كوكر الف مبروك يا حبيبتي وربنا يتمملك على خير يارب
متسأليش كتير وتفكري ,,, قولي الحمد لله وإعرفي إن ربنا قادر على كل شيء
توتااااااااااااااا حبيبتي
أيوه كده يا قمر خليكي معانا علطول
أنا بصراحه بشجعك على إستمرارك مع دكتور حسام لسبب بسيط وهو إنه بالإضافه لإنه بقى عارف حالتك بالتفصيل فهو بيحاول يدور على سبب لفشل العمليه وكل مره بيعمل حاجه جديده معاكي
يعني مش بيلف ويدور ويتبع معاكي نفس النظام فاهماني يا قمر
من ناحية الحجامه انا بشجعك عليها تماما سواء تعملي حجامه حقيقيه أو اللي هيعملهالك الدكتور حسام وأنابرشح اللي هيعملهالك الدكتور حسام
بصي يا قمر أنا قبل ما أعمل عمليتي الثانيه كان عندي حاجات كتير باظت بعد العمليه الأولى فقلت أعمل حجامه
وبالفعل عملتها ثلاث شهور ورا بعض يعني ثلاث مرات لحد ما الدم اللي بيخرج كان بيطلع نظيف
هو بعدها بالفعل اللخبطه اللي كانت في البريوت إتصلحت ورجعت لطبيعتي
لكن محصلش حمل بس حصل حاجه غريبه
أنا كنت عامله منظار ووجدوا فيه إني عندي إنسداد كامل في الأنبوب اليمين
بعد الحجامه بحوالي ستة شهور عملت أشعة صبغه طلع الأنبوبين سالكين تماما
بصراحه معرفش إزاي بس ربنا قادر على كل شيء
اللي عايزه أقوله إنها تقريبا صلحت حاجات لكن لم يحدث حمل فاهماتي
وعموما الحجامه سنه عن الرسول وإتباعها لو ما أفدش مبيضرش
إنت إستخري وقرري وربنا يعملك الخير يارب
تجمع الموقنات برحمة الله ( خبرات متبادلة حول مراكز تأخر الحمل في مصر ) ج 13
متابعة النقاش، صفحة 49