آخر يوم لك ببلدك وقبل لا تتغربين وش سويتي؟؟

مشكوره على الدعوه يا قلبي
و آسفه لو هيضنا مشاعرك

انا اخر يوم كنت طبعا مجهزه شنطتي قبلها بليله بس مدري ليش بنفس اليوم كل شوي كنت اتذكر شغله وارجع بس افتح واقفل بهالشنطه الموهم في نفس اليوم كنت اسوي نفسي اني مروقه وقبل ماطلع كنت اتقهوى مع اهلي واسوي نفسي اني عاااادي وانا كل شوي اسرح وكنت اطالع باخوي الصغير وباهلي واقول يالله كلها كم ساعه وانا طالعه عنكم وكانت امي ياحبيلها مغير تفتحلي من الشوكلاتات وتقولي كولي صبولها قهوه وانا سبحان الله مااااالي خلق ابداااا بس اسوي نفسي عادي وحتى تصدقون احس الكاكاو ماله طعم بس كنت اكل واتقهوى عشان ماابين لاميمتي شي بعدها جا زوجي وراح ابوي يقعد معاه وجات اللحظه الي خايفه منها طلع ابوي وقال يالله ياسارا بعدها طبعا الكل قام يطالع فيني فمسكت نفسي وقمت بكل هدوء خخخخخخخخ حلوه هدوء الموهم والبس عباتي واجي اسلم عليهم واظم امي ظمه بغيت اخنقها وخواتي سلمت عليهم واخوي الصغير سلم علي وعالطول لف وجهه ورحت وسلمت على ولد اختي الصغير واذكر وقتها قالت امي ان شاء الله ترجعين لنا وانتي ولدك بحظنك وارجع اسلم على امي مره ثانيه واطلع طبعا ليما الحين وانا ماسكه نفسي ولا بعد جا تيار الدموع يوم جيت اطلع من الباب كان ابوي هناك واشوفه وعيونه مليانه دموع يوم شفت عيونه ماقدرت وانفجر صياح واطلع واقعد اطالع بيت اهلي واقول ياالله يمكن يكون هاذي اخر مره اشوفه وطبعا طول الطريق صياح دخلت المطار وطبعا كانت رحلتي بالاجازه الصيفيه الي راحت وكااان مررررره زحممممه واقعد اطالع بالناس الي بالمطار وكلهم مبسوطين وفرحانين وانا اطالعهم وابكييييي والحين لي سنه ماشفتهم

يالله مرررررره تأثرت من كلامك
الله يرجعك لهم بالسلامه يارب ومعك ولدك في حضنك ياااااااااااارب
مشكوره لمشاركتنا تجربتك يا عسل

:icon33::icon33::icon33:

:icon28:انا اخر يوم كنت طبعا عارفه اني بسافر قبلها بوقت وجهزت شنطتي عشاان اتفرغ للصياااح :icon33: عاد انا معروفه بالبيت بكثرة الصياح يسموني ام دميعه عاد اهلي متعودين علىوعلى عيالي عشان زوجي دكتور ومناوباته كثيره وانا عندهم المهم قبلها بيوم كانوا مجتمعين عندنا خلاتي وطلبتهم ينامون عندنا عشان يونسون امي وقت سفرتي كانت اليل وطبعا انا يمكن صار لي يومين مو نايمه من الصيااح عاد الصبح قلت لزوجي بروح السوبر ماركت والصيدليه طبعا اقوله وانا اصيح ويسكتني ساعه اخر شي زهق مني وانا عجزت لا اسكت ورح لسوق والله اني كاتبه الاشياء اللي بشتريها بورقه ونسييت كل شي وش ابي اشتري واشتري وانا مو شايفه شي من الدموووع وامسح الناس مستغربه مني وصديقاتي يدقون على يبغون يسلوفن معي اضبق خلقهم على الفاضي وبعد ساعه ونص او اكثر دق زوجي يبغاني اجيب له اغراض وسمع صوتي وقال انتي لاحد الحين تصيحي خلاص ماخلصت دموعك وعصب علي وسكت شوي وانا اصيح الهم طولت السالفه
نجي لوقت السفر رجعت من السوبر ماركت تزينت ولبس ولبست عيالي المشكله ما ادري ليش احط ميك اب وانا عارفه اني ابي اصيح ورحنا عند اهل زوجي والوجه الله لا يوريكم متنفخ من كثر الصياح وساااكته مابي اي احد يتكلم عن السفر وتجي ام زوجي وتقول انتم رايحين ترفون اسم وطنكم وكذا من هاكلام ونا منزله راسي واصيح ورحنا لبيت اهلي
وخلاص شبعت من الصياح قعدت اسولف مع خواتي واتقهوا وفجاه خواتي ولا وحد فيه وحتى امي بس خلاتي زوجات خواني ودق:arb: واول ماشفت رقمه خنقتني العبره وساااكته وعرفت اني ابي اصيح وانا البس النقاب عشان مايبين اني اصيح ماقلت شي المهم ورحت ادور امي وخواتي ولقيتهم كل وحده ماسكه لهم زاويه وتصيح وويوم شفتهم وجتني القوه :hahaha: <<<< من الكذب والله خلصت الدموع واقول خلاص ان شاء الله تجوني وكلها سنه واجي وودعت شغالتي ياعمري عليها وتصيح تبي عيالي
ورحت الحوش وانا اشوف عيال خواتيواخواني يصيحون وقلت ليش قالوا عشانا سلمان وهيا نبيهم يقعدون عندنا وعيالي ولا همهم عشان ابوهم قالهم نبي نروح مكااان مليااان ملاهي ورحنا للمطاار مع اخوي
عاااد وصلنا لكندا بدووووووون ولا دمعه:icon28:

والجيه الثانيه ما صحت ولا شوي الا بس شوي مقارنه بالروحه الاولى

وشكرا ادري طولت عليكم عطيتكم كل شي بالتفصيل والله يهون علينا غربتنا