المجلس العام ..والوصاية على البنات ,,وفرض الآراء..إلى متى ,,؟
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
78- بارك الله فيكن يالطيبات ولكن بالمثل يارب
- كلام جميل وكلام من انسانه لم نتعود منها الا كل خير
جزاك الله خيرعلى طرحك الجميل وعقلك وتفكيرك الراقي
ياليت الاخوات يتعلمون منك ولو القليل - الله يجزاك خير
موضوع أكثر من رائع
وفعلا كل نقاشاتنا صارت باللي تتعلق بالدنيا ونسينا غيره
الله لايحرمك الاجر - فعلا..كلام في الصميم..
جعلك الله مباركة أينما كنتِ.. - جعل يديك ماتمسها النار
والله الكلام لا بيودي ولا يجيب
لكن هو موقف لازم توقفيه مع نفسك وربي بيحاسبك عليه
يالغاليات والله ثم والله ان فيه ناس اعرفهم هم أشد حاجة للقياده لكن يرفضونها
المسأله مو مسألة حاجه المسأله مبدأ ولو كانت حاجه ماكان بقي حرمه على وجه الأرض ماساقت
لكن فكري بعقلك بضميرك مين اللي حرض على القياده وخلاها موضوع للنقاش بعد ماكان موقفنا منها من المسلمات
هل هو شيخ ؟ عالم ؟ مثقف واعي ؟
للأسف مين اللي طالب غير اللي عرفنا منهم سب الدين والعلماء وعداوتهم للدين ؟
طيب ليه يبونا نسوق ؟
خايفين علينا؟
طيب وينهم ماتكلموا في موضوع الضمان الاجتماعي رواتب للنساء بدون وظايف ليش ماتكلموا عن الوظايف عن الصحة ؟
ليه دايما المواضيع المتعلقه بالعفه والدين عموما صاروا يتكلمون فيها كثير ؟
طيب ممكن وحده من الفاضلات تقول انا عارفه انهم يبغون الشر بس انا محتاجه أسوق؟
أقولها لا تفكري بحاجتك الحين حاجتك ممكن تقضينها طيب وبعدين وش راح يصير فكري في المستقبل فكري بعيالك بالمجتمع
شوفي الحين كيف الحريم وهن بدون سواقه شوفي كيف صاروا الحريم يخافون على ازواجهم في السوق
وكيف صاروا يخافوا على عيالهم من التحرش
وعلى بناتهم انهم ينخطفوا
هذه الحين وبدون سواقه ؟
فكري بضمير هل هذه المشاكل كلها تساوي صبرك على حاجتك هذه اللي تبغي تسوقي عشانها
اصبري لله وربي مايضيع اجر من احسن عملا
صبرك هذه تخذلي فيه المفسدين اللي ينادون باسمك
اعرف انك تكرهي العلمانيه والليبراليه لكن انت كذا تساعديهم في تحقيق مبتغاهم بدون ما تقصدي
أما اللي تقول انكم مكبرين الموضوع واحنا بنسوق بالحجاب وهذا مايتعارض والبلد فيها قانون ماراح يصير لنا شي
اقولها يالغالية هذه دول الخليج والدول العربيه امامك لا تشوفينها من المسلسلات ولا من التلفزيون نهائي أسألي أهل الحق منهم العقلاء أو أذهبي بنفسك وشاهدي
كونك انت ما تعرفي عن مشاكلهم وقضاياهم هذا لا يعني انها مو موجوده
والا اقولك ليش تروحي بعيد محنا في السعوديه وعندنا هذا الامن اللي تقولي عنه وعندنا الحجاب اللي تقصدينه
ورغم كذا استهتار واضح بالحجاب - تهاون بالذهاب بدون محرم - تهاون بالكلام مع الرجال - تفلت في الاسواق - معاكسات ولا ماعاد صارت معاكسات صارت مقابلات والعياذ بالله - شوفي جرايم التحرش والخطف للصغار والكبار للاولاد والبنات ....
والأدهى والأمر تجرأ صريح من مجموعه من الشباب وخطف باصات طالبات ؟؟!!! وكأننا بفلم أمريكي
طيب هذوله مجموعة طالبات ومعاهم رجال اللي هو السواق وشوفي وش سووا تخيلي نفسك بهذا المكان
ترانا قاعدين نكرر نفس الموقف لو تذكرين كيف كانوا يتكلموا عن الدشوش او اذا احد حكالك
بدينا فيها عشان الاخبار وقلنا لا مو معقوله نحط على القنوات الفاسده
وناس قالوا كل واحد حر اللي يبي يحط يحط واللي ما يبي هو حر
وناس قالوا احنا بس نشوف الزين وما نتفرج على القنوات الفاسده
وووو.... الخ
وشوفي لاي مستوى وصلنا
انحراف اخلاقي وسلوكي - ضياع أسر - وولاسف سحر وشعوذه - وكفر صريح في قنوات اطفال ... الخ
وكملي القائمه باللي تعرفينه
فهل ننتظر حتى تتكرر الصور...
لا حول ولا قوة الا بالله
اللهم أرنا الحق حقا وارزقنا اتباعه وارنا الباطل باطلا وارزقنا اجتنابه
اللهم ردنا اليك ردا جميلا
اللهم ردنا اليك ردا جميلا
اللهم ردنا اليك ردا جميلا
اللهم افتح على قلوبنا وجنبنا الفواحش والفتن ما ظهر منها وما بطن ..
وحسبنا الله ونعم الوكيل ...
مواضيع مشابهة
تابعي تجارب أخرى من هذا القسم.