ماهي قصه حب ولا ذكريات....للمشاعر جيش وقلبي مركزه

ما هي .. [ قصة حُب ] , وإلاَّذكريات
للـ مشاعر ( جيش ) .. وقلبي مَرْكِزَه



صرتي لي " خامس جهه " لأربع جهات !
وصورتك في وسط عيني مبرْوِزَه



كنَّ ربِّي .. ما خلق غيرك / بنات !!
إن طروا غيرك .. أحس بـ " نرْفزَه




وكنِّك إنتي جامعه .. كل الصفات



الحلا والزين وعين مطرزه!.


جاك قلبٍي وصرت عاشق تضحيات
و [ الهَدَف ] من شان " عينك " أحْرِزَه



واثق الخطوه .. وأمشي في ثبات
ويوم شفتك الخطاوي [ مهَزْهِزَه ] ..!



مو بـ كيفي هي كذا واللـه جات
قلبي كرسي " صعب " غيرك يحْجِزَه



عيشتي دونك يساويها الممات


وإنتي عيشي .. في حياتي " معَزِّزَه "


يعني قبلك .. كنت أنا , كلِّي شتات
وصرت أجمع لك شتاتي .. و .. أكنِزَه ..!



وشي طبيعي .. لو يغارون البنات
للجمال [ أخبار ] .. وإنتي " مُوجزَه " ..



ومن يشوفك .. اللِّي يتكلَّم لغات
قام يخربط والـ ( إذا ) صارت ( إزَه ) ..!!



والثقيل اللي يسولف في سكات
من يشوفك عاش حالة / لعوَزَه ..!!



لوتبوسي انسان له ايام مات


قام يركض حس قلبه ينخزه !!وقلبي اللي نام في عز وسبات
غيرك إنتي .. ما أظن ( يفزِّزَه )



واللِّي قالوا لما جت : " الحلوه جات "
جنبك إنتي ..؟ صارت أكبر [ مَطْنَزَه ]



لا تغاري .. من كلام المعجبات
ماني مثل اللِّي .. يحب " الرَزْرِزَه "



ياما قالوا ( الحُب ) يصنع معجزات ..
وإنتي
[ حُبك ]..
في
حياتي

" مُعْجِزَه " ..
للشاعر احمد الصانع

4 تعليق 1,359 مشاهدة

شاركي في النقاش

سجلي الدخول لإضافة تعليق.

التعليقات

4
  1. @g9e100

    الشاعر الكويتي .. أحمد الصانع



    أحمد الصانع

    صنع الكثير من القصائد

    وأبدع بصياغتها

    شاعر فذ وله العديد من القصائد الرائع

    ومنها ما تفضلتي بإختياره

    أختي حبر الجروح

    إختيار أكثر من رائع

    كل التحية لك

    أختك
    قصيمية
  2. @hbr_algroh

    صاحبة الموضوع
    G9E100
    الشاعر الكويتي .. أحمد الصانع أحمد الصانع صنع الكثير من القصائد وأبدع بصياغتها شاعر فذ وله العديد من القصائد الرائع ومنها ما تفضلتي بإختياره أختي حبر الجروح إختيار أكثر من رائع كل التحية لك أختك قصيمية
    شكرأ لك اختي قصيميه
    وتسلمين على مرورك الرائع

تابعي تجارب أخرى من هذا القسم.