تعالوا اقول لكم وش صار لي اليوم في الدانوب

:44:بسم الله الرحمن الرحيم

اليوم كعادتي طالعه للدانوب اللي عند حياة مول اشترى اغراض للبيت
وانا منسجمه بالتسوق الا تطلع لي ذيك الحرمه مادري م وين .....
وشايله معها علبه نيدو وش كبرها ...وتطلب مني اني اشتريها لها ..بس هالعلبه ماتبي فلوس
بس هالحليب .....
نظام جديد باشحادته.....
انا لاشعوريا طلبت منها تشوف سعر العلبه بكم وراحت ورجعت لي وقالت 67 ريال تعالي اشتريها لي ...انا مامعي قيمتها انا جلست اطالع فيها بعدين قالت لي انا من الاردن واشتغل بالبيوت واكنه في حي السلام عند شارع الزبير بن العوام
وزوجي بالمستشفى فيه كلى.....
وياختى اذا مانتي مصدقتني لاتدفعي شي لو مو الحاجه ماوقفت بها الموقف وهي شكلها بالاربعين ولابسه عبايه ع الراس ومو باين الا عيونها بس
اعطيكم المواصفات ع شان تنتبهون يابنات
انا بصراحه كنت مستعجله وماكان احد معي وابي اخلص فبل الاذان وعطيتها هالميئه وقلت لها رجعي الباقي ع بالي ذمه وضمير عندها مادري وش صقعني ....الا الان مستغربه من نفسي وانا مو من النوع اللي اصدق هالاشكال بس والله مادري كيف صارت لي ... المهم الحرم فص وملح ذااااااااااب مادري وين راحت وسالت كم حرمه عنها ومحد صادفه زي هالموقف.....

حسبي الله ونعم الوكيل انا مادري كيف قلوب هالناس ماتخاف الله ....

انتبهوا يارواد الدانوب وغيره اكيد لها في كل مكان قدم ...بس هذا حوارهم احفظوه....
يعني عزة نفس ...والميه الله يخلف علي فيها ..وهي عليها ماتستحق من دعواتي ..حسبي الله عليها ...
بنات اذا صادفكم زي كذا موقف وش بتسون ..
الحمد لله فضفضت..:)

98 تعليق 7,442 مشاهدة

شاركي في النقاش

سجلي الدخول لإضافة تعليق.

التعليقات

92
  1. @hms_almtr_1

    آلله لآيبلآنآ شين وقوة عييين

    بس آنتي كمآن غلطآنه ليييه تعطيهآآآ

    لو آنآ منك آقولهآ مآعندي

    بس خلآص مآ ينفع آلكلآآم صآر آلي صآر

    آحتسبيهآ صدقه لوجه الله
  2. يااختي انتي لاتضيعين اجرك

    اهم شي احتسبيها لوجه الله تعالى

    والحرمه بصراحه ماجبرتك تعطيها

    عني انا هالاشكال مااعطيها حتي لو ريال لاني عارفه انهم مو محتاجين والله ان الحجات في الشوارع احوج منهم

تابعي تجارب أخرى من هذا القسم.