السلام عليكم ورحمة الله و بركاته
ازيكم يا احلى اخوات فى الدنيا00
معلش اليومين اللى فاتوا النت كان وحش اوى و الموقع ما كنش بيحمل خالص00ولما اتظبط اكتشفت ان الكيبورد باظ00و طبعا على ما جبت كيبورد تانى00 علشان كدة ما عرفتش ادخل اليومين اللى فاتوا معأنى كنت لسة بئول لوداع ونادو ان نفسى افك حصار ال3 مشاركات00على العموم هانت00الحمد لله00
عزيزة000بصى يا حبيبتى اكيد البنات حيجوبوكى على سؤالك انا ما عنديش فكرة اذا كان دا ممكن يحصل و لا لأ00بس انت ما تزعليش نفسك يا حبيبتى و ان شاء الله خير00من عارف مش يمكن ان شاء الله البويضة دى يحصل منها حمل طبيعى00احنا بناخد الدكاترة سبب مش اكتر00دا انسان و روح حتتوجد يا عزيزة و ربك هو القادر لما يشأ يوجدها يقول كن فيكون00صح يا قمر00المهم ما تزعليش نفسك و تفائلى يا حبيبتى و ان شاء الله خير00
بس ليا سؤال 00هو التبويض الشهر اللى فات كان احسن؟ و اذا كان احسن الدكتور ماقالش لية التبويض الشهر دا مش زى المتوقع؟و بعدين انا كنت قرات فى مشاركاتك انك ما تابعتيش تبويض خالص الايام اللى فاتت تفتكرى ممكن يكون دا سبب00يعنى كان ممكن يزود الحقن مثلا00على العموم البنات ان شاء الله يفيدوكى اكتر00بس نصيحة يا عزيزة اذا كنت حاسة ان التقصير من الدكتور فيمكن ربنا سبحانه و تعالى عمل كدة علشان تعملى التلقيح فى مكان تانى 00و اذا ماكنش يبئى خليكى معاه بس اصبرى يا حبيبتى معلش و ان شاء الله الفرج قريب 000قولى يا رب 000ماشى يا جميل 00
باقى الاخوات الجميلات00بحبكم كلكم00حئوم اصلى العشاء و اجهز العشا لانى كنت برة و لسة جاية و اول لما اخلص حقرأ اللى فات و ان شاء الله اجى تانى علشان اكتب باقى مشاركاتى 0
عزيزة0000بعد 36 ساعة00يوم ونص تقريبا 00دا زى ما كان الدكتور بيئولى00
تجمع الموقنات برحمة الله ( خبرات متبادلة حول مراكز تأخر الحمل في مصر ) 14
متابعة النقاش، صفحة 16