صباح مساء لمياء شيماء خوله عزيزة عزه عبير رية سكينه << ابد متأثرة بالتعداد السكاني هع
شلونكم يالغوالي
وحشتوني اوي اوي
منذو مبطي ماكتبت موضوع هنا
وهذا لأنني وكما تعلمون عملت فترة مع البنزنس في قسم المستعمل << بلاش فضايح:22:
و وفقني الله في شركتي
صدقوني وحشتوني << خلاص عاد !!
بس عن جد لكم وحشة مررره
وهذا لأنكم مرره وحشتوني
ايه صح نسيت اقولكم تراني اقمت دوره
كش عليكم هقوتي انكم بتسجلون وياي
بس ماكو الا كم وحده من هالقسم هي اللي شرفتني
والباقيين طسوا مدري ويــــــن ؟!!
على بالي صرت مشهورة بس محد حولي خخخخ
اجل لازم نكثف المواضيع هاليومين عشان نظهر ونبان علينا الأمان:happy:
عموما مسامحتكم
المسامح كريم نيفيا
وشسمه لا اله الا الله
ايه صح
بغيت اسألكم ياراعيين الفزعات
بما ان هالقسم قسم الحياة الأسرية <<لا ياشيخة!! تصدقون توني انتبه :hahaha:
والكل مهتم بأسرته
ويحب يهتم فيها
واهتمامه فيها حلو
( ماتلاحظون ان كل 3 اسطر متشابهه ؟ خخخخخ مدري وش بلاني هالصبحية!!! )
المهم يعني مكان هالموضوع هنا << هذا كله وما وصلنا للزبده ترى !!
لأني مره دورت على زبده في العثيم ولا حصلت النوع اللي ابغاه وصارت لي سالفة قهرتني << عموما كتبت الموضوع عنها من زمان << اسمه فيما معناه : صارلي شئ بالمول وضايق خلقي حيل .. دوروه مدري في أي قسم ! اتوقع القسم العام او قسم المطبخ:p
امممممم وش كنت اقول ؟؟!!!!
:confused:
خلني ارجع اقرااا السطرين اللي فوق عشان اتذكر السالفة ...
اي صح
الزبدة اني ودي اشتري روايات
وراح يقرونها خواتي الغير متزوجات << حطوا تحتها 10 خطوط
ترى اعمارهم اقل من التسعين << ماتدور على عرسان ابد لوووووول
وودي تكون الروايات نظيفه وهادفة على شوية رومنسيه:biggrinlo
مين عندها خبرة تدلني على اسماء روايات حلوة مثل ماذكرت في السطر اللي فوق هذا علطول ؟؟
لأن خواتي يالبي قلوبهن
ابغاهم يخوضون معارك الحياة
عشان لا عرسوا يصيرون سنعات اذا ازواجهم عطوهم كف يعطونه كفين ... وهكذا << ماقلتكم ماادور عرسان ابد ؟!!
لأننا ولله الحمد ماعندنا تلفزيون
وتعرفون بعض بنات هالزمن متفرعنات من الشاشات والتفزيونات وش كبرها مدري كم بوصه << على بالها كل مازادت البوصة بتزيد الأفلام:laughing:
وبعض الرجال نفس الطينة
فيبغالهم تعامل خاص وتفتح وديمقراطية اكثر << تكفوون وحده بس تشرح لي وش هي الديمقراطية !! وين يبيعونها ابغى اهديها لزوجي !!:32:
خلاص اف ماعاد ابغى اتكلم
ابغى أسمااااء روايات نظيفة هادفة رومنسية اسلاميه مافيهاش وساخة :29: << آآخ ياكرشتي بس
وياحبذا تصير تهتم بشؤن الأسرة والفتيات والشباب وكيفية التعامل ..
فديت كل من يمر على موضوعي ويقول : لا اله الا الله ...
ابروح اشرب مويه بسبب نشفان ريقي من القرقر
وابغى ارجع والقى اسماء روايات بالهبل
واللي تقول سوي بحث
يمين لو شفتها قدامي لأقبصها << لأني اتطاقيت مع قوقل سحبت فلوسي منه ولا عاد ابدخل معه شريك في شئ
لعب علي ماطلّع موضوعي اللي سويته حق بيع البضاعة المستعملة
هع
اللي تذكرني وش طلبت في هالموضوع لها ايس كريم ابو اربع
هع
من كثر الحكي نسيت وش طلبت خخخخخ
خلاص نؤطة .
لا اله الا الله ..