شاركي في النقاش

سجلي الدخول لإضافة تعليق.

التعليقات

1,603
  1. @mama1983_1

    توتا طيب ما تسالي دكتور حسام عن اخذ الستروتيد لانقاص الاستروجين ممكن فعلا تكون هيا ده مشكلتك هو السيتريتويد دكتور حسام بيديه للناس الي هرمون الlh عندهم بيعلى اثناء التنشيط لان ده ممكن يعمل تبويض قبل سحب البويضات يعني الدواء ده بياخدوه عشان يوقفوا التبويض يا توتا عرفتي انتي امته حتعملي المنظار والحجامه وعاوزاكي تساليه برضوا عن الالتهاب الي بيصاحب البطانه المهاجره الي قلت لك عليه قبل كده وكمان عن الكورتزون ممكن تاخديه عشان يساعد على ثبات الاجنه
  2. صاحبة الموضوع
    انا هعمل المنظار يوم الثلاثاء القادم ان شاء الله
    والحجامة انا مش عارفة اعملها ولا لأ ، لأن د حسام قالي انه بيعمل حاجة ليها نفس تأثير الحجامة في الرحم انه بيكحت جدار الرحم وده يعتبر شبه الحجامة

    لسة مش عارفة استخير واشوف


  3. صاحبة الموضوع
    ماما
    يمكن يكون الستروتيد ليه تأثير علي البويضات لما بتتأخر في الخروج
    علشان كدة مش بيديه لكل الناس

  4. totta_55
    اوكسي الحمد لله انك استقريتي علي الدكتور هميسة يا رب يكون سبب في حملك يا رب
    توتا تويتى ... ربنا يكرمك يارب قريبا وبدون عمليات ... انه على كل شىء قدير
    انتى طبعا لازم تخدى فترة راحة محترمة حتى لو الامكانيات موجودة ... علشان تقدرى تستعيدى نفسك وجسمك وياريت فى الوقت ده تاخدى علاج تثبيطى للأندو وبجانب ده تهتمى بالغذاء ...
    العلاج الطبيعي:
    ثبت أن بعض العناصر الطبيعية و الفيتامينات قد تساعد في السيطرة على هذا المرض خاصة عند تزويد الجسم:
    • بكميات متزايدة تدريجيا من فيتامين هـ بدءا من 4000 إلى 1000 وحدة يوميا.
    • الأحماض الدهنية الأساسية 1,500 جم في اليوم.
    • فيتامين ب المركب 3 مرات في اليوم.
    • فيتامين ج قبل الأكل مرتين في اليوم.
    • زنك 50 مجم في اليوم.
    • كالسيوم 1,500 جم في اليوم.
    • ماغنسيوم 10000 جم في اليوم.
    • كميات من زيت حبة القمح بالإضافة إلى مجموعة متكاملة من الفيتامينات والمعادن.
  5. @boba_boba

    اخيرا قررت اتكلم
    واطلع من الصمت الرهيب اللى انا عايشة فيه بقالى اكتر من 10 ايام

    انا اخر مرة دخلت قولتلكم ان نفسيتى تعبانة قوى وكنت فعلا مخنوقة بدرجة مش هتتخيلوها
    ومقدرتش احكى او اتكلم لانى انا نفسى مش عارفة ايه اللى وصلنى للحالة دى
    انا حسيت الفترة اللى فاتت انى حد تانى خالص مش بوبا اللى انتو تعرفوها حسيت انى حد مكتئب ومعندوش امل فى اى حاجة
    ومكانش عندى القدرة حتى انى افكر انا وصلت لكده ليه ولا لان اساعد نفسى انى اخرج من المود ده وكنت بحاول انى ما ابينش ده لزوجى ولا اخلى ماما تلاحظ لما اكلمها وانزويت عن اصحابى فى الشغل وكنت بدخل اطمن عليكو من غير ما اتكلم ولا كلمة
    وكل ما اكون لوحدى افضل اعيط جامد قوى ومش عارفة فيه ايه

    بس لما دخلت ولقيت توتا فتحت الملف ده اتبسط قوى وحسيت انها اديتنى دفعة امل لانها لسة متماسكة وعندها عزيمة
    بس برضه مبقتش قادرة اكتب ولا كلمة لانكو لو لاحظتو انا بعد ماعرفت نتيجة توتا ولا قدرت اقول لها ولا كلمة
    حسيت ان تفكيرى اتشل ومبقتش قادرة اعمل اى حاجة ويمكن ده كان سبب ان نفسيتى تبقى تحت الصفر زى ماقولتلكم
    ولما لقيتها فتحت الملف مبقتش قادرة ادخل واشارك واتكلم كده عادى كانت لسة عزيمتى مغيبة
    ولما لقيت البنات بيباركو لكوكر وعرفت انها حامل حسيت انى كنت غبية جدا لما اكتئبت وحسيت ان احلامنا مش بتتحقق بسهولة وعرفت قد ايه ان ربنا مش بيرزقنا هلى مزاجنا احنا بس اكيد هو له تدبير فى كل شئ وافتكرت دعاء كنت دايما بدعيه لكن للاسف مبقتش مداومة عليه ... زمان كنت دايما ادعى واقول اللهم ارزقنى من حيث لا احتسب وفعلا كان ربنا بيدينى حاجات اكتر من اللى كنت بحلم بيها كمان
    وعرفت ان ده اللى حصل مع كوكر ربنا رزقها من حيث لا تحتسب وبالرغم من انها كانت مكسوفة تطلب من ربنا .. بس ربنا اكرم واحن من انه ينتظر دعوتها ليه وكان حاسس بيها ومطلع عليها وعلى صدق نيتها فى كلامها
    وبكده كانت كوكر تانى سبب يرفع من عزيمتى بعد فتح توتا للملف

    بس برضه مادخلتش ولا شاركت وزى ما اكون كنت لسة محتاجة حاجة تانى تزقنى عشان ارجع زى الاول
    ودى كانت قصة كوكر عن صديقتها وقصة اوكسى اللى نقلتها لينا مش هتتخيلوا دول رفعوا من معنوياتى قد ايه
    وخلونى ادخل دلوقتى واتكلم وافضفض باللى كنت شايلاه فى قلبى عشان كده ممكن تلاقوا كلامى ملخبط ومش مترتب
    بس عاوزة اعترف لكم ان احساسى دلوقتى مختلف تماما عن الحالة اللى كنت فيها وحاسة انى مكسوفة من نفسى قوى انى فى لحظة ضعفت وانهرت بالشكل ده

تابعي تجارب أخرى من هذا القسم.