كانت أحلى أيام حياتي كنت طبعاً أخر العنقود من البنات...وكنت دلوعة شوي مو كثير كانت حالتنا المادية وسط وأحيانا كنا نمربضائقة مالية لأن والدي غفر الله له كان يبني بيت بس مع ذلك عمره ما حسسنا لا هو ولا أمي غفر الله لها وكان حريص علينا وأمي الله يرحمها ما كانت تحسسنا بش ولا تعبنا بالشغل الحين لما أفكر فيها ...أبكي.. كانت شيلة البيت والتنظيف والطبخ والضيوف وما تقول لنا شئ غير أدرسوا:( والوالد كان يسميني السكرتيرة الخاصة فيه....وكنت قبل لا أتزوج المسؤله عن كل شئ يخصه رحمة الله عليه عيشونا بحب وتالف والحين راحوا وتركونا لكن الله يحفظ خواني وخواتي ولا يفرقنا
بالنسبه للمواقف كنت أنا وأخوي الكبير كل عصر نطلع فوق سيارة الوالد وكل سيارة تمر نصفق لها بفرح هههههههههههههههههههه ليه مدري
حتى الطفوله فيهااا معاناة.. لكن تبقى ايام الطفوله أحلى أيام... ودوووم نشتاق لهاا.. يكفينا فيها البراءة.. ماكنا نجرح ولاننجرح.. أحن لناااس كانوا فيها ورحلوا.. ورحلت معهم صدق النوايا وطيب القلوب.. أحن لهم حيييل.. فقدتهم فجأة في يوم افقت ماوجدتهم..ولكن خلدوا في حياتي.. أجمل الذكريات وأحلاها.. تغمدهم الله بواسع رحمته..وجمعنا معهم بجنانه.. غاليتي.. شكراً لحروفك النقيه حملتنا لأيام جميله.. دمتي بخير
حلوه ايام الطفوله مع ما فيها من شظف العيش ابو كان مقتدر ما عليه وظيفه حلوه بس له نظريه بالحياه غريبه ما يحب يدلع عياله الا بعضنا لما يكون فيه شى مميز مثل ذكاء او هدوء وطبعا انا يوم كنت صغيره ما بان في مواهب والسبب ياعمري انا كنت ما اشوف زين ههههههههههههههههه بعذري كسلانه بالدارسه أسأل الله العوض بالاخره وابشلركم كبرت ولبست نظاره ومش الحال وبانت المواهب كان ودى انه يعطينا مصروف مثل البنات وكانت جدتى ولا اظلمها اقول يمكن تقول خلاص افطرتو في البيت وش وله فسحه اذا جيتو الظهر تغدوا وراح عمرى ما عطونى مصروف بس اول الناس اغلبهم ما يجيب مصروف في ذاك الوقت والى الان اذكر منظر البياعه ودى اشتري هههههههههههه اخذت اول مصروف ما اذكر بس يمكن بالمتوسطه بعكس اخوانى خلاص تعود يعطينا مصروف مع انه بالبيت ما يقصر كل شى عندنا بستثناء التى يرى انها دلع الله يغفر له كان ودى انا متمتعين اكثر في حياته حتى نحبه مره والله انى اغار من اللى يحبون ابوهم وامهم بقوه مدري العيب فينى والا في الضروف والتربيه اللى كانو متعودين عليها مع انه ما عمره مد يده علي بس كنت اخاف منه اكثر من انى كنت احبه وهذا الشعور مضايقنى وامى حنونه بس باسلوبها تحبنا بس تطفسنا وتهاوشنا بس ما الومها كنت شقيه مره
واحسن شئ في الطفوله اللعب مع اخواتى ومع بنات الجيران ومع بنات عمى عاد احلا شئ اذا جونا بنات عمى ننبسط مره ونقلب على بنات الجيرانى هههههههههههههه ولما يروحوبنات عمى نرجع نصاحب بنات الجيران ههههههههه مالنا خوى ههههههه