غسالة سامسونج الاتوماتيك .. ارجو الدخول للأهميه

السلام عليكم ورحمة الله وبركاته

حيا الله من دخل

نورتوا المكان

ياهلا ومسهلا

تفضلوا تفضلوا

البيت بيتكم

<<<<<<<< دخلت جو احس انكم داخلين بيتي

والله ياليت يابنات تزورونا

طلعت عن المووووووووضوع

الزبده يا حبيبات قلبي

انا قبل 3 شهور جبت غساله اتوماتيك سامسونج حجم 5 كيلو

وربي بهذلت فيني والا لان ماشغلتها ولا مره ولا نفعتني

المره الاولى للتجربه كانت على نهايته الشتاء وبداية الصيف وحطيت للتجربه فروة ابو العيال
وتغسل وتكب المويه الوسخه وماشيه تمام ويوم جا وقت التنشيف (( وتدلي )) <<<<< مصطلح نجداوي على كيفك
المهم وتشيل وتحط هالغساله بوسط الحمام وربي قلنا انفجار بالبيت وترووووووووح فوق وترجد بالارض

المهم كنت اصلي الظهر وسمعت فوضى بالبيت وعند ولدي عمره 4 شهور صار يصيح بقوه من الخوف
ودخلت الحمام لقيت ابو العيال الله يحفظه راكب على الغساله يبي يهجدها لا تكسر البلاط بعد ماكسرت صفاية الحمام

واذا فصلنا الكهرباء توقف بس ماتفتح الباب عشان نطلع الي فيها لازم .. بنت هالحلال من الاخلاص تبي تكمل غسيلها

المهم ويجلس عليها ابو العيال الله يحفظه لين ماقضت (( منتفضه ))

وبعدها طلعنا الي فيها

قلنا يمكن عشان الفروه كبيره حطينا ملابس عاديه وسوت نفس الشي

والوكلاء جو ثلاث مرات وما سوو شي يقولوا اربطوها بالجدار قلت لا والله الحين تخلع الجدار معاها

....................................................................................

تكفون الي جربتها تقول لي وش سوت معاها

انا بالانتظار

ولاتنسوني من دعائكم لي بصلاح النية والذريه

40 تعليق 17,031 مشاهدة

شاركي في النقاش

سجلي الدخول لإضافة تعليق.

التعليقات

40
  1. اهلين فيك يااختي
    انا عندي غسالة سامسونج لها 5 سنين ماشاء الله ماشيه تمام ماسوت اللي قلتي عليه غريبه
  2. @um_toto

    يا حبيلك دمك عسسسسسسسسسسل

    موتيني ضحك الله يفرح قلبك بالعافيه... :39:

    للأسف حبيبتي انا الان برى بيتي مسافره و ما اقدر افيدك بس اتوقع ان غسالتي سامسونج و اذا فعلا سامسونج فلله الحمد ما اشتكيت منها ابد
  3. @am_mytha_1

    أنا أبا غساله أوتوماتيكية بس أبا أصغر شي لأني بحطها في الحمام اللي في غرفتي مابا تاخذ مساحة وأباها تكون تنشف بعد ولو تطلع الثياب ناشفة 100 % يكون أحسن وأباها تكون هادية ما ينسمع لها صوت :)
  4. @kot_alklob111

    صاحبة الموضوع
    تسلموووووووووووون
    هتون وام توتو وام ميثا
    على مروركم الكريم
    احتي ام توتو اهم شي ونااااااااااااااااااااااااستك
    ام ميثا .. هذي الغساله حلوه و(وذفه) <<<<<< مصطلح اهل نجد على كيف كيفك الكلمات
    الزبده هي حليل مقاسها يعتبر اصغر مقاس الي هو 5كيلو بس سوت فينا الي ما يتسوا

    يا قلبي يا ام توتو وهتون غسالاتكم مثبته بالجدار والا مجلسه عادي
    وهل لها مسامير تفك والا وشلووووووووون

    تكفون عطونا حل لها العله الي جلست بحلوقنا

تابعي تجارب أخرى من هذا القسم.