت ثواني بس حسيت انها ساعات
شلون لا جات حزة الموت الحقيقيه وش بيصير
يارب يارب يارب
انك تحسن خاتمتي وخاتمة كل من قرت موضوعي وكل من ردت
ابدا بالقصه ,,,
عندي يابنات نامس في البيت وحاولت بمكافحته وعجزت بشتى الوسائل
وخصوصاً في غرفة عيالي
فقلت خلني اجيب بف باف وارشه في الغرفه لعل وعسى ان يفارق ولا عاد يعودها ويرجع لغرفتهم مره ثانيه
كل اللي سويته طلعت عيالي من غرفتهم بنتي 4 سنوات وولدي 2و6أشهر
وحطيت المفتاح في الباب من برا ,,,
وقفلت الشباك زين
وجلست ابخ وابخ وابخ وابخ وابخ لازم اخلص العلبه كلها
حالفه ياانا يا النامس في البيت
ويجي ولدي يقرب من الغرفه وانا اطرف الباب شوي علشان مايشم ريحة البف باف
وانا كنت ملتهيه مع البخبخه الا سمعت صوت الباب يوم قفل
اثر ولدي لقى المفتاح في الباب من برا وقفل الباب
والله يابنات تخيلت شكلي مثل اللي انتم خابرينه اللي على علبة البف باف ياكرهي له هو وسيرته
وانا اطق الباب واحس الوقت طويل مره
والمشكله زوجي ماكان موجود وجوالي برا في الصاله
وتجي بنتي ام الفزعات
وتحاول في الباب لانها ماتعرف تفتح المفتاح زين
وتقول اصبري ياماما ابي افتح لك
وتطق اخوها وتقول ليه تقفل على ماما
:biggrin:وفتحت الباب والحمدلله كتب لي ربي عمر من جديد
ياااااااااااالله يابنات قد ايش حنا غافلين عن الموت وهو في اي لحظه يجي
وممكن على يد الناس اللي انتي يضيع العمر كله في مطاردهم وناسيه ربك
اهم شي هاذي قصتي اللي حبيتكم تشاركونن في الفرحه بعد الراعه والخوف
وتحمدوا لي على السلامه
الحمدلله انكم مافقدتوني
وختاماً
الموت هيـن والبـلا وش ورا المـوت***يوم الحسـاب يهـون سهـم المنايـا
باكر نمـوت وتصبـح قبورنـا بيـــوت***عقـب القصـور بضيقـــات الـرزايـا
في جوف الارض وكل من حولك سكوت***وتعاقبـن بالقبـر عــوج الحنـايـا
يـارب يامنجـي نبيـك مـن الحـــــــوت***سترك وعفوك يـوم كشـف الخفايـا
باكر ليا جينـا علـى داعـي الصـــــوت***شيبـان واطفـال وشبـاب وصبـايـا
ندعـي وحنـا بيـن باكـي ومبهــــــوت***ورحنـا لهـا ننقـاد مثـل السبـايـا
يـارب تهدينـي قبـل لحظـة الفـــــــوت***وتغفرذنـوبـي ياكـريـم العـطـايـا
اشكيك هـم داخـل الصـدر مكبـــــــوت***وايامـي الـلـي بالخطـايـا مـلايـا
أن لاذ بك من كـان طايـع ومبخــــــوت***فـي مـن يلـوذ المرتكـب للخطايـا
يـارب ياقـادر علـى كـل طاغــــــــوت***لاياقـف اللـي وحـدوبـك خـزايـا
رحماك لامنـا صحينـا مـن المـــــــوت***واليـا وقفنـا عنـد بـابـك عـرايـا
:39:
والى اللقاء يا حبايبي
ودمتم بود
احبكم احبكم احبكم