زوجك نظام عمله فيه بيات خارج البيت ....تعالي ندردش شوي

السلام عليكم حوائيات

موضوعي خاص بفئة النساء اللي أزواجهم عملهم نظام شفتات أو عندهم مناوبات واستلامات...يعني باختصار يباتون برا البيت.واللي بتدخل من غير هذه الفئة تفيدنا جزاها الله خير.

أنا يا غاليات من تزوجت زوجي وهو نظام عمله فيه بيات مو ليلة وليلتين بس لا والله بالأيام والأسابيع وأحيان نادرة توصل للشهور. وكنت ما شاء الله في بداية الزواج أجلس ببيتي لوحدي عااااادي رغم الحاح الجميع علي اني ما ابات لحالي لكن ما كنت ارتاح الا ببيتي ...ولو رحت بت عند امي اروح علشان خاطرها وعلشان ما أزعلها ..دارت الأيام والسنين والحمدلله تغير القسم اللي يشتغل فيه زوجي ورزقني ربي بثلاثة عرسان الله يحفظهم ويصلحهم وصار زوجي ما يحتاج يبات برا البيت بنظام العمل الجديد إلا لو كان مسافر أو شي من هذا القبيل ...لكن من فترة حصل تغيير وصار عندهم نظام استلامات بس مو كثير ولله الحمد يعني مرة في الشهر تقريبا ...لكن المشكلة اني تغيرت تماما :(بعد ما كنت ما شاء الله أبات في شقة طول بعرض لحالي بالأيام والليالي لقيت نفسي ماني قادرة أبات ليلة وحدة بدون وجود زوجي مع انه عيالي عندي وقبلهم رب العباد معاي لكن صار يجي بداخلي خوف ورعب شديد وغير عادي والله يا أخوات فعلا غير عادي طول الليل اتخيل أحد بيدخل علينا مرات أتخيله من الباب ومرات اتخيله من الشباك واعيش في كوابيس يقظة مزعجة جدا أتخيله دخل علينا ومسك أحد من أولادي وصار شاهر عليه السلاح ويهددنا وووووو ...وأجلس أفكر ايش باسوي واعيش مع الفكرة كأنها حاصلة فعلا .
وصرت الفترة الأخيرة لمن يغيب أجيب عيالي كلهم معاي بغرفتي واقفل كل الأبواب ولا افتح الا الصباح ...مع اني أدعي ربي واستودعه نفسي وعيالي وارتباطي بالله وتوكلي عليه ما يشوبه شائبة لك أحس ان الخوف والرعب اللي عندي كأنها صارت خوف مرضي ..
ايش السبب؟
ايش غيرني؟
كيف كنت ما شاء الله وكيف صرت؟

ياليت أخواتي تفيدوني وتقولون لي تجاربكم وكيف تقضون ليلتكم في غياب أزواجكم؟

20 تعليق 1,566 مشاهدة

شاركي في النقاش

سجلي الدخول لإضافة تعليق.

التعليقات

20
  1. @aazty_mn_smo_thaty

    اقري الرقيه والله يساعدك يارب



    دعوتكم لي
    اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
    وجميع المسلمين
    وصل اللهم على محمد وال محمد
  2. @rymy_30

    انا رجالي نظام شفتات ينام برا البيت :09:
    مره صرت زيك تمام اتخيل احد يدخل علي ياخذ بنتي واشياء ثانيه :06:مره انا شفته بعيني يروح ويجي من عند الباب ويطالع فين انا وبنتي والله خوف
    اخر شي عرفت السبب
    كله من التلفزيون :angry2:انا لاراح زوجي اشغل التلفزيون واعلي عليه احس انه يطمني >اعتقاد !:42:
    يوم تركت التلفزيون وصرت اشغل على قناة المجد للقران ارتاح واختفت التخيلات
    بس الا يروح ويجي عند الباب مااااااراح:humm::humm:
  3. @ghlah_baayony

    زوجي دوامه من 3 ال 11 باليل بس ايام العيد لا مثلا من 6 ال 6 صباح وكانو اهلي مسافرين وفعلا جاني خوف الله لايوريس لدرجة اني يوم شفته غمضت عيوني ونمت
  4. @shgr_aldr_4

    صاحبة الموضوع
    ريمي

    يا حبيبتي والله حسيت فيك الله يعينا ..بالنسبة للتلفزيون ما عندي غير قنوات المجد وغالبا بوجود زوجي وعدم وجوده (الله يحفظه لي ويحفظ لكم أزواجكم) نحط على قناة القرآن بعد نوم الأولاد.
    والحمدلله ما عندي مخالفات شرعية في البيت من فضل الله تعالى لا موسيقى ولا أغاني ولا صور ودمى معلقة إلا ان كانها مطموسة بس الله المستعان.

    بس فهميني وش اللي يروح ويجي عند الباب...؟
  5. يووووووووووه لاتذكريني انا دوام زوجي شفتات وابات لحالي وتعالي شوفي الافلام
    على اني اشغل قراان واوطي الصوت عشان اسمع اي شي يصير والله النوم مااتهنا فيه هذا اذا غفيت
    اتخيل شي مر واطالع بالباب والشبابيك وحتى فتحة المكيف اتخيل احد يدفها بيدخل
    وربي اعيش برعب حتى زوجي يرجع

تابعي تجارب أخرى من هذا القسم.