شاركي في النقاش

سجلي الدخول لإضافة تعليق.

التعليقات

1,603
  1. boba boba
    اخيرا قررت اتكلم واطلع من الصمت الرهيب اللى انا عايشة فيه بقالى اكتر من 10 ايام انا اخر مرة دخلت قولتلكم ان نفسيتى تعبانة قوى وكنت فعلا مخنوقة بدرجة مش هتتخيلوها ومقدرتش احكى او اتكلم لانى انا نفسى مش عارفة ايه اللى وصلنى للحالة دى ان…
    بوبتى حبيبتى ... الف سلامة عليكى .... يا قمراية كل وحدة فينا ليها وقت بتعدى فيه بلحظات ضعف واكتئاب ... لكن صدقينى الانسان بيقدر يتعلم انه يبقى قوى وفوق كل الأزمات اللى بتمر عليه ...
    عارفة ازاى 1- قوة الايمان هى المحرك الاساسى اللى بيخلينا نتماسك ومننكسرش ادام اى ازمة تمر بينا
    انا مش حقولك انى هريكيوليز ولا زينة ... لكن فيه حاجات كتير بنتركن عليها وبنتقوى بيها علشان نخرج من اى احساس بالاكتئاب والحزن

    1- اولا اليقين بوجود حكمة الاهية وراء كل ما يمر بينا من مصائب الزمن
    2- النظر من حولنا على مصائب الآخرين يولد الشكر على المصيبة بنفس راضية محتسبة
    تخيلى حقولك حكاية لسة عارفاها من ام اياد ... واحدة تعرفها كانت متأخرة فى الحمل ولما ربنا كرمها وحملت وقربت على الوضع زوجها توفى فى حادث عربية
    واحدة تانية كانت بتعمل سحب بويضات فى جنين وجوزها توفى قبل ما تفوق من البنج
    قصص كتيرة حتقابلك فى المنتديات وحتحسسك ان اللى عندك ولا حاجة
    3- احساسك بجزاء ربنا على صبرك
    4- تدبر كل آية زكرت فى القرآن عن عطاء ربنا للصابرين

    والله والله والله ... هذه الدنيا دار ابتلاء وليست دار سعادة واستقرار ... عارفة لو عندك كل حاجة ومش ناقصك اى شىء
    حتخافى ان كل ده يروح من ايدك ... حتخافى ان الموت ياخد عزيز لديكى ... ساعتها حتحولى سعادتك لشقاء بأديكى
    الشاطر اللى يعمل عكس ده ويحاول دايما وعلى طول يبص لنصف الكوب المليان حتى لو الكوباية مش مليان غير ربعا
    حيبقى فرحان وقانع وسعيد
    الحمد لله
  2. صاحبة الموضوع
    بوبا بوبتي

    يااااه يا حبيبتي كل ده انتي فيه ومش بتتكلمي ولا بتقولي
    انا طبعا كنت في حالة شبة الحالة اللي انتي فيها بس مكنتش بعيط خالص ، كان عندي حاجة غريبة عارفة لما تكوني مغيببة ومش فاهمة ايه اللي بيحصلك ومتنحة ومسهمة ومش عايزة برده اكلم حد علشان فعلا مش ليا نفس اكلم اصلا ومش عندي اي كلام يتقال ومش عايزة اسمع اي مواساه من اي حد
    عارفة وصلت لدرجة اني عايزة انسى انا مين وبعمل ايه ، عايزة احس اني لسة مش متجوزة وفعلا كلمت صحباتي بتوع المدرسة وحسيت اني ارتحت كتيير لما شفتهم وقعدت افتكر في ايام زمان ازاي انا كنت علطول بضحك وعمري ما فكرت اني ممكن اوصل لكدة
    المهم الحالة اللي انا فيها دي اثرت علي جوزي جدا جدا لدرجة اني اول مرة اشوفه في الحالة دي وحسيت بتأنيب الضمير اني وصلته لكدة وكان مش قادر حتى يشتغل ومش مركز خالص في شغلة وزعلان عليا اكتر من اي حاجة في الدنيا ..
    في اللحظة دي انا بدأت افوق وارجع واحس ان مش ممكن اضيع حتى احلي حاجة فاضلالي اللي هيا جوزي وحسيت انى مش زعلانة وعايزاه هوا بس وربنا اكيد عملي الخير وسمعت الحلقة بتاعت مصطفي حسني رفعت من معنوياتي جدا جدا
    وطبعا خبر حمل كوكر اللي فعلا خرجني من اللي انا فيه وكنت حاسة انها رسالة ليا انا شخصيا ربنا بعتهالي علي ايد كوكرحبيبتي
    وكمان صدفة اني افتح الملف الجديد حسيت ان لأ مش ممكن كل ده صدف ، كل حاجة بتحصل لنا من عمل ربنا وتقديرة لأن هوا القدير العليم

    فالحمد لله يا حبيبتي انك انتي كمان خرجتى من اللي كنتي فيه ولازم نحاول نحط ايدينا في ايد بعض ونتفائل وان شاء الله ربنا مش هيضيعنا ابدا ابدا

  3. ماما ازيك يا حبيبتى ... الحمد لله ان الدورة نزلت علشان تبتدى فى عمليتك الجديدة ... وصيتى ليكى تحاولى تنتصرى على نفسك وتصحى تصلى قبل الفجر وتدعى ربنا كتير فى السجود وتكثرى من الاستغفار والصدقة
    وصدقينى فرج ربنا قريب وعطاءه بغير حدود
    ربنا يرزقك من حيث لا تحتسبى
    بحبك فى الله

  4. صاحبة الموضوع
    ممس
    عاملة ايه يا حبيبتي وحشاني اوي والله
    اخبار اللعب بالتلج ايه ولا خلاص ساح

    انا زي ما قلتي حسيت ان د حسام عرف حالتي وفهمها وبيحاول يعرف ايه هوا السبب
    انتي كنتي عملتي الحجامة فين علشان انا مش عارفة اي حد بيعملها
    يا ريت تقوليلي اي النظام وبيعملوها ازاي واسعارها ايه

  5. صاحبة الموضوع
    اوكستي
    انا طبعا محتاجة الراحة جدا وكدة كدة الإمكانيات مش متوفرة
    وعايزة اريح جسمي وعقلي من كل حاجة

    ربنا يكرمك انتي يا حبيبتي في المحاولة اللي جاية وان شاء اله تبقى فاتحة خير عليكي يا قمر

تابعي تجارب أخرى من هذا القسم.