شاركي في النقاش

سجلي الدخول لإضافة تعليق.

التعليقات

1,528
  1. totta_55
    الحمد لله رب العالمين قدر الله وما شاء فعل مفيش نصيب والحمد لله اللهم أجرني في مصيبتي وأخلف لي خيرا منها اللهم أجرني في مصيبتي وأخلف لي خيرا منها اللهم أجرني في مصيبتي وأخلف لي خيرا منها
    توتا ..
    انا مش عارفه اقوللك حاجه خالص .. والله ما عارفة اقوللك حاجة اعذرينى من ساعه ما قرأت الخبر وانا ولا عارفه اكلمك ولا عارفه حتى اكتب لك كلمتين على بعض ومن يومها وانا مش قادرة ادخل الملف لانى عارفه ان معنديش اى كلمة اقولهالك وكمان لانى عارفه ان ولا كلام الدنيا ممكن يصبرك على الابتلاء العظيم ده .. لكن عايزة اقوللك ان كل ده هيجيلة يوم ويبقى ذكريات وهيعدى وهيتنسى بس هو فى اوله صعب لكن بمرور الوقت هتتلاشى كل المشاعر اللى عندك دى .. وعلشان تساعدى نفسك انك تتخلصى من الهم ده حاولى حاولى تلاقى حاجه تانيه تهتمى بيها وفكرى دايما فى اصحاب الابتلاءات الاصعب منك
    مش بس فى تأخر الحمل لا فى اى حاجه تانيه ساعتها بس هتحسى قد ايه انتى محظوظة لانك هتبصى لمشكلتك بعين صغيرة اوى
    وانا متأكدة ان ربنا هيكرمك
    "ضاقت فلما استحكمت حلقاتها فرجت وكنت اظنها لا تفرج "
    وافتكرى برده
    ان بعد العسر يسرا يعنى مفيش عسرين ورا بعض وانتى خلاص مريتى بالعسر وان شاء الله اللى جاى هيبقى يسرا
  2. ماما1983
    الحمد لله الحمد لله البويضه لم تتلقح ربنا لسه لم يأذن اللهم اجرني في مصيبتي واخلف لي خيرا منها
    ماما حبيبتى ...
    ملقتش احلى من رد اوكسى عليكى فا اقتبسته مع مراعاه حقوق الملكية الفكرية .. :)
    ماما ... قدر الله وما شاء فعل .... اريدك ان تنظرى الى نصف الكوب المملوء ...
    1-
    هذه اول مرة تصلى لمرحلة سحب البويضات
    2-
    هذه اول مرة يبلغ هرمون الاستروجين الى 370
    3-
    البروتوكول الجديد بالكلوميد اتى معكى ثمار افضل من البروتوكلات السابقة
    4-
    التكلفة المادية قليلة وتستطيعى الآن تكرار المحاولة حتى تصلى الى حلمك

    كلامك حلو اوى يا اوكسى .. ربنا يرزقك انتى وماما وتوتا وكل البنات يارب الذرية الصالحة
  3. أم اياد 2009
    ريمو حبيبه قلبي وحشاااااااانى اوي ونفسي اشوفك اون لاين انا مش بدخل كتير لانى بحس انى معنديش اخبار جديدة لانى حاليا الامن مستتب والحالة مستقرة مستنية البريود تنزل الاسبوع الجاي عشان اقرر حعمل ايه وربنا يقدم اللي فيه الخير
    اودى ..
    اخص عليكى ياوحشه .. ليه الكلام اللى قولتيه ده انتى عارفة كويس جدا اننا منقدرش نستغنى عنك هتقولى لى ملل هقوللك حتى لو ملل احنا قابلين ياستى لحد ما تنتهى موجة الملل دى .. والله يااودى بتوحشينى عاوزانى احلف لك بإيه تانى بس .. انا سألت عليكى كتير من كتر ما وحشتينى يابنتى بلاش بقه تزعلينى منك تعالى كل يوم علشان انا بحب وجودك معانا اوى اوى اوى
    وان شاء الله ان شاء الله خير تفائلى انتى بس وطالما الامن مستتب خلاص ليه مش مبسوطة
  4. شيمولاتا
    ماما ان شاء الله ربنا يعوضك خير نيفو محتاجه اتكلم معاكى بس انتى مش موجودة انا انهارده رحت اتابع تبويض واخترت دكتورة فى المستشفى مصرية وطيبه جدا وعلى خلق ودين وانا برتاحاحلها لانى بحس انها فاهمه وهى عملت سونار ولقت 5 بويضات طبعا…
    شيمو ياحبيبتى ..
    اولا ياحبيبتى ازيك عاملة ايه .. سلامتك من الحيرة الموضوع بس فى اولة محير لكن لما تبصى بتمعن هتلاقى ان عندنا نقتطين مهمتين نفكر فيهم
    الاولى موضوع التنشيط وهل ده فرط تنشيط ولا لا ..
    بصى ياستى بالنسبه لحجم البويضات انا لما نشطت كان عندى نفس الحجم بتاعك 25 وساعتها دكتورة فى المنتدى هنا قالت لى انه فرط تنشيط وانه مش بويضه لا ده بقى كيس .. لكن سبحان الله انا حملت فى نفس الشهر ده فا الحجم ده مفهوش مشاكل وربنا كريم قادر يخليكى تحملى بيه يارب .. وبما انك اخدتى الحقنه التفجيرية يبقى خلاص مفيش قلق نوهاااائى ولو كان فى خطر عليكى فى شئ كان نبهك دكتور عاادل انه خطر طبعا يبقى خلاص منفكرش كتير ونقول يارب وبس
    النقطة التانيه بخصوص المنظار ..
    مش انتى اصلا ياشيمو كنتى ناوية على خطوة المنظار دى .. يعنى المسألة تحصيل حاصل وكل اللى نفكر فيه هل هنحتاج لاطفال انابيب بعدها ام لا وعلشان نرد على السؤال ده لازم نعمل المنظار الاول وبعد المنظار هيتحدد الرد يعنى ممكن جدا بعد المنظار يحصل حمل بدون اى عمليه وده لان انتى فى الاساس مش عندك مشكله تستدعى العملية .. ومن هنا لحد خطوة المنظار متفكريش تسبقى الاحداث انتى محتاجة صبر بس
    اخر تعليق بقه عاوزة اقوللك ان بنت خالتى كان عندها نفس الورم الليفى ده وكان كبير كمان وحملت عليه ودلوقتى هى لسه والده وكله تمااااااااااام لكن هل الورم جوة الرحم ولا بره انا مش عندى اى خلفيه لكن ركزى فى كلام شوشو واسألى الدكتورة مكانة فين وان شاء الله مفيش منه قلق فى جميع الاحوال

تابعي تجارب أخرى من هذا القسم.