شاركي في النقاش

سجلي الدخول لإضافة تعليق.

التعليقات

649

  1. @am_msk_omlk

    @تأثير المجتمع علىتربيتك لأبنائك ..؟؟؟


    عني احب استفيد من خبرات الامهات ولو وحده نصحتني وشفت نصحيتها تنفع مع ولدي ماتضره اسويها يمكن تكون عندها خبره اكثر مني اما اذا نصحتني وحده نصيحه وماجازتلي اقولها ان شاء الله بس تدخل من اذن وتطلع من الثانيه باختصار اخذ المفيد واترك الي مايفيد


    واحب استفيد من الامهات يعني اركز على حركاتهم وتربيتهم مع اطفالهم واذا حلو طبقته اما غير كذا مااهتم


    من الاشياء الي استفد منها وان شاء الله تستفيدون منها


    وخصوصا البكريات انصحكم نصيحه اعطتني جارتي الله يجزاها الجنه قبل


    مااجيب ولدي وطبقتها وارتحت كثير ولدك لاتعودينه على الشيل كثير اذا بكى وانتي متاكده انه نظيف ومو جوعااان ولا عنده مغص (تعرفين المغص انه يركل برجوله ويضغط على ايدينه وصياحه قوي وشاد بطنه بقوه هذا الي لاحظته على ولدي )واذن ماتعوره (عني اعرف اذا كان جوعان ويبي يرضع بس مو قادر)فخلاص خليه بيبكي شوي وبعدين راح يسكت


    مو كل مابكى شلتيه بكذا خلاص ياخذها حيله كل شوي بيبكي


    وولدك حاولي تعودينه على الاكل من بدري يعني خلاص اذا صار عمره 4 ش ابدي اكليه لاتقولين اخاااف لانه بعدين راح يتعبك وماراح ياكل زين اختي مااكلت ولدها الا لما صار عمر 6 شهور بدات وبعد بالخفيف الحين ولدها مبهذلها ماياكل زين


    واكله لما يصير 9 شهور حاولي تاكلينه أي شي معك مو لازم تهرسين كل شي بنت جارتي تخيلوا تهرس لها الاكل حتى صار عمرها 2 ونص الحين ماتعرف تمضغ الاكل


    وتطول اللقمه بفمها على بال ماتبلع متعوده على المسلوق تعبتها كثير فقالت هذا درس لي على بالي باافيدها ماادري اني ضريتها


    ومن الاشياء السيئه الي تعبت نفسيتي لمقارنات انا ولدت مع وحده من قرايبي وماكان بينه وبين ولدي الا شي بسيط وهاك يامقارنات توه مازحف وهذا زحف توه مامشى فلان مشى اقولهم هذا بكر اغلبهم يتاخرون وهذا عنده اخوان فااكيد انه يمشي قبل


    ولا اقولهم الاطفال مو سوى لاحقين على التعب اهم شي انه بخير


    لدرجه ويوم كان عمره 3 ش كانت صحته زينه يعني مو نحيف ولاسمين وولد قريبتي بسم الله عليه صحته كانت زينه يعني ولدي يبان عنده ولا شي فلما شافت ولدي قالت يااحراام اشفيه كذاوديه المستشفى يمكن عنده فقر دم ولا انيميا قلت لا الحمد لله صحته زينه ولا فيه شي حتى الدكتور قايلي وزنه طبيعي


    وبرضوا ايام النفاس بسم الله عليه كان دايم نايم وتعرفون المولود فهالعمر دايم نايم


    فكانت تلمح بالكلام تقول الطفل الطبيعي ماينام دايم لان ولده كان يبكي دايم بس ماتقول الكلام مباشره لي تقوله للحماتي الصغيره يعني وصلي الكلام


    ويوم كمل سنه استخدمت له بدياشور مع حليبه فكانت صحته زينه فتسال حماتي تسحب منها الكلام وش حليبه فقالت لها عن الحليب قالت ليه بدياشور هذا لناقصي الوزن ياشين الي يتفلسف وماعنده سالفه وتخيلوا اسبوع الا هي رايحه تشتريه لولدها


    وتجي تقول لي حماااتي اقولها مره ثانيه لاسالتك شي لاتجاوبين عليه قولي مدري والحمدلله الحين خفت المقارناات كثير لان مااعااد في شي تقارن فيه

  2. @am_msk_omlk

    @أفكار خاطئه في التربيه ..كانت لديك ..وكيف أنتبهت لها..؟؟


    **كثر الدلع ولدي مدلع كثير من ناحية اهل زوجي من كثر حبهم له مايبونه حتى يبكي كنت اقولهم اذا بكى على شي تافه طنشوه ترى بيسكت يقولون كيف يطاوعك قلبك اقولهم ترى ماراح يتعبني الا انا بسافر وماله الا انا مو كل مابكى شلته وراضيته فقتنعوا بكلامي وانا داريه من زود حبهم له بس انا المجني عليهابعدين وكانوا يشيلونه على طول من يد ليد وبصراحه مااقول لهم لا من حقهم وانا داريه من كثر حبهم له هذا قبل مايمشي فلما ارجع بيتي يبيني اشيله 24 ساعه فعلمتهم بمعاناتي فماصاروا يشيلونه دايم يقعدون يلعبونه بمكانه ياحبيلهم


    وبرضوا انا كنت اشتري أي شي يبيه فلما ندخل المحل يقعد يبكي وينسدح على الارض حتى نشتري له وبالاخص هالكور ياهو يموت فيها يالبى قلبه فقلت لابوه خله يبكي مصيره بيسكت مو اول واحد يبكي ولا اخر واحد البيت مليان من هالكور كل مابكى شرينا له وبالفعل نطنشه يبكي بعدين لا فقد الامل يستسلم بالامر الواقع ماله الا كذا


    بس احيان يكسر خاطري واشتري له يعني المشكله انحلت بس باقي ربع منها وان شاء الله احلها


    **من اخطائي كنت اعطيه الرضاعه واخليه ينسدح وبعدين يقوم يتمشى ويرضع ارتفع ضغطي منه فصرت كل مامشى اقوله دح اذا مارضى اشيلها عنه يقعد يبكي يبغاها مااعطيه الا اذا انسدح فالحمد لله تخلصت منه اول مااعطيه ينسدح من غير مااقوله


    شرب المويه بعد عودته انه مايشرب الا هو جالس فالحين مايشوفني اصب له مويه الا تلقينه جلس ويقول بسم الله طبعا بلغة الاطفال بعدين يشرب ماشاء الله عليه الله يحفظه من كل شر


    **وبرضوا كان لما يطيح واي يصير له شي على طول اصيح واشيله ومااعرف اتصرف يعني ازيد الطين بله


    واحس اني ازيده اكثر من اني اهديه وقالت لي امي الله يحفظها لما يطيح قولي بسم الله ولاتصيحين بوجه مو زين له فصرت لاطاح اقوله شاطر بطل يالله قوووم والله حتى انه احيان مايبكي اثاريني كنت اخرعه شكله يبكي خاااف من صوت صياحي مو من الطيحه


    والحمد لله قدرت انفسك نفسي بس والله احيان تفلت مني بس احسن من اول


    **اكبراخطائي اني عودته على طيور الجنه حسبي الله عليهم اول ماافتتحوا القناه كانت بدون موسيقى وشوي شوي لما تطوروا فالحين مو راضي يتركها مسحتها كم يوم وخلاص الولد صار تقولين مدمن عليها فرجعتها


    والحين مو داريه كيف اتفك من هالمشكله حاولت اغير القنوات مو راضي الا طيور الجنه

  3. @am_msk_omlk

    @مصادر التى تعتمدين عليها في التربيهوالأمومه ..؟؟؟


    **قدوتنا رسول الله محمد عليه افضل الصلاة واتم التسليم


    **امي واختي الله يحفظهم


    **وبرضوا منتدانا الغالي


    **واي ام تعجبني طريقة تربيتها


    @جريمه كنتِ على وشكأرتكابها في حق أطفالك ..؟؟؟


    يوووه جرائم مره وحده


    لا الحمد لله ماصار شي


    @وقفه مع أطفالك والخدم ؟


    الحمد لله ماعندي خدامه الله يكفينا شرهم


    واذا احتجت لها لكل حادث حديث

  4. @am_msk_omlk

    @العادات السلوكيه السيئه في ابنائك ...وكيف واجهتيها؟؟


    **حب التملك يعني اذا عنده شي مايبي احد ياخذه ويقعد يبكي ويسوي لي سالفه


    هالشي ملاحظته من كم شهر يلعب دايم هو وبنت جارتي فلما ياخذ اللعبه ومايبيها تلعب اشيل اللعبه منهم واعطيهم لعبه تكون نفس بعض تنفع احيان واحيان لا


    واحيان اشيلها ومااعطيه شي اخليه يقعد يبكي شوي ويعصب بس اكيد انه راح يسكت


    ولازلت اعاني من هالمشكله


    ** برضوا العض لما يجي يلعب من زود الوناسه احيان يعض


    بس مو دايم يعني انا ولا ابوه وبنت جارتي الله يسعدها مره عضها وجيت عليها وهي تشكي منه


    فماادري وش اسوي معه واخااف اهتم فيها واقوله عيب ولا اعصب عليه ويزيد ودي تعطوني حل للي مرت بهالمشكله لانه توها في بدايتها اخاااف يزيد

  5. @am_msk_omlk

    ان شاء الله يابنات اني كنت ضيفه خفيفه واذا لاحظتوا علي أي خطاء فانصحوني


    واسال الله ان يحفظ لنا عيالنا ويحميهم من كل شر ومكروه ويكونوا بارين فينا


    استغفر الله الذي لا اله الا هو الحي القيوم واتوب اليه


    *************************************

تابعي تجارب أخرى من هذا القسم.