شاركي في النقاش

سجلي الدخول لإضافة تعليق.

التعليقات

1,603
  1. قطوس ابوها
    كلام جميل يعنى تقصدى ان العدد مش هو مربط الفرس المهم النوعيه يعنى فى العلاج نركز على حاجه تحسن نوعية الحركه والتشوهات لا اللى عرفته مفيش حاجه تزود العدد ولا تتحكم فيه طيب لو قلنا ان الوضع استقر على 11 مليون نورمال هل ينفع انشط وكمل ال…
    قطوسة حبيبتى ... انا شايفة مع العدد ده افضل شىء تلقيح صناعى وربنا يقدملك اللى فيه الخير
    حقولك كمان وصفة للزوج لتحسين العدد والنوعية

    ملعقة طلع نخيل + ملعقة جينسينج + معلقتين عسل نحل اصلى ... كل ده تقليبيه فى الكوباية لحد ما يتجانس وبعدين تصبى عليه الجنزبيل المغلى وضيفى عليه لبن ويشرب بالشفا الكوباية دى كل صباح ومساء

    وربنا يقدم لك كل الخير يارب ونفرح بحملك قريبا ان شاء الله
  2. بنات جيبالكم قصة تبعث على الامل حسميها ( كوكر كلاكيت تانى مرة )

    السلام عليكم و رحمة الله و بركاتة يا قمراات , اخباركم ايه ؟؟ انا اول معرفتي بالمنتدى كانت من الملف ده و كنت عضوة قديمة فيه , مش عارفة هلاقي حد يفتكرني من اخواتي السابقين ولا لأ , بس انا حبيت ادخل اسلم عليكم , احكيلكم حكايتي و ادعيلكم بالرزق بالذرية الصالحة مرة و اتنين و تلاتة زي ما انتم عايزين و ربنا ميحرمكوش ابدا يارب .
    انا يا بنات من سنتين كان عندي تكيس و كنت بتعالج بالطريقة اللي انتم عارفينها , حبوب تنزل الدورة مع كلوميد و ابرة مفجرة و مكنش بيحصل حاجة ومكنتش مستقرة مع زوجي يعني كنت بشوفة ف اجازات لمدة شهر و كده , لما استقريت معاه تابعت مع طبيب طلب تحليل الحيوانات المنوية و كانت المفاجأه 2 او 3 مليون بس , عيدنا التحليل و النسبة مش بتزيد , خضع حبيبي لكورس علاج 6 شهور و برضة النسبة مزادتش كتير , كان الحل الوحيد الحقن المجهري , و قد كان ! مكدبناش خبر و علطول عملناه و ربنا اكرمنا بأحلى بنوتة في العالم , بعدين نسينا القصة و انشغلنا مع القمر الصغير وطبعا لا استخدمت وسائل تنظيم ولا حاجة منا عامله حسابي انه مش هيحصل حمل تاني الا بحقن مجهري و قلنا نبقى نشوف كمان سنتين بقى .
    كنت برضع طبيعي و الدورة بتروح و تيجي و مش مظبوطة و بعدين بطلت تيجي خالص و حسيت بإرهاق و دوار , قلت كل ده علشان مش باكل كويس و برضع و لما قلت لزوجي قاللي انت حامل طبعا قلتلله صباح الفل !! حامل ازاي بس منتا عارف اللي فيها !! و نضحك !! .
    في نفس الوقت كنت مضطرة اعمل اكس راي لسبب ما و انا متعودة اعمل تحليل حمل قبل الإكس راي تحت اي ظرف و ف كل الأحيان , جبت التيستر و دخلت الحمام و عملت الإختبار و انا و الله يا بنات مش ف دماغي اي شيء حتي مبصتش على التيستر بسرعة لأ سيبته جنبي و عملت شويه حاجات و رجعت اشوفة لقيته ما شاء الله ايجابي , اتفاجات و صرخت : الحقنييييي !! جه زوجي بسرعة و هو مخضوض قالي في ايه قلت انا حامل , ضحك و قاللي انا فاكر جرالك حاجة طب قوللي الحمد لله , طبعا الحمد لله الف حمد و بالله عليكم قولوا ما شاء الله و ادعولي بتمام حملي علي خير , انا كان لازم احكيلكم القصة علشان انا كنت زيكم بستنى ضفر طفل و بموت كل شهر مع نزول الدم اللي كان بيبقى نفسي مشوفهوش الا بعد 9 شهور , ياما جبت اختبارات حمل و عملت قبل معاد الدورة و بعد معاد الدورة و ياما اتعلقت بآمال و جربت وصفات و مريت بحالات اكتئاب بس كرم ربنا كبييييييييييييير كبيييييييييييير كبييييييييير اكتر من ما نتخيل , ياريت اكون هونت عليكم و عملت حاجة كويسة لأخواتي بالملف .
  3. مصريه وبحب مصر
    السلام عليكم ورحمة الله وبركاته بنات أنتم فاكرني واللي لا انا كنت معاكم من فتره وبعدين سبت التجمع لاني كنت بعمل تلقيح صناعي والحمد الله علي كل حال وان شاء الله حنزل الاسبوع الجاي مصر وزجي قرر فجأه نعمل حقن مجهري لان العدد في تناقص والله ال…
    مصريتى اهلا بيكى طبعا فاكرينك ... انا برشحلك مركز آدم فى القاهرة ... معانا سارة فى الملف ربنا كرمها هناك ..
    ده بالاضافة انى بسمع كل خير عن المركز ده
    اما مركز المدينة عوزاكى تشطبيه بأستيكه من دماغك
    وده مش عيب فى المركز ... لكن لأن رئيس المركز ده واللى متحكم فى كل صغيرة وكبيرة هناك هو دكتور اشرف ابو على ... حسبنا الله ونعم الوكيل فى الدكتور ده ... اولا دكتور مادى جدا ومش بيدى للحالة حقها ( بيكشف على 60 حالة فى اليوم وعنده حجرتين كشف ) ليا معاه تجربة مريره فى الحقن المجهرى وكمان اختى ندانودو اتسبب لها فى فرط تنشيط وكانت بعد الشر حتموت فيها
    خليكى مع مستشفى آدم نصيحة من اخت عاوزة مصلحتك
  4. boba boba
    صباح الخير عليكم يابنات ماما معنى كلامك ده لاوكسى ان ممكن عادى نعمل حقن وفيه كيس شيكولاتة على المبيض مايأثرش على جودة البويضة انا عاوزة افهم يابنات الله يخليكم حد عمل حقن مجهرى وهو عنده كيس دم وطلعت البويضات ماشاء الله كويسة لو ده صح…
    بوبا يا حبيبتى ... قبل الحقن المجهرى لازم الكيس يتشفط وبعدين علاج تهبيطى يعنى حاجة توقف الدورة شوية
    لكن فى حالتى انا وماما الدكاترة بيتجاوزوا مرحلة العلاج التهبيطى بسبب الخوف من توقف المبيض للأبد ... يعنى احنا حالة خاصة
  5. هدى و نور
    وحشتنووووووووووووووووووووووووووووووونى من هنا للسنه الجايه انا عارفه انى مقصره بس بجد غصب عنى تعبانه جدا و اخيرا توصلت انه التعب اللى عندى حساسيه بالانف و انا اساسا عندى حساسايه صدر و انف بس زايدة عندى جدا مع الحمل و الدكتور يدينى الدواء م…
    هدى ازيك وحشتينا قوى وكنا قلقانين من اختفائك الغريب ده ... الحمد لله انك طمنتينا عليكى

تابعي تجارب أخرى من هذا القسم.