معلش حبيبتي انت فعلا غلطتي لما تقولي لامك انه البيت كله مشاكل و انه اهلك غير عن الناس .. يعني متل ما هي عايرتك انت عايرتيها انت الوضع في البيت مو عاجبك و هي وضعك مو عاجبها .. و لا تفكري انها مبسوطة على المشاكل متل ما انت مش مبسوطة على تأخر الزواج ...
قصدي لا تعتبري تأخر زواجك هو المشكلة الوحيدة اللي بتستاهل الزعل و ممنوع حدا يحكي فيها .. و أكيد امك متضايقة من تأخير زواجك .. و يبدو انه ما عندها اسلوب بالحكي .. تماما متل ما انت متضايقة من المشاكل في البيت لكن جبتيها لأمك باسلوب مش حلو ابدا .. فلا تزعلي مني انت وامك طريقتكم بالتعبير غلط و مو هيك المفروض تتعاملوا ..
عموما انت لا تخلي تركيزك على هالمشكلة ... و ربنا يرزقك الزوج الصالح اللي يستاهلك آمين ..