هذا طبق من أطباقنا الشعبية الشتوية المفضلة
ميزة هالطبق ..
لذيذ وسهل جداً ..
بصراحة مقاديري بالنظر ..
لكن أبحط لكم مقاديري اللي سويتها هنا
وهي تكفي لشخصين تقريباً
المهم يالحبيبات ماأطول عليكم
المقادير:
¾ أصبع زبدة إلى أصبع
كاس ونص طحين بر
كاس أو أقل (حسب الرغبة) تمر كنيز بدون القمع والنوى ..
يعني شيلي النواة والقمع منه
أنا أحط تمر خلاص
نقطة مهمة: لا تحطين تمر معبوط أو اللي يسمونه معجون التمر
½ علبة زبادي
فيه ناس يحطون لبن .. لكن عندي الزبادي ألذ
الطريقة:
نذوب الزبدة
ثم نضيف الدقيق ونحرك بالملعقة الخشب باستمرار
الين تطلع ريحة الدقيق .. موب ريحة حرق .. بس ريحة تحميص
بعدين نضيف التمر
ونحركه بسرعه ونخلطه مع بعض .. والتحريك يكون كأنك (تدقين)
يعني شفتي لما تدقين شيء في النجر (الهاون = الجرن)
كذا تسوين تدقين التمر عشان يتجانس وبعدين تقلبينه شوي وبعدين تدقين وتقلبينه
إلين تحسين ان التمر تجانس مع الدقيق ..
والأفضل تكون بعض قطع التمر باينة يعني مايصير معجون تماماً
(هنا مابانت قطع التمر .. التصوير كان بالجوال إضافة إلى أن التمر اللي عندي كان لين فتجانس أغلبه مع الدقيق)
بعدين أضيفي الزبادي وقلبيه بسررررعة قلبتين بس ..
وارفعيه من على النار .. وقلبيه شوي
هذي الخطوة ماصورتها .. أقول لكم بسرررعة
وبعدين حطيه في الحافظة
يقدم مع القهوة
وبالعافية
منقول
شكلها تسمن وسهله ضيفوها لنظامكم :)