♥ دورة الفوتوشوب ♥ المرحلة الاخيرة ♥ الدرس 2 ♥

ابلتنا الغالية باتونيا الله يشفيك ان شاء الله ويكفيك شر المرض .

اسفه على التاخير بس سامحيني كان عندي ظروف صعبه. وان شاء الله راح اطبق الدرس الاول.

التطبيق الاول


التطبيق الثاني


التطبيق الثالث


التطبيق الرابع

ردود الصفحة الثامنه :

*****
ضمياء بنت اشرس

هلا والله اختي بس للاسف ولا تطبيق طالع
بالنسبه للفرش اذا حملتيهم اكيد بتلاقينهم بالمكان اللي خزنتيه فيهم
سوي load لهم اذا تذكرين الاسم واذا ماتذكرين ارجعي ونزليهم بس تشوفين الاسم الغي التحميل

حياج الله :27:

*****
& أسيــــــــــــــــل &

العفو اختي تسلمين والله
ومازعلتوني وان زعلتوني زعلكم عسل على قلبي

وبدون لاامسك واحد واحد
كل تطبيقاتج رووووووووعه من ناحية اختيار وتوزيع الفرش واختيار الالوان والدمج كل شي مضبوط

بس كان ناقص اخر 3 تطبيقات ستروك اسود
والتطبيق الثالث ماطبقتي طريقة النص

جزيتي بمثله امين
والله يعطيج العافيه :27:

*****
fatat

تسلمين على هالكلام الحلو وفعلا كلامج صحيح
جزاج الله كل خير ووفقج يارب اسعدتيني بكلامج ربي يسعدج :27:

*****
flower_3131

هلا والله فلاور

بالعكس الاول يجنن ومضبوط وحلو اللون تحسينه مضئ كل شي روعه

الثاني حلو بس ياليت مو حاطه فرش الالعاب الناريه عشان اركز عالخلفيه
والصوره لو على جنب بتطلع افضل

الاخير يجنن روعه مع انج اخترتي لونين للتدرج بس لون الازرق رووووووعه واختيار وتوزيع الفرش روعه
بس النص اي طريقه سويتيه ؟

بالعكس تطبيقاتج حلوه وتنسيق الفرش احلى

يعطيج العافيه :27:

ردود الصفحة التاسعة:

*****
alfrasha

هلا والله بفراشتنا عليكم السلام
دوم مروقه يارب
فعلا هالدرس متعه وحلو للتواقيع

والتطبيق روعه مع انج مااستخدمتي فرش الدرس واللون يجنن والدمج
بس لو حاطه فراشه بدال عصفور عشان يناسب الاسم

تسلمين يارب :27:

*****
ام العيون المكحله

عليكم السلام والرحمه
العفو اختي تسلمين

الاول بصراحه مو واضحه الفرش نهائيا ومايصير نحط فرش قلب لازم الفرش اللي انا نزلتهم او مشابهين لهم

والثاني حلو ومضبوط بس ليتج شايله فرش القلوب والورده عشان اركز عالخلفيه

يعطيج العافيه هذول كافي ركزي مع الدرس الثالث الحين :27:

*****
هلا اورانوس 2005
التطبيق مو طالع ياقلبي :)

*****
هلا والله رنين الشوق
التطبيقات تجنن من كل النواحي ومافيهم ولاعيب
ولاتعبين نفسج في باقي التطبيقات ركزي عالجديد

الله يعطيج العافيه :27:

*****
درياي عشق
العفو حبيبتي الله يعافيج تسلمين ياقلبي

الاول حلو بس يحتاج الى تلاعب اكثر في الكلر بلانس والدمج حلو بس النص مادري ليش غامق ؟

الثاني مضبوط ونعوم وحلو والدمج تمام

الثالث الخلفيه مو واضحه ,, مافيها فرش واجد ,, الوان التدرج مو قويه والنص ماطبقتيه نفس الطريقه

الاخير احلى واحد فيهم من حيث الفرش واللون وتطبيق النص بس لودامجه القلب بيطلع احلى

يعطيج الف عافيه وتعبكم راحه :27:

*****
ياحياتي ياام جاسم ماتشوفين شر مسموحه
انا اللي سامحوني عالتاخير
والله انج صاجه قلتي اللي بقلبي هذه اخر مرحله ولازم نعطي على قد مانقدر
الله يعافيج ويشفيج ياحياتي طمنيني عليج

التطبيقات كلها روعه من كل النواحي خصوصا الاول رهيب بس لو ماسحه اكثر وخليتي بس العمود والطاووس والورد اللي عنده بيكون احلى بس فعلا روعه خصوصا النص مضبوط

تسلمين حبيبتي :27:

*****
هلا والله الاء
ليش متضايقه
انتي ماقصرتي والله
بس اي فرش مو حلوه ؟؟

حياج الله :27:

مشكوره يا أبلتي على النقد
وبالنسبه النص طبقت عليه ستايل موجود عندي <<< عجازه

ردود الصفحة العاشرة :

*****
علوكه
مافهمت ولا شي ياليت تقوليلي اي صفحه تقصدين ؟
واي صوره اللي انا ماحطيتها ؟
بعدين انا مو ماما لاتكبريني اوكي ياطنط ؟ :D

*****
هلا والله ام رئاف
العفو حبيبتي وعادي مافيه احد انولد عالم
انتي اذا خلصتي من التصميم شلون تخزنين الصوره ؟؟
file > save for web
بيطلع مربع كبير ترس الصفحه بتلاقين في قائمة على اليمين اختاري منها الصيغه اما gif او jpg
gif تستخدمينها اذا كان التصميم متحرك او خلفيته شفافه وعيبه ان الوان الصوره تخترب شوي ويروح نقاء الصوره
اما الصيغه الثانيه هي صيغة الحفظ الافضل
وفيه منها مستويات للجوده اللي هي quality
low
miduim
high
very high
maximum

low لاتخزنين فيها ابد لانها كلش مو صافيه
miduim الافضل تخزنين فيها شروحات الدروس لان حجمها صغير
high هي الافضل بس الحجم اكبر

very high
maximum
اما هذول للناس الفسقانه لان حجم الصوره بيكون كبير حيل ويسبب بطئ بالتصفح ومافيه فرق بينهم ,, طبعا كلما زادت الجوده كلما زاد الحجم وصارت الصوره اصفى

بس لاتخزنون فيهم لانهم بس يثقلون التصفح وماكو فرق بينهم وبين high

اتمنى اكون شرحت عدل :27:

*****
هلا والله مهره نورتي الموضوع
فعلا هم انا مرات استخدم فرشه احس مكانها غلط لان استخدام الفرش فن مو اي واحد يتقنه
اما طريقتي مو هي الاساس لكن نوع الفرش هو اللي معطي جمال للتصميم
لان فيه بنات طبقو على فرش ثانيه نفس الطريقه بس ماطلع حلو
والفرشه اسمها soft round
وبانتظار التطبيق
ولا اطاله ولاشي بالعكس نورتيني :27:

*****
كلولولولولوولولولش علوكه بجد معجزه :icon28:

يلا نستلم

كلهم روعه وحلوين من كل النواحي بس الاخير مافيه حياه وباهت وطاغي عليه الفلتر
وغلطتي غلطة كبيره هذا وانتي شاطره وهو انج خزنتيهم بصيغة جف لان واضح ان التصاميم مو صافيه
وحلوه حركة الاسم والايميج ريدي يبيله شوية خيال مو لازم درس لكل شي لان فكرته بسيطه

يعطيج العافيه :27:

*****
الله ياام جاسم وشهالتطبيقات الروعه تجنن خصوصا اخيره خيال لونها يجنن بس ليش مو حاطة ستروك اسود

تسلمين على هالنشاط :27:

*****
هلا والله باختي ام ماجد 2010
انا موجوده ياقلبي جزاك الله خير على السؤال عني :27: