بنات ساعدوني انه بشكله والسبب الخادمه عسى عينها العمى

مرحبا
بنات صج الواحد لازم يحترس من الحسد
والله لما بلغت كانت الدزوره تييني وكل شي على مايرام
وكان يطلع وايد يدم
وخدامتنا كله تقول انتي في دم وايد انه مافي دم الا شوي
والله من قالتها وهالمره ياتني مو يومين ولا شي طلع الا اول مره وامس طلع شووووووي
يعني لو ماحط قطع غيار احسن لان ماينزل شي واذا نزل كلش شوي
بنات شسوي والله مقهوره والله قولو لي شسوي في روحي؟؟؟؟؟؟؟؟؟؟؟
حرام انه حتى ليلحين ماتزوجت

8 تعليق 1,320 مشاهدة

شاركي في النقاش

سجلي الدخول لإضافة تعليق.

التعليقات

8
  1. @zyko_1

    لو الخدامة عندك خوذي منها شي ولو ماهي عندك لاتوسوسين ياغالية مع التقدم بالعمر الدم يقل عند بعض الناس00

    بس ضايقني دعائك على الشغالة يعني انتي الحين مالحقك غير الاثم وكل من يقرا العنوان بعد يلحقك اثمه 00يمكن انتي الحين تتهمينها وهي بريئة 00( إن بعض الظن اثم ) وليكن لنا في رسول الله صلى الله عليه وسلم أسوة حسنة لم يكن يزجر خادما ولا يؤنبه ولا يقول لشيئ فعله لم فعلت هذا او لشيئ لم يفعله لم لم تفعل00

    الرحمة والرفق ماكانتا في شيئ الا زانتاه ولا نزعتا من شيئ الا شانتاه00

    اخيرا العين حق ياغالية وانتبهي وخلي عندك درجة الحذر المطلوبة من غير وسواس وشك 00 واحذري من الخدم لانهم سبب الكثير من المشاكل بلادهم جوع وفقر وماشافوا خير مساكين الحمدلله على النعمة00لذلك عودي أي خادمة تجي عندكم على ذكر الله أو حاولي تدارين عنها00
    والشي هذا معروف عند الخدامات00 حقتنا اذا قامت الصبح تشوف الزبالة وتقول لأمي بزورة في أكل كثير امس بالليل من المطعم !! وكلام كثير 00

    مابي أخوفك لكن الي عليك الحين اذا كانت الخدامة موجودة عندكم خوذي منها أثر ولو ماكانت موجودة راجعي طبيبة يمكن السبب طبي واحرصي على تحصين نفسك بالأذكار واقرأي وردك دايما بعد الفجر والعصر لأن العين حق والله يكفينا واياك شياطين الانس والجن00
  2. @bark_khyr

    السلام عليكم ورحمة الله وبركاته

    أختي عادي أحياناً تصير كذا .. ما تنزل إلا نقطة نقطتين .. ويمكن بعد مب هذه الدورة .. يمكن تجيك صج بعد كم يوم

    على طول فسرتيها حسد؟

    بعدين أختي إذا بغيتي تقين نفسك من الحسد عليك بأذكار الصباح والمساء .. إذا قلتيها لا تخافين من العين الله بيحفظك

    ولا تدعين على الخادمة...

    وأنصحك إذا خفتي منها في هالجانب لا تخلينها تشوف هالشي...
  3. @alkfn

    مرحبا الغاليه

    سؤالي يمكن غريب شوي

    كيف الخادمة تشوف قطع الغيار ؟؟

    نحن ندخل الحمام ونغير ونلفه بالورقه او الكيس ونرميه بالزباله يعني محد يشوف شي
    اما هي كيف تشوف ؟ وبعد تسألج عن هالشي ؟؟ غريبه والله
  4. @alaaa_oghydaaa

    السلام عليكم ورحمة الله وبركاته0
    يا اخت دنيا حتى احنا شغالتنا عينها قويه بس ايش تسوي موبيدها-----

    عموما كلما وحده فينا حست بتعب شديد او مغص على طول ناخذ منشفه ونمسح اي آثار لها سواء من على المغسله او اليدين حق الابواب وبعدين احط المنشفه في مويه واعصرها وآخذ المويه وارشها على جسمي واغسل فيها من تحت 0

    جربيها باذن الله تتعافي وتدعيلي--
    ولو ماكانت عين خذي كاس مويه دافي وحطي نصفه سكر وحركيه واشربيه على طول تنزل0
    سلامات وما تشوفي شر

تابعي تجارب أخرى من هذا القسم.