الزوجات الثانيات.. هنا منزلكن الجديد غالياتي..فلتتفضلن بالدخول

ياريت يا اختي عشان انها يتيمه

ما راح احكي اني ما قصرت لان كل شي قدمته لوجهه الكريم

مو عشان رضاه

لما تزوج حتى ما قال لاهله والسبب عارف ان ما في احد يرضى علي

او شايف علي شي الحمدلله رب العالمين

لدرجة ان واحد من اصحابه دايما معاه واعرف زوجته وعياله تربوا مع عيالي

لما عرف انه تزوج علي قطع صاحبه بالشهور وانا اقول لزوجته وراه فلان مع عياله ما يجينا

طلعت السالفه ان لما قال له زوجي تعال اشهد على زواجي قال الا ام فلان

والى الحين والله وحشوني عياله وقلت لزوجته الي صار نصيب خل يجيب العيال و قعدوا معنا

نفس ذيك القعدات قالت انه حلف ان ما يجي ولا يكون بينهم اي صله

استغربت :22: انه زعلان اكثر مني ههههه

ما علينا نرجع للسبب

هي كانت تشتغل عنده

اسبابها اولا مطلقه
ثانيا يتيمه وما عندها اخوان
الا خمس خوات وكلهم تزوجوا الله يستر عليهم ويسعدهم

الباقيه بس وحده مالكين عليها

السبب الرئيسي للزواج ( ربك ستار العيوب ) ما يحتاج اقول اتمنى انكم فهمتوا الوضع

هذا الي حرق قلبي انه التجئ لشي مع ان الله رازقه من اوسع ابوابه ولله الحمد

ما حرق قلبي زواجه علي ابدا اقسم بالله ان خواتي يقولون لي مجنونه انتي تضحكين ولا هامك

بصراحه ما زعلت على زواجه انا انسانه مؤمنه ولله الحمد واعرف شرع الله ومن كثر ما كنت ادخل مواضيع

منا ومنا كنت سبحان الله وكأن الله يسخر لي قصص اني اتقي شر هاليوم

كنت اتوقع ردت فعلي غير والله بس سبحان الله الله ربط على قلبي مدري كيف صار مو الصمت وسيلتي

كثر ما اني افكر بالخيانه اكثر من الزواج نفسه

هذا الي دمرني بالبدايه الخيانه

الآن اقول له لو تبي الثالثه ما عندي مشكله بس ابتعد عن الخيانه

ويوم من الايام قلت هالكلام وهي عندنا

قومت الدنيا وقعدتها

قلت سبحانك يا رب ترضين على الغير ولا ترضين على نفسك

وين كلامك عن شرع الله

واكثر من مره رجع زوجي وكاتب اسمي بتلفونه بأسم سبه وشتيمه

وبالصدفه كان مضيع تلفونه واتصلت من موبايلي ولما لقيته

انصدمت من الاسم الي حافظه فيه رقمي

قلت يا ابو فلان شف اسمي بتلفونك

قال استغفر الله العظيم وش الحل مع هالمره

قلت له معلش لا تلومها هههه ترااا جه ببالي بس ما سويتها خفت انك تغضب علي

قال لا ما جه ببالك بس انتي تلتمسين لها اعذار بسبب الغيره

صدمت الاهل يا اخواتي كانت قويه جدا جدا

خصتا امه وخواته

اولا انا ما دخلت الثلاثين وهي حتى اكبر مني ومن زوجي

ثانيا فرق شاسع ما بقول بالجمال لا والله الكل يعرف ذوق زوجي من كذا انصدموا

وهي اساسا كانت تمام بكل شي

لدرجة ان بالتلفون كانت مره مره طيبه وحبوبه وانا ادري ان

كل انسان فيه بذره طيبه بقلبه سبحانه وتعالى ما يظلم احد حاشاه

بس شافتني مره لما كانو عيالي نايمين قالت بتجي وجات

والله لو تدرون ان قعدنا حنا الثلاثه انا وهي كأننا خوات لدرجة ان طبخنا وزوجي كان

طاير من الفرحه ما انسى والله نظرته تسوى عندي الدنيا كلها

انا والله عايشه وربي يشهد لسعادة الغير

كل ما احد يبي شي وله وده بشي اقول طلبه عندي لو حتى ما اقدر

احاول واجاهد فدست على قلبي لفرحه كان يتمنى هالشي

لكن للاسف

بعد ما راح لها وكان فرحان بالليله الماضيه يالله

قعدت تقول له ليه تناظرها اكثر مني

ليه تزوجتني دام هي كذا .... و .....

وصارت تعجن الين ما جه وقال انا ندمت على هالزيجه

ولمجرد يقول لها لا تغلطين على ام عيالي ما شفتي منها شي

تقول له ايه هي موصيتك على هالشي

وانا يشهد ربي اني ما طلبت طلاقها الي لو اطلبه ادري ان ما راح يقول لي لا

وكم شافني ساكته قال اطلقها

اقسم بالله وربي الشاهد

اني اقول له لا تظلم عندنا بنت اتقي لله باليتيمه

بس هي دايما تسيء الظن بي

وكم مره قالوا لها حمواتي

الا ام فلان لا تخافين منها لو وش صار

انا والله ما افهمكم اني طيبه لا والله ربي يشهد

اني كذا فعلا والسبب اني قبل الزواج سبحان الله الله سخر لي ناس ربي لك الحمد

وكل ما اتذكر هالشي او ينطلب مني شي اقول الله يسخرني للخير واسعى اني اقدمه للغير

هي انسانه حالي حالها

ولعل حالي افضل من حالها لاني مشغوله بالبيت والعيال والاهل والجيران والصديقات

ولو كنت فاضيه اكيد راح اكون اسيرة الهموم والغيره

ربي لك الحمد والشكر

على فكره انا وهي حملنا بنفس الشهر

بس لما عملوا لها سونار طلع عندها ورم سرطاني بالرحم

الله يعوضها خير

وكنت والله لما كانت العلاقه بينا طيبه اني اخليها هي اول وحده تشيل البيبي

وتساعدني فيه بالفتره النهاريه لما عيالي بالمدرسه ان شاء الله

كنت مخططه لاشياء كثيره ممكن ان تسعدها وما تحس بالفرق

والله دمعت عيني على هالافكار

كان المفروض ان بس ينشال الورم وطبعا بسبب التخدير والعمليه ممكن انها تسقط البيبي

لكن حصل نزيف

واتذكر يومها

انا وزوجي برااا بالانتظار وقالوا تعال وقع ان الرحم ينشال بالكامل بسبب النزيف وانتشار

المرض بالرحم

وقتها يالله مسكت ثوبه وقلت له تكفى لا توافق حرام

قعدت اسأل الدكتور وكأن العمليه لي مو لها

بالنهايه الدكتور قال هالشي لمصلحتها اولا واخيرا

ولما قامت من التخدير بكم يوم قال لها زوجي

واول اتهام كان موجه لي انا

انهرت من البكاء

الله لا يكتبه على وحده موقفي كان صعب

ويعجز اللسان عن احساسي بالظلم وقتها

مساء الخير
انا زوجه معدد زوجه ثانيه
حياتي رائعه مع زوجي والحمدلله بثبات حملي توي بالشهر الاول
الحمدلله زوجي حبيب وطيب ويحبني بجنون وماعندي اي اشكال معه بالعكس من تزوجته وانا عرفه ان عنده مسئوليات بيت واهل وشغل وعارفه نظامه من اوله وكان صريح معي في بدايه زواجه وقال لي اسباب الزواج على زوجته انا براي اسباب مقنعه بس مااحب اذكرها لأنها خاصه ومافيه فايده تذكر من سردها لكم
اللي حابه اقوله وخلاني اسجل عنكم اولا عاجبني ملفكم كثير وافكاركم تناسب شخصيتي لأني انسانه مسالمه وطيبه جدا وهذا اعتبره عيب بهالزمن

ضرتي معتقده اني ضعيفه واني مااقدر اتكلم واخاف منها وصدر منها كذا موقف بايخ مادري وشلون حرمه تخاف الله يصدر منها غير الكلام اللي تتقوله على لساني وكل مره اصفح عنها واسامح ولا ارد اكتفي بالصمت ويقول لي زوجي قولي حسبي الله ونعم الوكيل وادعي دعوة المظلوم وربي يا خذ بحقي
ماتتصورون مواقف كثير صارت لها والله يا بنات انهاتصير لها من بعد ماادعي ان ربي ينصرني
وقلت يا بنت خليها هي لو ماهي شايفه غلا زوجي لي ماسوت كذا كان بردت على قلبها واهل زوجي بعد قالوا لي وخصوصا انهم رحبو ابي ووجبوني وماقصروا وخصوصا خالي وخالتي الله يخليهم اعتبروني بنتهم
المهم كثرت المواقف منها وقلت لزوجي ياحبيبي للصبر حدود وانا خلاص ابعلمها درس اني اقدر ارد يا انااخذ حقي وارد والا انك ترد بنفسك قال لا والله خلك بعيد اخاف عليك وماراح تعمل حساب لحد هذي ماعملت حساب لا لأبوي ولا لأمي تبيها تعمل حساب لك وصار زوجي اي موقف يصدر منها يادبها عليه وزوجي زعله جامد صارت وش تقول اناخبيثه وانا وانا سبحان الله لا كذا عاجب ولا كذا عاجب المهم اني علمتها ان السكوت كان ادب مو ضعف مني

بتقولون وش هالمواقف اللي خلتك تثورين بقول لكم تتقولي على كلام قلته في حقها وانا وربي ماانطق عنها بكلمه لا عنده ولا عند اهلي ولا عند اهله ورغم اني عارفه مواقف كثير صدرت منها بس اسكت مااعلمهم
ايضا تتقول علي افعال اني سويتها وعن اهلي وهو والله انهم احسن منها ومن اهلها ومقدرين زوجي ومحترمين انفسهم لدرجه مره اخوي قابل اخوها الصغير في زواج وقال انت نسيب ابو فلان قال اخوي ايه قال والنعم فيك وباهلك والله ماعرفت انا الي فهمت من اهلي انكم ناس ثانين الله يهديها بس والله يا بنات هذي كلمته لخوي
تخيلو وش صوروت لأهلها حتى اخوها جا عند زوجي وقال انااعرف اخوها ومن عائله معروفه بالاخلاق وفي التجاره معروفين لهم سمعتهم واخوها اكاديمي معروف ليه ماقلت لنا منهم قال له زوجي اتوقع ان اختكم قالت لكم قال لا والله قالت انهم ناس فقراء وانهم قراوه وناس ما يشرفون هههههههههههههههه انكسفت وتفشلت عند اخوها

يا بنات والله وصلت تسب في شرفي لكن الحمد لله زوجي عرفها وش معنى الكلام وانا اقول مادام وصلت لشرفي جعل ماقالته تشوفه بنفسها وباقرب الناس لها والله لايسامحها لادنيا ولا اخره وكل ماجاها من عقاب وفشيله تستاهله والله لا يعطيها الساعة السهله ابد دام وصلت لاعراض الناس والحمدلله زوجي قال لها انااعرف الناس فيها وكلها ادب واخلاق مع انك اكبر بكثير لكنها اعقل منك بكثير على الاقل احترمتني واحترمت كلمتني والله انها يكلمها وانا اسمع كل كلمه قاله لها وهي بكل وقاحه تتكلم في شرفي حسبي الله ونعم الوكيل حسبي الله وكفى


طبعا هالكلام صار له فتره طويله ومن يومها وانا مطنشه اهم شي زوجي مااقصر دلال ودلع وحركات وموسعه صدره في يومي واذا طلع بسلامته اذا احتجت شي دقيت عليه او ارسلت له مسج وان مااحتجت شي خليته وهو يابعد الدنيا ما يقصر لازم يدق علي او يمر في يومها يشوف طلباتي لأني عايشه لوحدي ولا عندي احد قريب من بيتي