شوفى اختى
هاقولك على طريقه لف الشعر طاقيه
تغسلى شعرك يعنى لازم يكون مبلول وتنشفيه بفوطه بس
وبعدين تقسمى شعرك نصين نص يمين ونص شمال
لحد كده كويس
يعنى شعرك دلوتى مفروق من النص على الجانبين
وكل نص متسرح ونازل على جانبى وشك
تجيبى الفرشه او المشج وتحطيه على النص اليمين من الخلف يعنى عند خط المنتصف من ورا راسك وتسرحى الجانب اليمين لقدام يعنى شوفى
تمسكى الفرشه من اول خط النص فى راسك وتسرحى وفى اتجاه الامام بس تمرى على ودنك اليمين وبعدين تكملى على شكل دايره عادى وتمرى على خط النص الامامى وبعدين انتى كده واخده النص اليمين من شعرك كله فى طريقك طيب؟؟
بعدها تكملى تروحى بالفرشه وهى فيها النص اليمين ده تروحى للنص الشمال من شعرك
وتوصلى لحد اذنك الشمال وتكملى برضه دايره لحد ماتوصلى لخط النص الخلفى تانى
وبكده انتى كملتى دايره كامله
وتكررى اللف لحد ماتخلصى شعرك كله اسمها عندكم الدوامه باين صح؟؟؟
يعنى شعرك على شكل دوامات
وتثبتيه ببنس علشان مايفكش وتربطى فوقيه ايشارب كويس تربطيه للخلف علشات يكتم الشعر ويفرده
بعدها تسيبيه ساعه او نص ساعه وتفكيه وتسرحيه وتكررى تانى الىل عملناه بس على النص الشمال
اقول للاخت الىل تقول ان شعرها بيكون فيه كهربا احتمال تكونى مش بتعملى الطاقيه وشعرك مبلول لازم يكون الشعر مبلول او اسهل ابقى رطبى شعرك بطبقه خفيفه جدا جدا زيت زتون وبكده بعد ماتلفى شعرك مش هاتحتاجى اى ترطيب بزيت
ان شاء الله يكون الشرح واضح
نــــــــــــداء خاص .. للخبيره في طريقه " الطاقيه " و لكل وحده جربت هاذي الطريقه ..
متابعة النقاش، صفحة 2