أنا في هم ما يعلمه إلا الله عز وجل ( زوجي يبغى يتزوج علي)

أشكركم جميعا على الردود والله وقفتكم معي خففت عني كثييييييير..
وحبيت أعلق على اللي يقولون إنك ( سلبية وباردة ) والله إني بمووووووووووت من القهر وماني مستوعبة اللي أنا فيه ونفسيتي رايحة فيها لكن وش بيدي وش أسوي حاولت فيه بكل طريقة لكن براسه الزواج وأنا ماني راضية لكن غصب عني وقلت له هذا الكلام لكن الرجال معزم..
الرجال حاط براسه الزواج ومتزوج متزوج إذا ربي كتب له ليه أخسره وأتعب نفسي وأروح لأهلي وهو متزوج متزوج وبعدين الوحدة إذا خانها زوجها راحت لأهلها وإذا كان راعي خمر وسفر راحت لأهلها وإذا كان يضربها ويهينها راحت لأهلها وأنا ماألومهم لكن أنا أفكر مع نفسي هو ماسوى شي حرام ولاأهاني عشان أعامله مثلهم هو ماقصر علي بشيء والله بيتي من أحلى أثاث وحتى خدامة جابها لي لأن بيتي كبير ومايفضى من العزايم والشغل وقايم بحقوقي وهذا اللي خلاني أستحي إني أسوي له سالفة ومشاكل وأروح لأهلي ..
وبعدين سالفة إننا مانعلم أحد من أهالينا هو قال عشان ماحد ينكد عليك قصده من ناحية الكلام ويقول متى ماارتاحت نفسيتك ننشر الموضوع ..
والا من ناحية أحد يخرب زواجه زوجي من النوع اللي مايسمح لأي أحد يتدخل فأموره الخاصة حتى لو أهله يعني بالعربي إذا حط في باله شي راح يصير مهما كان..
عشان كذا ماأبغى أخسره خصوصا إنه صارحني ولاسوى شي من وراي ووعدني إنه ماراح يظلم ولاحدة فينا ..
وهو قال لأبو البنت يقول لبنته إنها تكون عاقلة وإن أي تصرف منها يضايق زوجتي أو تسبب لها مشاكل راح أطلقها تخيلوا قالها له بكل صراحة ..
لكن تعرفون الموضوع هذا يتعبنا احنا الحريم ويثير غيرتنا وأنا من كثر ماأسمع من مشاكل التعدد خفت حتى إني قلت لزوجي بعض القصص قال أنا والله ماراح أظلم ولاوحدة فيكم ويقول مثل ماتسمعين تجارب فاشلة أنا أسمع تجارب ناجحة أخرتها بيوت مطمئنة في اذاعة القرآن كانت حلقة عن التعدد وأبو الشباب سمعها وانبسط يقول دقوا أكثر من حرمة وكلهم زوجات أولات ويثنون على التعدد وإن رجالهم عادلين ..
عموما ادعولي إن ربي يكتب اللي فيه خير وللمعلومية أنا قلت له أنا راح أصبر لكن من يوم ألاحظ أو أشوف ذرة ظلم لي أو تميل لها أكثر وماتعدل بيننا راح أطلب الطلاق وأروح لأهلي أكرم لي من عيشة الظلم توني صغيرة وراح أعيش حياتي..
وهو قال خلاص براحتك بتشوفين بعيونك كل شي..
طبعا هو حدد لكل وحدة مصروف شهري ويقول لكل واحد من العيال مصروف شهري والله يكون في عوني ولا تنسوني من دعواتكم..:44:

اللهم إن كان زواج زوجي خير لي في ديني ودنياي وآخرتي الله فيسره له..
وإن كان شر لي في ديني ودنياي وآخرتي اللهم اصرفه عنه ياحي ياقيوم ..

بما أن زوجك قرر الزواج فلن تستطيعي تغيير ما برأسه لذا لا تفعلي أي شيء ودعيه يتزوج لأن زوجك واحد من اثنين إما أنه ممن يهوى جمع النساء لأنه لا ينظر للمرأة كإنسان وإنما كسلعة مثله مثل من يهوى جمع الأملاك الأخرى كالسيارات والأراضي ليتفاخر بما يملك أو أنه ممن لديه خيالات معينه في شبابه وهو أن يكون زوجاً لأكثر من امرأة يتنافسن فيما بينهن لإرضاءه وكأنه أسد في عرينه متأثراً بمسلسل الحاج متولى ولم يحسب أي حساب للمصاريف المترتبة على التعدد من مساكن متعددة إلى سيارات متعددة لتتسع لكامل الأسرة إلى مصاريف الملابس والمواد الغذائية والمدارس ووسائل النقل المختلفة للمدارس والكليات والخدم والرعاية الصحية وما يترتب على تزويج الأبناء الذكور من مهر وحفلات الأعراس ووووووووووو لكنه حينما يتزوج الثانية تتضح له الصورة ويستيقظ من حلمه الوردي ليصدم بالواقع ثم يقرر التضحية بالحلقة الأضعف وهي الزوجة الثانية وحسبنا الله ونعم الوكيل لذا دعيه يفعل ما يشاء وأنت عيشي حياتك كما تحبين بلا حقد ولا ضيقة خاطر فالحياة أقصر من أن تهدر على رجل وأجعلي حبك بالكامل لله ورسوله حينها فقط ستشعرين باللذة والسعادة

الله يربط على قلبك ويصبرك
وادخلي ملف الزوجات الاولى واسفيدي من تجاربهن واذا شفتي ناس بنفس وضعك تهون حالتك بعيونك
والله يسخر زوجك ولايطالع غيرك