الشخص اللي رمى لي سحر التفريق تزوج على زوجته!! هل اللي صار استجابة لدعائي؟؟

السلام عليكم حبيباتي مدري بس بإختصار كنت بسألكم بأني كنت ادعي على الشخص اللي رمى لي سحر التفريق بيني وبين زوجي هو ومن معه طبعا بكل صلاة وبقيام الليل ووقت صياح الديك واتصيد اوقات الاجابة عشان ادعي عليه والأهل في البيت وصديقاتي ما قصروا وانتو بارك الله فيكم ماقصرتوا بعد بالدعاء على من ظلمني سواء هو او اللي عاونوه وانا اعرفهم واحد واحد وكل يوم اقول اليوم بسمع خبر واليوم بسمع خبر عنهم واليوم سبحان الله وحدة من اللي اعرفهم كلمتني وقالت لي تعرفين وش صار على فلان؟؟ قلت لها ايه قالت لي تزوج على زوجته!!!!!! طبعا انا على طول فكرت في زوجته وهي لازالت باقية على ذمته ماطلقها لكن هي عندها خمسة عيال وبعدين انا اعرفها وهي صديقتي اصلا (لكن طبعا ماخبرتها ولا تعرف باللي سواه زوجها معي) لين الله ينصرني عليهم بعدين بأفضحه عندها لكن الى الآن ماخبرتها بأي شي وبصراحة بعد هي وحدة من اللي عاينوني وكانت تتحسر على زوجي قدامي وتقولها بوجهي والله ولا تستحي مني وكنت آخذ الامور ببساطة ومزاح مادريت ان العين حق وصابتني :44: المهم اللهم لا شماته ، بس بصراحة صدمتني لما قالت لي بأنه تزوج عليها وحدة مطلقة و بالرغم من ان زوجته جميلة بصراحة لكن لسانها طويل وهو من اول اعرف بأنه من اول راعي بنات وقلة أدب لكن ورب الكعبة ما فكرت بيوم اروح اخبر زوجته عليه عشان ما اكون سبب في خراب بيتهم وقلت الأيام كفيلة انها تكشفه لها والخاين مصيره بيجي له يوم ينكشف ، المهم لما قالت لي بأنه تزوج انا استغربت قلت ياربي نحن قاعدين ندعي عليه ان الله ياخذ لنا بثارنا منه وقام تزوج!! لكن في نفس الوقت فكرت فيها قلت يمكن يكون زواجه هذا هو بداية فرجي بأن الله يقلب عليه حياته ترى نحن مانعرف الحكمة من كل شي يصير فقمت دعيت وقلت يارب انتقم لي منه على اللي سواه فيني هذا الساحر الكافر الله لا يوفقه بس بنفس الوقت قلت بسألكم هل ممكن اللي صار يكون استجابة لدعائنا؟؟ طيب وش رايكم انتو باللي صار؟؟

40 تعليق 6,309 مشاهدة

شاركي في النقاش

سجلي الدخول لإضافة تعليق.

التعليقات

39
  1. الله اعلم
    ان شاءالله ربي بيستجيب دعائك بس لاتستعجلي
    ربي وعد الظلوم بالنصر ولو بعد حين
    وماتدرين يمكن عروسته تطلع عينه:icon32:
    ربي يحقق مرادك عاجلا غير اجل
    ويرد لك زوجك ردا جميلا يارب
  2. معلش اختى سؤؤؤال< ولك حرية الأجابة
    اشلون عرفتى ان هذا الشخص هو رمى لكم سحر
    لان السحر من الكفر فحرام نرمى الناس بالكفر بدون ما نتاكد

    بالنسبة لموضوعك
    هذا من امور الغيب لا يعلمها الا الله المفروض ما نسألل فيها
    ولا تستعجلى اجابة الدعاء وخليك واثقة بربك انه بيستجيب لك ولو بعد حين ولو مو فى الدنيا فى الأخرة والأخرة خير وابقى
  3. @smytk_ghlay_10

    أختي هذا أمر يعلم الغيب ..لااحد يجرأ أن يقول على الله بغير علم ..
    ولاتشغلي نفسك ياغاليه بإنتظار إستجابة الدعاء ..يستجاب للعبد مالم يعجل ..!

    لاحول ولاقوة إلا بالله
  4. مدري ياختي بس صدقيني الله وعد المظلوم بالنصر ان شاء الله
    والاخت اللي تقوول كيف عرفتي بقولك ترى فيه وقت القراءه ينطق المس على لسان الشخص ويفضح اللي ارسله ومن سوى السحر
    والله يشفيك اختي

تابعي تجارب أخرى من هذا القسم.