زوجــي بيتزوج مسيار ...

السلام عليكم ورحمة الله وبركاته ..

شخباركم خواتي تكفووون محتاجة مساعدتكم ،، انا لي 7سنوات متزوجه ولله الحمد مرتاحه في زواجي ولكن زوجي صار له سنه تقريباً يحن علي يقول بتزوج والله العظيم يا خواتي البارح واحنا قاعدين نتعشى انا وهو والعيال الا يقولي بصراحه انا قررت اتزوج مسيار ؟؟:44:
قلت له ليش قال : انتي ماتكفيني :icon33:
قلت له : والله عمري ماقصرت عليك ولا على بيتي وعيالي
قال : انتي بصراحه احياناً اذا جيت بنام معاك تنومين عيالك وتنامين وتتتركيني ..
وانا بصراحه ادخل مع عيالي غرفتهم انومهم والله العظيم ما احس الا وانا رايحه في سابع نومه لأن عيالي ما ينامون الا اذا شافوني نايمه واحيانا اسوي نفسي نايمه عشان ينامون .. يقول مليت ابي وحده ما عندها عيال تهتم فيني وتدلعني ..

الله يسامحه بس والله جرحني وماتوقعت ابد يقولي هذا الكلام ..وانا والله اتعب من شغل البيت :angry:والعيال مايجي الليل الا وانا منهد حيلي وبعد عشان عيالي توائم ولا عندي شغاله ..

تكفون قولولي وش اسوي ... دلوني وانصحوني الله يجزاكم الفردوس الاعلى ..والله يعلم بحالي من البارح .. طلبتكم لا تخلوني والله ما اقدر اقول لأخواتي ولا لأحد ..

88 تعليق 9,270 مشاهدة

شاركي في النقاش

سجلي الدخول لإضافة تعليق.

التعليقات

88
  1. @smraaa_halm

    غريبه منه

    المفروض تصارحينه

    اذا كنت انت تتعبين من شغل البيت لازم يتعاون معك.. ويخفف عنك
    اجلسي معه و اسأليه عن السبب الرئيسي

    ان كان تقصيريك من ناحية الرعاية الخاصة به.. فنبهيه ان البيت ماصار زي اول انت واهو وبس!!!

    لازم فيه قصور..

    واذا قال انا من حقي ادور الي يدلعني..>> قولي ومن يدلعني انا؟؟؟


    طبعا التفاهم مو بالهواش... لا بالهدوء,, بس النقاط الي قلتها لك اهي المفروض توضحينها له


    الله لا يغيره عليك.. ويخليكم ليعض
  2. @dmaa_alrhyl_1

    اختي خلية يجيب لك شغالة تخفف عنك وانتي تفرغي له وبدل ما يصرف علي الزوجة الثانيه يصرف علي الشغاله؟؟
  3. @aldnya_srab

    حبيبتي دام حط العرس براسه راح يطلع لك الف سبب
    حتى لو انتى متفرغه له بيقول جسمك مو عاجبه
    وكذا
    الله يهديه لك
  4. @dan_alkhbr_22

    صاحبة الموضوع
    ماقصرتي اختي حالمه على ردك ..
    والله العظيم مايساعدني بشي حتى كاسة المويه ما يقوم ياخذها وكم مره اقوله انا محتاجه تساعدني يقول انتي المره في البيت وهذا بيتك وانا الرجال ..
    وش اسوي ..

    ورافض فكره الشغاله المؤقته ولا يبي شغاله في البيت الا اذا حملتي وانا حملي لازم منشطات وحوسه بس الحمد لله على كل حااااال

تابعي تجارب أخرى من هذا القسم.