عجينة الباستا من ايديني.. ومنها سويت فيوتشيني واسباقيتي ورافيولي ..بالخطوات المصوره

قد يحتوي هذا الموضوع على محتوى غير مناسب. عرض الموضوع






السلام عليكم ورحمة الله وبركاته



ان شاء الله ما يكون الموضوع مكرر ... لأني بحثت ومالقيت موضوع مشابه


في يوم من الايام وبينما انا اتصفح موقع اليوتيوب , جاء في بالي اكتب كيف تصنع المكرونه ؟؟ << بالانقلش طبعا
واحطه وتطلع لي مية طريقه وطريقه لعجينة المكرونه << عجينة المكرونه مو طبخها هههههههه

معقوله ممكن اسوي اسباقيتي ؟؟ ولا فيوتشيني <<< واااااء
واسأل اللي اعرفهم ما احد منكم قد جربها ؟؟ قالوا لاااااا اشتريها جاهز ليش التعب .... !!


قلت لا للاستسلام ,,, انا قدها وقدووووود ... وان شاء الله تضبط
وبعد بحوث ودراسات للمشروع واستخاره واستشاره قررت اغامر واجربها .... والحمد لله ضبطت من اول مره
هالعجينه ممكن تسوينها لكل انواع المكرونه .











مقادير العجينه عباره عن :

كاسين ونص دقيق
ملح
ملعقتين زيت زيتون
تقريبا 5 بيضات كبار

(معلومه قريتها تقول انو لكل 100 غرام من الدقيق بيضه وملعقه صغيره زيت)







الطريقة:

اخلطي المقادير واعجني واعجني واعجني واعجني ... لا تستسلمين
ممكن تحطينها في العجانه اريح لكتوفك :09:
بتكون العجينه متمااسكه وقااسيه ... اتركيها ترتاح نص ساعه عقب هالتخبيط ...








طبعا لازم يكون عندك آلة الفرد ...





حطيها على اكبر رقم << عندي من 9 - 1




خذي قطعه من العجينه وافرديها بيدك في البدايه ....





افردي على الدرجه رقم 9 .. بعدين غيري المقاس الى 7 وافردي ثم الى 5 ثم الى 3 ثم الى 2
<<< ما جربت رقم 1 خفت تتقطع معي !





تلاحظون طويت الاطراف على جوا واعدت فردها ... عشان تطلع العجينه بالطول ما تكون دائريه






يتـــــبع

رجاااء محد يرد لما يكتمل الموضوع :26:

285 تعليق 52,324 مشاهدة

شاركي في النقاش

سجلي الدخول لإضافة تعليق.

التعليقات

278
  1. @ryf_alryad

    صاحبة الموضوع

    شيلي الذراع وحطيه في مكان فتحة الفيوتشيني واستمتعي بالفيوتشينياااااات




    لقطة أقرب





    خذي مجموعه ولفيها بشكل دائري ... وهكذا مع كل الكميه





    نفس الشي مع الاسباقيتي



    احفظيها في كيس مغلق باحكام واحفظيها في الثلاجه لحين الاستخدام
    << ما تطول معك في الثلاجه

  2. @ryf_alryad

    صاحبة الموضوع
    نجي للرافيولي




    تكونين محضره الحشوه , واللي هي عباره عن دجاج او لحم معصج بطريقتك

    او جبن تشدر , او جبن مالح مع بقدونس او سبانخ او بطاطس مسلوق ومهروس مع الاضافات ,, او أي حشوه في بالك




    تفردين العجينه على رقم 2 وتقطعينها مستطيلات عشان تقدرين تتعاملين معها
    انا استخدمت القطاعه المستخدمه للبف وشكلتها بشكل مثلثات




    ممكن تسوينها دوائر او انصاف دوائر او مربعات , المهم انها تتقفل زيييييييين عشان ما تطلع حشوتها وتتقطع وقت الطبخ
    <<< فيه فراده خاصه بالبف يكون فيها مكان للحشوه , بتريحك كثير



    هنا حشوة الدجاج






    وهنا جبن تشدر





    صفيها في صحن مسطح ودخليها الفريزر , اذا طبختيها طازجه بتتقطع معك , فالافضل تسوينها قبل بيوم عالاقل وتجمدينها ... وبطبيعة الحال ممكن جداً تفرزنينها بكمياااااااااات




    يتبع طريقة طبخ الرافيولي
  3. @ryf_alryad

    صاحبة الموضوع

    طبخ الرافيولي


    في قدر احمسي بصل مع ثوم لما يحمر , اضيفي قشطة الخفق اذا تبينها ايطاليه , او الزبادي اذا تبينها عربيه خخخخ

    << كلها حسب كميتك .. انا استخدمت 4 علب زبادي
    مع ملعقتين جبن سايل وملعقة مايونيز , ماجي , ملح



    بعد ما امتزج الخليط





    بعد ما تمتزج الخلطه نزلي حبات الرافيولي حبه حبه وانتبهي زيييين لا تتقطع , حركيه بملعقه خشب شووووي شووووي





    اطبخيها لمدة ربع ساعه عالاقل , او لما يستوي العجين ..


    انا قسمت خليط الزبادي في قدرين , واحد للحم وواحد للجبن ..
    اضفت لخليط اللحم البقدونس قبل لا اطفيه بخمس دقايق , ولخليط الجبن الاوريغانو والبارميزان





    الشكل النهائي


    لحم



    طعمها يمممممممممممممممي




    جبنه




    صوره اقررررررب




    وبالعااااااافيه





    واخيرا انتهى الموضوع عقب ما بهذلني المنتدى كل شوي يعطيني ايرور :icon33:


    وحيااااااكم الله ,, ولا تنسوني من تشجيعكم وردودكم اللي تبرد القلب :26:
  4. @dyzayn

    ماشاءالله عليك ابدااااااااااع

    استغفر الله الذي لا اله الا هو الحي القيوم واتوب اليه

تابعي تجارب أخرى من هذا القسم.