مساء الخير دكتورة,
انا ابني عنده سبع شهور وبرضعه طبيعي واحيانا رضعة صناعي في اليوم بس وكان كل حاجة ماشية تمام لحد ماتعب الولد وحرارته عليت وطلع في سقف حلقه ولسانه حبوب ليها روس بيضة كده قالولي ده التهاب فيروسي وهو اللي عمله كده
المهم اديته اوجمنتين زي مالدكتور قاللي بس للأسف الحبوب اللي طلعتله دي حرمته من الرضاعة مني او من الببرونة طول الوقت يعيط جعان ومش قادر يقفل فمه على صدري ولا الببرونة
بقيت أأكله بالمعلقة وبالحقنه بس للأسف حصلي احتقان في صدري لأني كنت بحاول معاه اني اديله ومش راضي وكل شوية اصبر نفسي واقول هياخد ومفيش فايدة لحد ماقعدت حوالي يوم ونص من غير مايرضع الولد مني وصدري احتقن لدرجة اني ماكنتش قادرة اشيل الولد وفي الاخر شفطت الحليب بعد يوم ونص تقريبا من العذاب وكمادات المية السخنة
المهم بعدها خف الحمدلله وحاولت اديله صدري رفض جدا لأنه تقريبا ربط مابين صدري والألم بس انا حاولت معاه وهو نايم وحطيت راسه على صدري وقريتله قرآن والحمدلله أخده ونام عليه
المشكلة اللي عندي دلوقتي ان حليبي قل جدا جدا بعد الموضوع ده والولد مش بيشبع ولما بشفط بتطلع كمية قليلة جدا اقل من 10 مل
فهل في امل ولا افقد الامل وافطم الولد وخلاص؟
معكم عضو البورد الدولى للرضاعة الطبيعية(الجزء الثانى)
متابعة النقاش، صفحة 295