شاركي في النقاش

سجلي الدخول لإضافة تعليق.

التعليقات

297
  1. @yahby_llthlath

    صاحبة الموضوع
    ابي ابدا معاكم من الاول وكيف اتزوج علي يعني بالعربي ولالا وحدة تقول زوجي مستيل يسويها لانه زوجي سواها وانا وكل الناس بالاجماع يوم سمعو خبر زواجه كذبوه كيف انا الغبية اصدق
    الحين ما قلتكم ان زوجي اذا عنده اصحابه ما يسالني متى رحت ومتى جيت لانه بالعربي عنده ولاء غير طبيعي لاصحابه اللي هم اولاد عمه كمان كان يجلس معاهم سواليف ولعب ورق وبسطة شباب الين الفجر وانا احيانا اجلس عند امي لين ما يجيني .............. كنت احيانا اتهاوش معاه واقوله رجعني البيت عشان انام انا وعيالي كذا عب مررررررررررة بس عاد وهو يقول خلاص لاتزعلين ومن ذا الكلام الحلو
    ولد عمه حاط عينه علية يبغى يزوجه بنته وانا مادري
    ومرررررررررررة يجيني ويقولي تصدقين فلان يبغى يزوجني وعرض بنته علي انا مع كل ثقتي فيه وسذاجتى اقوله انت ايش رديت
    يقووووووووول قلت لالالالالالالالالالالالالالا انا ما ابغى اتزوج ولاني حق حرمتين قلت الحدلله وتكرررت عليه الهدية وطرق عرضها اما عن احد اخوته او الادعمه زوجي وضح لهم عد رغبته في الزواج ولكن تجري الرياح بما لاتشتهي السفن ولي عودة
    انا يااخواتي اقرا ردودكم وانا على احر من الجمر اني ارد عليكم لكن ما يسمح لي بالرد لين قرات رد الاخت الغاليه المهرة الاصيلة
    وزعلت من رد الاخت لولو الصغيرة
    الموضوع كله انهم رافضيين مشاركتي والحين اكملها زي ما فهمت من الغالية مهرة الاصيلة



    واليكم التكملة ترى القصة توني اليوم كتيتها يعني عذرا لاخطاء الاملائية وما اقدر اكملها الليله كلها وراي دوام...................
    قبل مايتزوج علي زوجي كنت له الآمة وكنت أقول لنفسي كوني له امة يكون لكي عبدا
    ورضا زوجي هو سبب دخولي الجنة
    وكان مستغل حبي وطاعتي الغريبة له لا تلبسين كذا لا ماتروحي المكان الفلاني وانا سمعا وطاعة
    سبحان الله ............. ............................................................انقلبت الاية بعد ما تزوج وصار يقول كل اللي تبين ييصير بس انت ترضين واستغليت هذه النقطة ايما استغلال وعسى ان تكرهوا شيئا وهو خير لكم طبعا وصار هو من يبحث على رضاي ياحياتي اهم شي ما تزعلين واذا نادني وقال ياحبيتي اتعذب من هذه الكلمة واقول ناديني باي كلمه الا هذه الكلمة لانك بالعربي ما تعرف معناه وكان يقول طيب ما تصدقون كيف كنت انحرق من هذه الكلمة سهل تنقال لكن صعب تنفيذها
    ارجع للقصة وكيف تزوج وضحك عليه ولد العم واستغفله واستغل طيبة قلبه وقلبي
    المهم صار يتكرر على مسامعنا انه راغب فيه كزوج لابنته حتى وصلني الخبر عن طريق احد النساء وقلت للحرمة أنا ادري لكن زوجي ما يبغى ورافض الزواج برمته
    المهم الرجال صار ما عنده شغلة الا زوجي واخذ الامر كانه عناد اوحسد ولكن مادري والله وشو السبب في الاصرار
    وذات صباح لاينسى ممطر ورائع واجواء ربيعية رائعة
    في هذا اليوم قدر الله لي ان اغيب عن المدرسة ............ ومن المفترض ان زوجي ما يستقبل ضيوف في الصباح وبالله عليكم مين اللي بيجي في الصباح ويحرجه وهو زوجنه في العمل والكل عارف يجي ولد عمه واثنين معاه وانا كنت موجودة يالله يوم استحاله يروح من ذاكرتي ويستقبلهم زوجي بكل الود والكرم المعتاد ويبدأ العد التنازلي لبداية حياة جديدة
    ....................................................................................................
    هم اتو من اجل غاية لابد من انجازها اليوم وليس غدا وبدأ الحديث يالله الحين كيف لو يجونك ضيوف في الصباح انت ويش مسوي ما يدرون اني موجودة بالله ايش الكلام هذا ماله أي داعي لكن يأخذونه مدخل كيف الرجال اللي حرمته مدرسه كيف يصبر كيف يعيش مع نصف يومها في الدوام وتجي تعبانه ووو
    المهم ورآك ما تزوج ايش يصبرك ياابوي
    زوجي وين الحرمة هذه مين اللي بيزوجنى لا فلوسسسسسسسسسسسسسسسسسسسسسسسسسس
    ولا ما يحزنون يلا الفرصه سنحت عندي وانا ابو هندي انا ازوجك بدون مهر ولا ابغى ولا ريال بس تعال الحين معاي نملك وان ما ابغى منك ولا ريال ابغاك انت وبس اشتري رجال
    امحق من رجال
    المهم يطلع معاه يجي بسرررررررررعة اعطيني ثوب وين رايح مستعجل مستعجل وتروح كل العلووووووووووووووم والوعود بعدم الزواج او حتى التفكير فيه ويضحك ويطلع من البيت ويجيني وليدي حبيبي الله يخليه لي يارب ويسعده يبكي الود حاس انه فيه حاجة ايش هي ما يدري يقول ابوي بيروح خلاص ما ماعاد يجي وانا ياغافلين لكم الله اقوله ايش فيك تبكي حبيبي يجي ابوك شوي ويجي ............
    اه اه اه ثم اه ثم اه

    ان شالله راضيين بس بلغوني
    زوجي ملك في عصر ذلك اليوم يوم اربعاء لكن الحمدلله نسيت التاريخ المهم ما جاب زوجي سيرة عن الملكة ابدا خايف يجرح مشاعري ههههه شي يضحك
    ومرت الايام وصار يقول انا ابغى اتزوج فلانه تغيرت الاسطوانه بس انا هبله ما فهمت اقوم ازعل واقول ايش تبغى فيها ياخبل اساسا وازعل واعصب لكن بسررعه يغير رايه ويقول امزح انت صدقت وكذا يجيب سيرت انه ملك بعدين يقول انه يكذب ويمزح
    ومرة وان جايه من المدرسة مريت الوالدة الله يرحمها ويوسع قبرها يارب وهو كان معاي ونزلنا كلنا عندها وقالت لي انه تزوج والخبر هذا اكيد وانا بروح ابارك له وخلاص اصبري ولا هو حرام ولاعيب
    يالله ياكريم يارب افيض علي من لطفك يارب
    حضنت اختي الصغيرة في الثانوي ورحت ابكي وهي تحضني واقولها تزوج اكيد وحضنتها وان ابكي واودع احلى ايامي تزوج علي في عز شبابي ما تهنيت عيال كلهم صغار ولا دخلو باقي مدارس كان عمري 25 او اكثر شوي اه على زهرة شبابي ما اخذت حقي من الدنيا توني اقول بسم الله يازواج الله لايسامحه اللي خذلني وقهرني
    رحت عنده ونظرت فيه عندي امل انه يقول كذب والله ياحبي كذب
    ولكن هيهات نظر في ونزل راسه .......................يعني اخبر اكيــــــــــــــــــــــــــــــد
    كاني الان اراه
    والغريبة اني رجعت معاه البيت ما جلست عند اهلي مادري الى الان ليش ممكن كنت ابغى ابحث عن جواب أي جواب للسؤال ليه عشان مين تزعلني او بالاحرى تخسرني انت خسرتني الى الابد انا عارفه ما راح اطلب الطلاق لكن فقدني الى الابد
    ورجعنا االبيت اه وين النوم اللي كان يصارعني للين اوصل للمخدة
    طار النوم طار وطارت الاحلام
    ومادري هو ايش قال وكيف قدم الاعذار المهم قلت رجعني لبيت اهلي ابغى ارجع لامي
    واحترم رغبتي وأخذني على بيت اهلي وجاني اخوي ملتزم جلس ينصحني ويكثر علي مع العلم هو من المؤيدين جدا للتعدد وقال من حقك تزعلين وتغارين عائشة رضي الله عنها غارت لكن مو من حقك ابدا تكفرين بالله وتعترضين على الزواج وتطلبين الطلاق من غير اكراه
    الوالدة االله يرحمها قمة في الأخلاق والذوق وقلت لكم ان زوجي من كثر طيبته الكل يحبه وأولهم الوالدة كانت تعزه حيل ورفضت رفضا باتا بقائي عندها ولو لعدة ايا وأمرتني بالرجوع اليه والرضا بالمقسوم وانه طيب وكل الرجال ممكن يتزوجون وفي لحظة على حريمهم وهذا من حقهم
    واحنا القبائل هذا حنا الرجال ما يرده إلا جيبه
    لكن زوجي حسرة عليه لا فلوس ولا صحة الحمدلله على كل حال ورجعت معاه البيت رغبة في إرضاء امي الحبيبة ودعست على كل شي حتى كبريائي أي كبيرياء هربت من أهلي حتى ما يشوفون ضعفي وقلة حيلتي هذا اللي كنت اراهن به على الحريم وافتخر فيه الحين وين اودي وجهي احسن شي اجلس في بيتي واخبي وجهي عن الناس بالضبط زي ا لنعامه لو لو ما
    تنفع لو ما مدحته على الأقل لوكان قاسي واخلاقه زفت لو كنت اقووووووووول انه .........................
    طعني بخنجر مسموم لا يبرأ هذا السم
    وياليت اللي تزوجها تستاهل انا عارفة كل الحريم يقول كذا بس انا والله غير
    البنت اللي تزوجها مسكينه بكل ما تعني هذه الكلمة انا كنت اقوله مسكينه فلانة ياترى مين يتزوجها ما ابغى اذم بنت الناس لكن هذا الواقع المؤلم زوجته اقل مني جمالا و علما لكن حظها
    وقدري
    ومن الأول اقول وعسى ان تكرهوا شئيا وهو خيرا لكم

    ولي عودة
    الحين صار يبغى رضاي ويبحث عنه وهو يرى بام عينه قلت حيلتي وضعفي
    ويحاول قد ما يقدر يخفف عني لكن كيف يحضني كيف ابكي في أحضانه
    وين احط صدري مين يخفف الامي رحمتك ارجو يالهي وكان كل ما حاول يرضيني ارجع من جديد ابكي
    ومين يمسح دموعي ...............................................................

    تكفون اللي ترد تبلغني انها كملت القصة معاي


تابعي تجارب أخرى من هذا القسم.