جزاكي الله خيرا اختي خوخه وارجو الله ان يتقبل دعواتنا
اختي المحبه لله و رسوله انتي بس تأمري بصي يا ستي انا عايزه اقولك ان التلاجه كانت مش نظيفه خالص وكان فيها برطمان عسل اسود واتقلب ونشف علي كل التلاجه اولا طلعت كل اللي في التلاجه والفريزر علي رخامه المطبخ ثانيا شيلت الادراج كلها في الحمام علشان ابقي اغسلها ثالثا علشان امسح العسل اللي كان واقع مسكت فوطه مبلوله ومسحت سؤيعا التلاجه والفريزر من اي شئ مش نظيف وواقع فيهم رابعا بصي يا ستي انا استخدمك مسحوق غسيل يدوي برسيل عادي حطيت منه شويه كتير في طبق بلاستيك وشويه ماء حلوين وليفه مواعين وقعدت ادعك في كل حته في التلاجه خامسا مسكت شفشق وقعدت اشطفها بس خلي بالك ابعدي خالص عن اي فتحه تهويه للتلاجه والافضل انك تشتخدمي قماشه نظيفه مبلوله وتشطفي بيها سادسا خلي اخر حاجه في الشطف ماء وخل علشان يشيل اي ريحه مش حلوة فيها وهيخلي ريحتها جميله واتركيها وشغلي عليها المروحه لحد ما تنشف
سابعا غسلت كل ارفف التلاجه وبعد مانشفو حطيتهم وخلتني مشغله عليهم المروحه اما بالنسبه للارضية فانا عملت في ازازة هذه الخلطة ورشيتها وسيبتها علي الارض لحد ما خلصت التلاجه وبعدين غسلتها بصي يا ستي(1\2 الازازة خل تقريبا+2 معلقه كبيرة ملح اليمون +مسحوق غسيل يدوي عادي) وبعد ما خلصت التلاجه دعكت الارض وشطفتها ومسحتها في الاخر بماء+ديتول
اهم حاجه في الموضوع بقي ايه
لازم لازم لازم تفصلي الكهرباء عن المطبخ كله وانتي بتشتغلي ولما تخلصي خالص والتلاجه تنشف علشان مشغله عليها المروحه افصلي الكهرباء نهائيا وبعدين حطي فيشه التلاجه وبعدين ابعدي وشغلي الكهرباء تاني والافضل انك متفتحيهاش خالص لحد ما تبدأ تشتغل