زوجي يبي يزعل غصب وش اسوي فية؟؟؟؟

اسمحي لي.. زوجك ما تربى

ما اقدر اعلق.. بس يبي له تأديب

والله يا اختي الله معك ويصبرك عليكي بالدعاء والتقرب الى الله ولازم تصبري علشان اولاد ك وان شاء الله بيهديه لك

الله يصبرك عليه
يمكن زوجك يحس بالنقص انه دارس بس لسادس و انتي متخرجة من الكلية
فهو يحاول يهينك بشتى الطرق عشان يحس أنه رجال
و بعد يمكن لأنه كان يدري أنك مغصوبة عليه و أنك ماكنتي تبينه فهو يحاول ينتقم زيادة

في واحدة كذا ظل شخص يتردد عليها يخطبها و هي ترفض و هو مصر إلا يبيها و هي ترفض
هو تزوج و جاه أطفال وهي لسه ماتزوجت
لمن تزوجوا كل الي بسنها و صاروا الناس يقولون فاتها سن الزواج رجع خطبها و هي وافقت عليه
فكرت انه يحبها و متمسك فيها عن جد
بس الحقيقة انه بات معاها ليلة واحدة بس(استكشاف يعني زي الي يقولها هذا انا شفت وش عندك)
وتركها معلقة لا طلقها ولا عاش معاها ولا سأل فيها
طلع اصراره و تمسكه انه يتزوجها مو عن حب لا انتقام
لأن هي كانت ترفضه تحس أنها أحسن منه و أنها تستاهل واحد أحسن منه
حس أنه مو مالي عينها

وانتي قلتي في موضوع ثاني ان زوجك كان متمسك فيك وانتي ماكنتي تبينه
فيمكن هالشي تارك أثر في نفسه للآن

إلا بسألك إذا مافيه ازعاج لك
كيف كان موقفه وانت تكملين دراستك في الكلية
هل عارض هل حاول يعيقك ؟؟
الله يصلحه ماتدرين
حسسيه انك تحبينه و انك شاريته و أنك فخورة فيه
ماأدري حسيت أنك مو مهم عندك أنك تكسبين رضاه أو أنك حريصة عليه-- و يمكن أكون غلطانه
يمكنه يحس أنك ماتحبينه أو أنه مو مالي عينك وهالشئ يعذبه فينتقم انه يسوي علاقات مع نساء يكذب عليهم ويرفع من مستواه قدامهم و أنه و أنه وهو كذب بس أنه يبي يشوف نظرة اعجاب في عين أي امرأة حتى لو كانت كذب

أعذريني حبيبتي اذا ضايقك كلامي وأنا ما أرجم بالغيب و أقول هذا الصحيح
يمكن تحليلي يكون كله غلط في غلط
بس صدقيني الرجال يصير شرس جداً و عنيف و عدواني إذا حس أنه مو مالي عين زوجته حتى لو كان يحبها و يموت فيها بس راح يعاملها بقسوة
حبيت أني ما أكتفي بدعوة لك
حبيت أفيدك يمكن يكون كلامي فيه شئ من الصحة و تقدرين تتتداركين الموقف
أنت بعدك صغيرة و زوجك بعد لسه صغير و الحياة قدامكم

و أعتذر إذا أزعجك كلامي