شاركي في النقاش

سجلي الدخول لإضافة تعليق.

التعليقات

1,603
  1. شيمولاتا
    عزيزة يا حبيبتى الحمد لله قدر الله وماشاء فعل وان شاء الله المرة الجاية ربنا يكرمك بالحمل معلش ياعزيزة كل محاولة فى ميزان حسناتنا واحنا ان شاء الله مش هنيأس وانتى عارفه ان التنشيط مش من اول شهر فيه ناس ربنا بيكرمهم من تانى شهر او تالت شهر …
    والله ياشيمو انا اتصدمت طبعا في الاول وبعدين خلاص حعمل ايه
    الحمد لله
    اعمل ايه بس جوزي مش بيرضى يعمل الواجب هههههههههههههههههههههههههههههههههههه
  2. @shymolata

    والله يا عزيزة يا حبيبتى بتيجى على أهون سبب بس ليها ساعة ربنا محددها وكاتبهالنا وان شاء الله تكون ساعة الفرج قربت واهو كله فى ميزان حسناتنا الحمد لله وبعدين احنا ياما شفنا حالات بتكسر كل القواعد يعنى ناس طبيا معندهاش اى حاجه تنفع انهم يخلفو وربنا بيديهم وناس معندهمش اى موانع ولسه ربنا مارزقهمش والله انا حاسه ان ربنا هيكرمنا كلنا ان شاء الله ونفتكر الايام دى ونقول الحمد لله فعلا والله انا بحس اننا اما ربنا يكرمنا بالحمل هيبقى احساسنا اروع كتير من اللى حملو بسهولة الحمد لله على كل حال
    اقولك على حاجه مكنتش عايزة اقولها واحده صاحبتى انا بحبها جدا واتعلقت بيها قوى وكنا بنتكلم كتير وكنت دايما اقول ربنا يرزقها قبلى لان حالتها اصعب بكتير بس من جوايا كنت حاسه انه بعيد قوى وانى يمكن احمل قبلها وكنت بدعى ربنا يديها قبلى لانى بحبها جدا انهارده صاحبتى دى حامل فى الشهر الرابع وتوأم ماشاء الله وانا محصلش حمل ولا مرة لمدة أربع سنين مع ان تحاليل جوزى ممتازة وتحاليل جوزها فيها مشاكل ومع ان حالتها اصعب من حالتى بس سبحان الله ربنا بيعلمنا انه مش بالحالات ولا بالكلام ده دى بارادته وبس
    اخر 3 ايات فى سورة يس
    ((أوليس الذى خلق السماوات والأرض بقادر على أن يخلق مثلهم بلى وهو الخلاق العليم إنما أمره اذا أراد شيئا ان يقول له كن فيكون فسبحان الذى بيده ملكوت كل شىء وإليه ترجعون )
  3. @shymolata

    ياريت ياجماعة تدلونى اعمل التحاليل بتاعت تانى يوم الدورة قبل ماروح لدكتور عادل ولا ايه انا مش عايزة اضيع وقت انتو عارفين الاجازات بتبقى معفرتة قوى
    ام اياد ياريت لو سمحتى تقوليلى انتى عملتى تحاليلك عند امينة حساب فى اسكندرية ولا فين وكمان ايه التحاليل اللى دكتور عادل كان طلبها منك وكلفتك كام علشان اعمل حسابى
    وليا سؤال تانى معلش هوا الدكتور عادل بييجى اسكندرية امتى بالظبط وطريقة الحجز فى مستشفى الشرق الأوسط ازاى لإنى بفكر اروحله هناك لانهم بيقولو العيادة زحمة قوى وكمان لانى معرفش القاهرة كويس لكن اسكندرية عشت فيها سنين فعارفاها كويس دى بلد امى وجدى على فكرة
  4. سبحان الله يا شيمو


    شوفى بنشوف فى حياتنا قصص كتير قوى بتقولنا المشيئة و احنا تعبين نفسنا على الاقل نفسيا

    الواحد يعمل اللى عليه و التوفيق من عند ربنا
  5. شيمو انا من رايى انك اى تحليل تفتكرى انه ممكن يفيدك اعمليه عشان تروحى و انتى مستعدة و متضيعيش وقت
    يعنى اليوم التانى من البريود و اليوم الـ 21
    دول اللى اعرفهم و برضو شوفى اودى حتقولك على تحاليل ايه
    و عندى اقتراح ممكن تبعتى لدكتور عادل ايميل و تعرفى ايه التجاليل اللى ممكن يطلبها منك


    و ربنا يكرمك يااااااااااااا رب

تابعي تجارب أخرى من هذا القسم.