اللي تبي طريقة عمل الحسو تتفضل :) .... واكيد صورته لكم

السلطانه

الله يعافيج حبيبتي

:26:

لوكر

مو شرط تسوينه للولاده بس

وحتى اثناء الدوره جدا ممتاز

وكلامج صحيح انا سامعه عنه :D

:26:

الخفايا

اول مره اسمع بالاسم واول مره اسمع انهم يسوونها بالكستر

بس اشلون يكون الطعم؟؟

والكستر الاصفر تقصدين؟؟

وكلج ذوق يالغلا

:26:


قطر الدين

العفو عزيزتي

:26:

ام طلال

يمكن انج شايله شي ثقيل وتعور ظهرج ؟؟

ترى اثناء الدوره انتبهي للشي هذا لان الرحم يكون نازل وياثر على الظهر ولازم ترتاحين بوقتها مثل النفاس :)

والحلبه هي بروحها ممتازه للظهر اشربيها مع الحليب

وماجربت احط الحلبه في الحسو

:26: وماتشوفين شر

روح جميرا

وحتى هذا حلو ماهو مالح

وغريبه اول مره اسمع بالاضافات هذى مثل ماقالت الخفايا

بس اللي بالطحين نسميه الجلاب وهو يختلف اشوي

بس انا الحسو ما احط فيه الطحين

:26:

شحروره

الف مبروك حبيبتي وعسى الله يتمم عليج ويقومج بالسلامه

وعليج بالعافيه

:26:

ام عزيزان

مشكورة الغالية على الطريقة الروعة

بس بغيت اسأل كيف شكل الرشاد تعرفين تختلف المسميات وخاصة في الاعشاب

عندنا في الخليج

ولج كل الشكر

السلام عليكم

احنا نسميه الرشوفة وطريقته والمقادير تختلف شوي على ما اعتقد <<< ما تعرف الطريقة عدل

لأن شكلها يصير غير عن اللي في الصورة

اذا صار مجال وسوته لنا الوالدة بصوره لكم

مشكورة اختي أم عزيزان

ملكة السعاده

انا حطيت شكله في الصفحه الثانيه شوفيه عزيزتي

وان شاء الله تعرفينه

:26:


vision


انتي من اي دوله عزيزتي؟؟

وانتظر الصوره

:26:

السلام عليكم ورحمة من الله وبركاته ...

شكلها مشهي ماشاء الله ... مثل ما قالت أختي الخفايا نحن نسميها في الامارات ( الحريروه )
الطريقه في الامارات تختلف حسب المناطق وحتى من عائله الى عايله ثانيه ... بس نحن تقريبا نفس طريقتج أختي العزيزه ما نحط فيها وايد أشياء ... بس ممكن أساعد بنات الامارات وأقولهم معنى بعض المصطلحات ... بالنسبه للهجة أهل العين .
الرشاد : هوه الحبه الحمراء ( تكون صغيره ولونها أحمر ويعطونها اليهال الصغار عشان يمتنون )
الحبه الحلوه : هيه المثيبه مش السنوت شكل السنوت بس أكبر منه ... تكون الحبه متينه .