شاركي في النقاش

سجلي الدخول لإضافة تعليق.

التعليقات

1,603
  1. @mmyzat

    شيمو ..ان شاء الله المنظار يكون فيه الجواب الكافى لحالتك

    وداع ..عزيزة..ربنا معاكم انتم حتنشطو الشهر الجاى صح؟؟

    ميرا ربنا يفرحك يا قمرة؟؟اين انتى؟؟؟؟؟؟؟
  2. @shymolata

    بوبا ياحبيبتى استخيرى ربنا وتوكلى على الله فى موضوع الحقن المجهرى وبالنسبة للاكياس اللى رجعت انتى عارفه ان الاندو كده وعلاجه حدوث حمل ان شاء الله ربنا يكرمك بيه قريب قوى بالنسبة تعملى الحقن عندك ولا فى مصر انا خايفه عليكى من بعد تجربة المنظار اللى عملتيها عندك علشان كده انا مترددة انى اقولك تعملى فين بس لو عندك مكان ثقة ومتأكدة بشهادة ناس كتير خلاص توكلى على الله وبردو استخيرى ربنا وهوا يدلك على اللى فيه الخير ليكى بجد يابوبا بتمنى السنة دى تخلص وانتى واوكسى ونيفو وتوتا وفاطمة وماما وام اياد حوامل ان شاء الله وانا كمان علشان محدش يقول مكتئبة
    صحيح ام انس فين كل ده مختفية ؟
  3. صاحبة الموضوع
    بوبا
    اولا كويس اوي موضوع الجيم ده عيخلي مزاجك فوق فوق ان شاء الله وكمان بيساعد علي الخسسان

    بالنسبة للأندو بصي طبيعي جدا انه يرجع تاني بعد المنظار ، لأن المنظار او حتى عملية فتح البطن عمرها ما كانت علاج للأندو ، هيا بس بتقلل تواجدها وبتبطأ من انها تكبر بسرعة
    بالنسبة بقة للحقن المجهري انا شايفة انه فعلا العلاج الأمثل لأن اي التصاقات فعلا بتعمل تأخر حمل ، هيا مش بتمنع تماما بس مش بيبقي اكيد انه ممكن يحصل حمل

    انا في العلاج بتاعي اخدت زولادكس بعد شفت الأكياس بالمنظار لمدة ثلاث شهور وبعدها علطول بدأت في الحقن المجهري ، دي كانت اول مرة وبعد ما فشلت ونزلت البيريود طبعا اكون شوية من الأندو بس مش كبيرة اوي ، ولما بدأت تاني في المحاولة التانية كان البروتوكول اني اخد حبوب منع الحمل من ثالث يوم البيريود لمدة 17 يوم وبعد ما بوقف الحبوب البيريود بتيجي بعدها بيومين ثلاثة كدة وبعد كدة ببدأ في الحقن المنشطة في البيريود الجديدة

    وعلي فكرة انا في أخر محاولتين كان بيبقي في اكياس علي المبيض بس الحمد لله مكنتش مأثرة اوي علي التبويض.

    بالنسبة بقة تعمليها عندك ولا في مصر ، انا مش عارفة ظروفك ايه هل تقتدري تنزلي مصر قريب وهل في مراكز سمعتي عن حد عمل فيها هناك ؟؟

    لو في حاجة مش فهماها انا معاكي اسألي زي ما انتي عايزة.

  4. أم اياد 2009
    معلش يا بنات انا اسفة جدا جدا على التأخير انا عارفة قلقتكو معايا بس والله غصب عنى اصلي روحت متأخر للدكتور المهم بقي الدكتور لقي البويضة بقي حجمها 27 طبعا متنفعش تتخصب والتانية حجمها 17 هي دى اللي ممكن يكون في امل فيها واتصلت بالمساعد بت…
    حبيبتى ام اياد استنيتك ياقمر لحد الساعه 12 وبعدين فصلت مية ونور وكان نفسى اكون اونلاين علشان نرغى سوا شوية .. بصى ياحبيبتى ماشاء الله على حجم البويضات تمام اوى كده عايزة بس اقوللك على حاجه ان مش بالضرورة حجم البويضة الكبير ده ميحصلش حمل معاه ... انا كان عندى بويضه حجمها 25 والتانيه 18 فى الشهر اللى حملت فيه والله اعلم حملت بانهى لكن متفتكريش انه صعب او بعيد على ربنا انه يرزقك من البويضه الكبيرة ده بالرغم من انى سألت دكتورة هنا فى المنتدى على الحجم ده وقالت لى مستحيل تحملى ده اصبح كيس مش بويضه .. علشان كده متفتكريش ان فرصتك واحده مع البويضه الصغيرة لا ممكن تحملى بالكبيرة ربنا كريم ياحبيبتى .. عموما بشكل عام اخبارك تطمن جدا جدا جدا وفى استجابة ماشاء الله عالية وممتازة وده انا كنت متوقعاه بالرغم من نتيجة تحليلك بس كنت عارفه ان استجابتك هتكون كويسه .. والحمدلله ياقلبى على الاخبار الحلوة دى يالا ربنا معاكى وكمان اسبوعين هقوللك مبروك على الحمل

تابعي تجارب أخرى من هذا القسم.