شاركي في النقاش

سجلي الدخول لإضافة تعليق.

التعليقات

1,350
  1. @egypt_jasica

    don
    ملف الآكلات المصرية الشامل (الجزء الرابع ) للمبتدآت الحلوات
    وووووووووواو ايه الجمال ده يادندون حلوه ده صباح الحاجات الحلوه بس مقلتيش باكو بسكويت كبير ومربع ولا مدور والكراميل كميه سائلة يعنى

    وقوليلى بقى حتقصو الشريط امتى علشان أكون من المدعوين فى الأفتتاح واجيب البونبون والشيكولاته

    وازيك يا سمسمه وأزى ياسمين
  2. صاحبة الموضوع
    don
    يا صباح الفل والله ما حبيت حاجة فى الدنيا الا وظايفكم الخاصة والحكومية اللى بتخلينى اشوفكم منورين على الصبح وبهذا النشاط ....لكن بليل كله مستخبى صباح الفل يا هالة القمر وام ياسمين وعصابتى حبيبتى نودى وموتى ولاروزتى ومنمن وميرو وايرا كنتى…
    تورتة بالكيك

    4 كوب كيك جاهز عندك مفتت
    كوب مربى او عسل ابيض
    كوب زبيب
    3 معالق زبدة
    سكر ناعم -فانيليا
    كوب كاكاو
    كوب مكسرات
    صوابع شيكولاتةجاهزة
    الطريقة
    نضع المربى والكاكاو على النار ونقلبهم كويس قوى لحد ما يغلو
    ثم نضع الفانيليا
    نضع الكيك المفتت على خليط الكاكاو ونقلبهم ثم نضع الزبدة
    و المكسرات والزبيب ونقلبهم كلهم كويس قوى
    ندهن صينية بالزيت ونضع فيها الخليط ونضغط عليها كويس
    وبعدين نقلبها فى طبق التقديم ونرش وشها بالسكر الناعم ونرصص عليها صوابع الشيكولاتة جنب بعض بشكل حلو وكمان المكسرات
    وبالهنا والشفا
    ممكن بدل الكيك تعمليها برضة ب 2 باكو بسكوت سادة
    وممكن تتعمل ببواقى كيك عندك
  3. صاحبة الموضوع
    don
    يا صباح الفل والله ما حبيت حاجة فى الدنيا الا وظايفكم الخاصة والحكومية اللى بتخلينى اشوفكم منورين على الصبح وبهذا النشاط ....لكن بليل كله مستخبى صباح الفل يا هالة القمر وام ياسمين وعصابتى حبيبتى نودى وموتى ولاروزتى ومنمن وميرو وايرا كنتى…
    بصى يا ام ياسمين الكراميل يكون سائل علشان انتى حتغطسى فية البسكوت يعنى مثلا ممكن تحطى كوب سكر على النار على معلقة صغيرة عصير ليمون ولما لونة يحمر نضيف كوب ماء لحد ما يغلو

    وبالنسبة للبسكوت زى ما قلنا قبل كدة بنستعمل بسكوت الشاى بسكو مصر او بسكاتووبيبقى مربع (مش مشكلة مربع او مدور)المهم ميكونش من نوع البسكوتة الناشفة اللى مبترضاش تمتص السوائل

تابعي تجارب أخرى من هذا القسم.