شيروا علىَ خطيب بنتى وحركاته

متسلط من الحين كيف لو خذها

:icon28:مبروك التخرج وعقبال ماتفرحين بها عروس ياقلبي اختبري زوج بنتك وشوفي طبع اهلة لايكون معقد ثم يعقدها شوفي اهو رجال بتستانس معة وبنتك مرتاحة مو بكرة وعقبة منكد عليها في الروحة والجية والزم ماعليك بنتك لو كانت متملكة وبنتك حسسيها مو الملكة كل شي لاخر يوم لزواجها وانها عايشة في بيت ابوهالان الفترة هاذي تعرف البنت الرجال وطبعة شوي شوي عشان ماتغلطين الغلطة الي غلطناها في اختي والله يوفق الجميع000

شوفي حبيبتي زوج بنتك حالين مالهم ثالث

ياأما فعلا شخصية مريضه ويبغا البنت عنده زي الدرج

وهذا لو تزوجته بتعيش طول عمرها مقهوره ومكسوره ومحرومه من الفرحه

ياأما شخصيته ضعيفه وبس يبغا يفرد عضلاته وهذا بسهوله السيطره عليه

الحل انها تطول فترة الملكه شوي

وتجرب انها تكون قويه تروح الحفله وتقفل جوالها

تطلع بدون ماتستأذن واذا قال ليه مااستأذنتي تقول انا طالعه من بيت ابوي ومالك حق تتدخل

اذا زعل تسفهه وتقول بكيفك انا بسوي اللي بخاطري

تجرب فتره وتشوف ايش ردة الفعل

اذا سكت وتعدل معناته من النوعية الثانيه اللي ينفع له البنات القويات اللي تدق خشمه وبيعيش مبسوووط

اما اذا ردة فعله كانت عنيفه الافضل انها تبتعد عنه ولاتكمل معاه

وهذي بنتك امانه في رقبتك وبحكم خبرتك في الحياة كأم لااازم انك تدخلي في حياتها وتوقفي معها وتوصليها لحل صحيح

أختي نصيحتك لك لاتدخلي أنتِ وأبوها واضح أن بنتك سلبية

وأي رجل بالعالم يقابل قدامه أنثى سلبيه تاكدي راح يلفها ويشكلها زي مايبغى ..!!..

وأغلب رجال مجتمعتنا فيهم نزعة تسلط ..بحكم إنهم للأسف مسلوبين الشخصية من أهليهم ومن يوم أنولدوا وهم متربين مالك شغل ..لاتتدخل ..لاتتكلم ..مااحد سألك ..مااحد طلب رأيك ..ألبس ..نام ..أدرس ..كُل ..لاتخرج ..!!!

ولما يتزوج يطلع حرته بزوجته ...وكل كبت السنين يطلع بشكل تسلطي ..!!



بنتك هي اللي لازم يكون لها شخصية ..بحيث تقدر تتكلم وتاخذ وتعطي مع زوجها ...


مومعقولة كل ماقال لها شيء تقول طيب حتى لو كان ضد رغبتها ....!


هي الآن ماله عليها حق الطاعه ..فمن حقها تناقش وتقول إيوه ولأ ..الحياة اخذ وعطا !!


ولو كان هو جاهل ولايعرف حقوق الزوجه ..هي تعلمه ..لاتعينه على ظلم نفسها ..!!


بنتك سلبية مع زوجها ..ولازم هي بنفسها تحل مشكلتها معاه ..ساعة ماتيأس منه ..تتدخلون انتم ..!!


لاتتدخلون من الآن بكرة الرجال يقول للناس أهلها يعبونها علي والا هي طيبة ..وراضية ..اهلها اللي خربوها ..زي ماواضح له !!


خلي بنتك تتعلم ترد وتناقش زوجها وتثقل عليه وتزعل لحد مايرضخ لرغباتها .....هذي شيء يبقى لشخصيتها سواء ربنا كتب لها تستمر مع هذا الرجال أو مع غيرة


لازم بنتك تكون قوية بحيث تقدر تدافع عن حقها ....!!


الحياه ماراح توقف عن هذا الزوج لأ ..الرجال أشكال وألوان ..


أنتِ وابوها مودايمين لها العمر كله ..


اليوم انتم عندها وراح تحلون مشكلتها ..بكرة لاسمح الله لو غبتوا عن الدنيا مين اللي راح يدافع عنها ..!!!


لازم تعلموها شيء لنفسها ..شيء يبقى لها العمر كله ..


أغلب الرجال ببداية الزواج بيحاولون يفرضون رأيهم عالزوجه ..بناء على نصائح الأصحاب والأهل ..علشان لاتستقوي عليه زي مايعتقدون ..


لكن انا نصيحتي لك خلي بنتك هي اللي تناقشة وشوفي الى فين راح توصل معاه ..


لو قفلت خلاص وماوصلت معاه لحل وكرهته وكرهت تحكمه فيها وقالت خلاص أنا ماابغاه ..ساعتها تتدخلوا ..


أما الآن لأ ..ماأنصحكم ..علشان لاتبقى لكم سمعة بين النـــاس ..اهلها هم اللي طلقوها من خطيبها وهي تبغاه .. ..!!!