مذكرات الامومة والابوة .. بايجابياتها وسلبياتها .. متجددة يوميا ..
مرحباااا
موضوعي هنا حبيت اطرحه ليكون موضوع مناقشه وابداء اراء وممكن يكون (دايرري) مذكرات يومية عن الامومة والابوة وما تحمله من جوانب ايجابية وسلبيه .. بحلوها ومرها
المرأة لما تسألها عن الامومة تقول له ((احلى شيء في حياتي))
الرجل يرد عن الابوة بقوله : (( اجمل شيء عشته ))
ولا احد يتكلم عن الشيء اللي يعانوه من الابوة او الامومه
نكون واقعيين الأم العاملة وغير العامله .. كلهن يعانيين جزء من متاعب الامومه خاصه اذا كان الاب من النوع اللي يرمي البيت بكل مسؤولياته على رقبتها بعذر انها لا تعمل او انه ما يعرف شيء في الامور المنزلية او العيالية ..
نحن نتكلم عن الام المسؤووولة مو اللي عاقه كل شيء على الشغاله وهي راااااقده
كثير من الامهات لا يستخدمن الشغالات
الام تقوم الصبح تصلي الفجر وتبدأ يوومها تجهز الفطور
وتلبس العيال وتأكلهم وتفطرهم وتركبهم الباص للمدرسه وممكن توصلهم بنفسها احيانا ..
وتجهز الفطور لابو العيال
وبعدين لما يطلعوا الكل تبدأ ترتب البيت
تغسل الملابس
وممكن تطلع تشتري نواقص البيت
ترجع وتبدأ تجهز الغداء
وبعدين يرجعوا العيال وتبدأ المعاناة
يالله إكل حبيبي ..
يالله يا ولد خلص دروسك
يالله يا بنت حلي الواجبات
ممكن الاب يرجع في النص تفرش له الغداء عشان يتغدى ويروح يقييل وينام
يالله خلصتوا صااااار العصر او المغرب
تتابع كل واحد يالله اتسبح واتعشى ويالله عشان ما تكون الساعه 8 او 9 الا نايميين
وبعد كذا خللللللللللصت ربشه الاطفال
تقول في نفسها الحمدلله ارتحت
توقف قدام الصاله والمطبخ عفسسسسسسسسسه
هذا الولد عاق لعبته وهالبنت رامية عروستها .. :09:
تبدأ ترتب وتنظف وتغسل الصحون لين تخلص صارت 10 او 11 ويمكن 12
تخلص وتكون منهههههههههههكه القوى .. :angry:
وعاد سالفه ثانية لو عندها طفل رضيع كل شوية يصيح ويسههههر الليل بعد كل هالتعب
شو رايكم ...؟
اعرف بتقولوا في رجال يساعدوا
ما اقول لا
بس بشكل عام اغلب العمل على الام
وعاد الله يكون في عون الام العامله
هذا كلامي عن المرأة المتفرغه لبيتها
والرجال شو معاناته مع الابوة ...؟
:arb:
يقوم الصبح يريد يشوف زوجته يدورها يدورها يالله يالله يلاقيها اما في المطبخ او تلاحق واحد من الصغار تلبسه ثيابه .. تسلم عليه خطااااافي حتى ما يتهنى بتصبيحه حلوة من زوجته
وعاد يكسر خاطري الرجال اللي يقوم يدور حرمته يحصلها رايحه توصل الاطفال المدرسه خخخخخخ
يالله يلبس ويتريق ويروح الدوام ويكرررررف في الدوام ويرجع البيت مستبشرا يريد يشوف زوجته ويرمي الحمل عليها .. يستقبله عن البيت الصغار .. باابااا صار كذا في المدرسه .. بابا شوف اختي تأذيني .. بابا شوف اخوي كله يضربني
افففففففففففففففففففف الزوج يبحث عن لحظة راحه لا يجد .. وزوجته وسط المعمعه غارقه يا دوب تفرش له السماط وتحط الغداء وبعدين تتمنى له نومه مريحه ويروح ينام
وهو في وسط احلى نووووووووووومه يسمع واااااااااااااااااااااااع وااااااااااااااع حد من الصغار يضارب الثاني ويصيح الثاني ولو ان شاء الله في الطابق الثاني بينسمع صوته
لما يقوم من القيلولة يجد زوجته مشغولة في تجهيز العيال للنوم المسائي ..
اما يجلس بالبيت او يطلع مع ربعه
يرجع يحصل الزوجه اخيرررررررررررررررررا بس شو يحصلها
مهدودة الحيل ماله نفس لشيء
او يجدها نااااايمه
مسكين هذا الرجل ... :(
من هناااااااااااااااا
جاتني الفكرة انه كل من يحب يجي يكتب لنا مواقف حصلت معاه سابقا او حصلت معاه اليوم بس تكون في اطار الامومه ومواقفها الابوة ومواقفها
اتمنى لو تكون الفكرة عجبتكم ووضحت لكم ..
وانا رح ابدأ بأول مذكرة لي ..