♥ஐ☼ {{{ تجــــمع جــــديـــــد لــبنــوتــات جـــــــده غـــ☼ـــير }}} ☼ஐ♥

متابعة النقاش، صفحة 44

شاركي في النقاش

سجلي الدخول لإضافة تعليق.

التعليقات

635
  1. البفته
    اختي ادمع الفجر اش فيها دوحة الجزيره00ليش بهدلوا ولد اختك 00كم اسعارهم اختي لول الف شكر حبيبتي ماقصرتي00بس يابنات كم تدفعون في الروضات 00احس اسعارها غاليه00كان في بالي انها في حدودالالف والخمسميه للسنه00انا مصدومه لانه عندي اثنين ابي ادخله…
    السلام عليكم و رحمة الله وبركاته ..
    مساء الخير بنوتات .. أنا دااااااااااايخة ..
    كيفكم اليوم ؟؟ دختو من كلامي ولا لسة ؟؟

    أدمع الفجر .. هلا حبيبتي ..
    معاكي حق المهر قليل .. بس كمان المشاكل كتيرة :44: ..
    يعني المسألة كلها ماهي مسألة فلوس .. بس بسبب المشاكل
    أنا أتزنقت .. الله يكافي إللي كان السبب ..
    عشان كدة أنا ملزومة بهادا المبلغ فــــقـــــــــــط ..
    وأنا والله دايما بأدعي الحمدلله رب العالمين ..
    وأنا كنت أشتغل بس بعدين أبويا وجوزي منعوني ..
    عشان ما يبغو الإختلاط .. وأنا أشتغلت إلزامي بس عشان
    آخد شهادة التدريب .. يعني فترة معينة بس ( أقل من سنة ) ..
    يعني بالعربي : شغل ممنوووووووع ..
    والحمدلله ماكنت محتاجة الشغل .. بس دحين بسبب المشاكل
    أتزنقت عليا من كل ناحية .. الله لا يزنق مسلم ..
    وبعدين إذا أبغا أشتري من بنات المنتدى ما راح أقدر ..
    لأنو في ناس يوصلو بالبريد .. وفي ناس يجيبو للبيت ..
    وفي كل الحالات حتبدأ التحقيقات من أبويا .. ومين ؟؟ وكيف ؟؟
    وليش ؟؟ وأيش هادا ؟؟ ومن فين ؟؟ ................ إلخ ؟ إلخ ؟ إلخ ؟
    يعني حأجيب لنفسي مشااااااااااكل أنا في غنى عنها ..
    وبعدين هادي أغلبها أشياء جريئة حبتين :) ..
    يعني لسة بدري عليها :) ..
    وأنا في أشياء أشتريتها من وراه ..
    أشتريت كم قميص من كذا محل قبل فترة ..
    بس في أشياء كتيرة لسسسسسسسسسسسسسسسة ..
    يعني أنا ما دبشت ولا 2% !!!!!!!!!

    وأنا يا حبيبتي ماألبس عريان عن إقتنااااااااع شخصي ..
    لأنو أول شي حرام وعورة .. وتاني شي الأيام هادي سارو كتير
    من الناس ما يخافو الله .. وجوالات الكاميرا على قفا من يشيل ..
    ويا حبيبتي في فرح بنت صاحبة ماما كانت في وحدة جالسة تصور
    المعازيم والعروسة و أنتبهت لها أخت العروسة وراحت جري عليها ومسكتها
    ولطشتها و دعست الجوال ألين كسرته في الأرض وساعدوها الحريم ..
    وقال أيش ؟؟ كانت بتصورالعروسة عشان شكلها حلو ..
    وبتصور المعازيم عشان فساتنيهم حلوة وشعرهم ومكياجهم حلو !!!!!!!!!!!!
    شوفو الوقاحة !!!!!!!!!!!!!
    وكلكم أكيد سامعين عن البلاوي دي .. الله يستر علينا يارب ..
    وأنا سبحان الله من صغري ما ألبس لا قصير ولا عريان ..
    ألبس برمودا وشانيل معليش .. لكن أقصر من كدة لالالالالالا ..
    وترى ماني مطوعة ولا ملتزمة :) بس كدة سبحان الله ..
    ولو لبست عريان من فوق .. أحسن إني عريانة وكل الناس
    بيطالعو فيا كأنو مافي ملابس .. إحساس غريب.. سبحان الله ..
    بس في البيت ألبس كل شي عادي .. بس مو قدام الناس الأغراب ..

    ************************************************
    البفتة .. آمين يارب الله يسهل للجميع يااااارب ..
    إذا إنتي مخك وفيوزاتك ضربو .. أنا أيش أقول ؟؟
    والله حاسة حيجيني إنهيار عصبي .. يعني ضغط أعصاب ..
    وضغط فلوس .. وضغط مشاكل .. الله يستر بس ويعديها على
    خير .. ويرد كيد الكايدين في نحورهم ياااااااارب ..
    مستنياكي .. خدي وقتك ورتبي أوراقك وتعاليلي ..
    و بإنتظارك ..

    ************************************************
    الروح .. العفو حبيبتي .. :) ..

    ************************************************
    شذرات .. بتكلميني أنا ؟؟ يعني أنا أروح الأسواق هادي ؟؟
    طيب فيها ملابس حلوة ؟؟ أنا مايهمني الماركات ترى ..
    أنا يهمني الذوق والشكل والألوان ..

    ************************************************

    يلا وروني همتكم يا بنات .. حطمتوني :44: ..
    أنا قلت أجي ألاقي عالأقل 3-4 صفحات ردود منكم ..
    إهيء إهيء إهيء :44: ..
    والله نفسيتي زي الزفت .. ليا قد أيش كاتمة في قلبي وساكتة ..
    ومارضيت أكتب في المنتدى عشان لا أكسف نفسي ..
    و دحين خليتوني أتكلم .. وبعدين تطنشوني .. تهيء تهيء تهيء :44: ..
    >>>>>>>>>>>>>>> عندها إكتئاب :08:

    تحياتي ..
    جــــــــداويــــــــــــــة
  2. الله يكون في عونك اختي جداويه قطعتي قلبي ياليت لو أقدر أساعدك:)

    شوفي حبيبتي بساعدك قد ماأقدر ومابي منك غير الدعوه الحلوه( أبي أنحف وأتزوج:))

    وبالنسبه للمهم الله يباركلك فيه ان شاء الله وتقضي كل اللي نفسك فيه ويزيد بعد يارب:)

    بالنسبه للعطور والمكياج ما أنصجك تروحي الا الكورنيش وعن تجربه نفس البضاعه وأرخص أنا خالتي اشترت مكياج كامل من لانكوم كلفها 1000 تقريبا وأنا اشتريت نفسو كلفني 500 وشي وانقهرت هي حيل لانو نفس الشي مافي فرق أبد وكلو في الكورنيش الدور الخامس ممكن تروحي محل اسمو آزال للعطور رووووعه صراحه وحتى العطور شريتها منو بعد أسعارهم خيال وروعه مره مناسبه طبعا معروف الكورنيش بنص السعر

    وبالنسبه لقمصان النوم كنت بشتري لوحده طقم هديه واللي في نعومي القطعه الوحده ب 350 وفي غير نعومي بعد يعني غالي شوي قمت نزلت سوق الكندره اللي قدام سوق اليمامه للذهب ولقيت أشياء روووووووووووعه ورخيصه وعمليه انا كنت مستهونه فيه لاني ماحب هالاماكن بس صحبة امي قضت لبنتها الدبش من هناك وتمدحو وبالفعل روووووعه روحي اشتري من هناك يجيكي طقم مكون من سته قطع وفخم ب 150 واقل بعد من جد روعه:)

    وبالنسبه ياعسل للسجاجيد والشراش برضو شريت هديه لوحده من زميلاتي العرايس الطقم تعرفي بكم؟؟؟بس 140 ريال تخيلي رووووووعه مره نفس النقشه ومره فخم من محل اسمو ( بن طالب) برضو ياسل في الكندره قريب من العماره الزرقا ولو تبي وصفهم اسالي وماراح تتوهي انا سألت اللي هناك وعلى طول دلوني:)وتلاقي عندو أعتقد شفت وحده اشترت طقم شرشف سرير..

    فيه محل روووعه برضو عندو شراشف وسجاجيد ولحف بس غالي حبتين اتركيكي منو بعدين اذا شايفه ميزانيتك تسمح ممكن اخبرك عنو:)

    وش بعد أقدر أفيدك ياعسل امممممممممممم....

    اما فستان الزواج راح ادلك على محل قريب من اوايسيس مول كلو فساتين وناعمه وحده من زميلاتو فصلت عندو تقريبا ب 7000 ويضمن لك انو بعد الزواج يبيو لك على الأقل بنص السعر لو حابه وممكن تستأجري فستان ولو اني ضد هالفكره:)بس لأنو الأجار يكون أرخص بكثير..انتظريني بكره اسألها في الدوام وأرد لك خبر:)

    والخياطه والله كثير ضمنوها لي ويقولو خياطتها شي راااااااااااااااقي ومميز وتساعدك في الموديل وذوق انا ارتحت لها كثير صراحه وشفت كثير عندها يمدحوها بس امي مارضيت قالت غالي لانو القماش لوحدو بيكلف فوق ال1000 كمان الخياطه ب1000 اشتري جاهز افضل ب1700 وراقي يكون..وحرسلك رقمها انتي وعديل الروح :)
    هذا اللي أقدر أفيدك فيه حبيبتي ولو تبي بعد شي لايردك الا لسانك احنا في الخدمه والله يسهل عليك ويتمملك بخير يارب :)
  3. @ork_alkhryf

    بنات جده الي عندها سير كهربائي وتبغى تبيعه أوتعرفلي أحد ممكن يساعدني ترد علي الله يرد عن وجهها النار يوم القيامه
  4. @alnayfh_5

    جداويه لاتشيلين هم وربي كتبت رد طويل عريض

    بس ماانرسل:( ان شاء الله راح اكتبه مره ثانيه

    ولاتخافين ان شاء الله ربي ييسر لك وتسيرين احلى عروسه

    وبساعدك باللي اقدر عليه

    بس وكلي امرك لله

    وبالتوفيق :)
  5. البفته
    اختي ادمع الفجر اش فيها دوحة الجزيره00ليش بهدلوا ولد اختك 00كم اسعارهم اختي لول الف شكر حبيبتي ماقصرتي00بس يابنات كم تدفعون في الروضات 00احس اسعارها غاليه00كان في بالي انها في حدودالالف والخمسميه للسنه00انا مصدومه لانه عندي اثنين ابي ادخله…
    السلام عليكم و رحمة الله و بركاته ..

    صباح الخير يا حلوين :) ..

    أدمع الفجر .. الله يسلمك يارب .. وينحفك .. ويجوزك :) ..
    وينحفني أنا كمان و يجوزني .. لأني من القهر وزني زااااااد :44: ..
    وقرفانة من نفسي وكل مين شافني يقول لي يا بنت أيشبك تخنتي ؟؟
    يا بنت أيشبك سرتي كدة ؟؟ وكلهم يحسبوني تخنت من كتر الإنبساط :09: ..
    وآآآآمييييين ياااااارب اللله يباركلي في مهري ويبارك لكل عروسة
    مزنوقة زيي في مهرها يااااااارب .. و أدعولي :) ..

    وبالنسبة للكورنيش .. أنا أروح له أحيانا .. بس عشان البلد
    بعيدة عليا.. يعني لازم أقدم معروض قبل ما أنزل البلد :23: ..
    وصدقتي في إنه الأشياء رخيصة .. بس أنا بشرتي حساسة وليا
    فترة ماأستعمل غير MAC و Make Up For Ever وهادي
    الأشياء ماتتلاقى في الكورنيش :44: !!!!!!! وأخاف أخاطر وأشتري
    ماركات تانية وأتورط .. لأنو أنا المكياج على طول يتعدم في وجهي ..
    يا يتقشر ولا يدهـــن ويسير كأني متمكيجة بزيت !!!!!!!
    عشان كدة ما أتمكيج كتير .. وأنا والأساس ماحنا أصحاب
    أبدا .. طيب و الحل ؟؟
    أيش فيه ماركات وعندهم ألوان حلوة ؟؟
    لأنو فيه ألوان تجذبك في الكورنيش وتطلع الماركة مو قد كدة ..

    وبالنسبة للكندرة .. أنا روحتها .. بس ضعت وتهت وصدعت ..
    وماعرفت أشوف ولا شي .. بس يبغالي أنزل تاني .. بس حددي لي
    أي منطقة ؟؟ يعني من جهة العمارة الزرقاء ؟؟
    والسجاجيد والشراشف الحبة بـ140 ريال ؟؟
    يعني نص الدرزن 840 ريال !!!!! برضو غاااااااالي ..
    وأنا أفتكر إنو بن طالب في شارع قابل ؟؟
    هو نقل من محله ؟؟
    وقوليلي المحل التاني فينو؟؟ مو مشكلة الواحد يستفيد ؟؟

    وبالنسبة للفساتين أيش إسم المحل ؟؟
    المشكلة عند أوايسس مول الحفريات بهدلتنا ..
    قبل فترة وحدة صاحبتي قالت لي برضو على محل هناك
    مسوي تخفيضات وتقول عنده أشياء حلوة وحقت بيت ..
    وإن شاء الله أبغا أروحه .. فقوليلي إسم المحل ..
    عشان إذا روحت إن شاء الله يسير أمر عليه ..
    وبالنسبة للخياطة أرسليلي الرقم وشكرااااااا :) ..
    دوختك معايا ..
    **************************************************

    النايفة .. معليش تعبتك معايا :) ..
    أستنى ردك تاني مرة والله يعينك ..

    **************************************************

    يلا يا بناااااااات أصحو و ردو عليا ..
    فين الباقيين ؟؟


    تحياتي ..
    جــــــــداويـــــــــــــــة

تابعي تجارب أخرى من هذا القسم.