للكويتيات اجتماع مغلق

هلا والله حبيبتي...وآنا بعد وياكم....متزوجة ...خريحة حقوق وعندي ولد....وطالعة عيني ابي الثاني...الله كريم...والمظاهر يا عمري ماتخلص....صار الشي يضيق الصدر لآخر درجة...الحين آنا موجودة بامريكا مع زوجي....ومفتكة ...ومرتاحة....فعلا ناس عايشة على طبيعتها....والاحلى تترتاحين من الحش والقيل والقال......وفلانة سوت......وعلانة حطت....وعلى العموم حبيبتي موضوعج حلو....وانشالله نلقى تفاعل....بس اذا تحول الموضوع اختي لسوالف ....راح يحذفونة المشرفات بداعى انة مثل الشات....مثل ما انحذف موضوع ديوانية الكويتيات ...فخلينا نمسك موضوع ونتناقش فية....ويعطيج العافية حبوبة

حبيباتي اسمحوا لي أشارككم هالموضوع الحلو........أنا عندي 5 أطفال الله يصلحهم...حصيلة أكثر من 13 سنة زواج.......قضيت أول 5 سنوات منهم في معاناة وعوارات....الي أن أطعمني الله وله الحمد والمنة بعد5 سنين.....يعني ياحبيباتي لا تزعلون الله يرزقكم بالذرية الصالحة كثر ما تبون....أمين,,,,,,,,أنا ايضا معاي بكالوريوس علوم وأشتغل ولله الحمد,,
أما عن المظاهر فحدث ولا حرج.......والله ان واحدة من خواتي,الله يهديها, كل همها في هالدنيا اللبس والكشخة عشان تنافس حمواتها وحريم حميانها....وطبعا مكان الشراء أو اسم المشغل يكون سر من الأسرار الحربية لا يمكن واحدة تعلم الثانية بأي شي....والله ان حتي لون ملابس العروس مثلا.......يكون سر....أعوذ بالله والله يابنات تعبت من طريقة الناس في التعامل بهذي الصورة........وأنا أكره المظاهر موووووووووووت ولا أحب المبالغة في اللبس والمكياج وغيره........ والحمد لله اني ماأحاول أجاريهم في هالأشياء.......يعني مكبرة مخي و مريحة دماغي والحمد لله.

ام عزوز حياج الله معانا والله يرزقنا ال\ريه الصالحه انشاءالله ولاني عضوه جديده ما ادري شنو ممنوع وشنو مسموح مع اني ماني شايفه غلط لما نسولف ونفيد بعض الله يهديهم بس...... :16: وحبيبتي \ات الخمارين والله ضحكت على اسرارحربيه بصراحه جبتيها رايت وشكرا على تفاعلكم ويا ليت باقي البنات يشاركون

مسا الخير جميعا

انا خريجة علم نفس وعندي بنت وحدة وقاعدة احاول اجيب الثاني بس ماكو فايدة الله كريم
بالنسبة لموضوع الكشخة والله انا معطية كل الناس الدعسة لازقة بالجينز واللبس البسيط المريح والحمدالله الخير وايد بس اهم شي راحتي....أقدر اشتري أي شي ابيه... بس أفكر ليش علشان ارضي الناس مو لازم...اللي يحبني ويبيني مثل ما أنا أو مع السلامة....أكشخ علشان الناس تقول عندها فلوس؟؟؟ كل الناس تعرف كل واحد بالكويت شعنده ما عنده صح ولا أنا غلطانة....المهم تكونين مرتبة ونظيفة وجميلة بدون مبالغة وبدون مرض المظاهر...

السلام عليكم،
مادري شكو متضايقة من الناس الي تهتم بالكشخة واللبس،
انا موظفة مو متزوجة ولبسي على قولة انا كويتية لازقة بالجينز حتى امي تعلق علي وحيل اتضايق من تعليقاتها يبا كل واحد وكيفه يلبس الي يريحه طالما انه محتشم،
انا استغربت انكم وايد الي قاعدين في البيت>>>>بس الله يوفقكم
والي مرتاحة في بيتها الحمدلله ما تبي شي من هالغير الله يديم عليها النعمة ويرزقكم الذرية الصالحة أجمعين.
وعقبالي لما اتزوج واترزع فيالبيت هيهيهيهي