دوبي قريت الاضافه يا اختي والصراحه مالها حق حتى انها تحتار
الافضل لها بعد كذا انها ما تكلمه عشان لا يأثر عليها بكلامه المعسول وبكاء التماسيح والذي يدل اما على التمثيل "يعني يتمسكن لحد ما يتمكن " او انه يدل على خلل في شخصيته ومرض نفسي واضح للعيان ... مافي راجل يبكي لهذا السبب خاصه انه اصلا مو محترمها ولا يقدرها لا هي ولا اهلها .. الله ما شفناه بس بالعقل عرفناه ,
بعدين خليها لا تخاف تراه ما يقدر ياخذها بالمحاكم لسبب بسيط ومهم للغايه .. اتزوجها بدون مهرررررررررررررررررررررررررررررر وهذا اكبر خطأ والحمدلله انه هذا الشي حيكون لصالحها ... فلا تخافوا من تهديده هو بس بيهوش لانه جباااااان ومو واثق من نفسه باذن الله يطلقها وتفتك منه
المهم خليها ترسله مسج بقرارها عشان يتاكد انه هذه رغبتها وما احد ضغط عليها (ولا تكلمه لو بيمووووووت قدام عينها ) لان طبيعه المراه عاطفيه وهي بالذات واضح انها طيوبه وحنونه وتحبه وممكن ياثر عليها
الافضل يكون الكلام مع الاهل .. يعني الوالد يكلمه ويقوله ان البنت قرارها النهائي الطلاق وما عندنا كلام غيره .... واذا سائت الامور ممكن تخلعه " ما ادري كيف تخلعه وهو اصلا مو معطيها مهر" عموما واضح انه ناويها ومستحلفلها لو اتمكن منها واتزوجوا راح يذلها ذل ويمرمط بكرامتها البلاط من جد مررررررررررره زوجها يخوف , وطبعا الدليل على كده ان هو بنفسه قالها انه راح يذل اهلها ويخليهم يبكون بدل الدموع دم وكمان حيخليها تبطل دراسه وهي مابقيلها شي على التخرج يعني ما همه مستقبلها .... وغير كذا يشك فيها الموضوع ذا بالذات حيقلب حياتهم جحيييم " يعني يا جماعه الرااجل انسان واضح وصريح لابعد حدود بانه حيبهدلها هيا ايش منتظره اكثر من كده ؟؟ تنتظر الين ما يضربها ؟؟ وغالبا وحسب شخصيته خليها تتوقع الضرب والاذل ومنعها من اهلها لانه قالها بمنتهى الوضوح قد ايش يكرههم بصراحه بعد كده لو ايش ما يسوي فيها لا تلوموه" .... ادعو الله من كل قلبي انه يوفقها ويعوضها الانسان الطيب الي مثلها والي يقدرها ويحترمها ترا الرجال ما خلصووو موجودين والعيشه بدون رجال افضل اذا كان الرجال الطيبين انقرضووو,, خليها مع اهلها معززه مكرمه ولا تذل نفسها لواحد ما يستاهل وبعد كده تتعلم من اخطائها وما تسمح لاحد ايا كان يسب اهلها لان كرامتها من كرامتهم واحترامها من احترامهم
لا تنسي طمنينا عليها
تختار زوجها او اهلها؟؟ بسرعة ارجووووووووووكم
متابعة النقاش، صفحة 8