تجمع الموقنات برحمة الله ( خبرات متبادلة حول مراكز تأخر الحمل في مصر ) 14

السلام عليكم ورحمة الله
انا نسخة من زينب
وحشتيني يا زوزو
انا مقصرة معاكو
بس اول ما لقيت فرصة دخلت اكلمكو
يا رب تكونو جميعا بخير
انا اليومين دول باخد حقن منع الحمل (زولادكس 3.6 )
عشان بعد المنظار لازم ننيم الاندومتريوزيس اللي كويته ده
تاني حقنة اخدتها كانت يوم 28 / 5 / 2010
وبس
مش بفكر في الحمل غير للدعاء وان الناس تدعيلي
وملخومة جامد في الشغل كالعادة
بس اليومين دول الدنيا هديت والشغل بقى اخف
ربنا يا رب يهدينا جميعا ويعينا على طاعته
انا نفسي اعرف اخباركو
بس مش عارفة ابدا قراءة منين
بس كل اللي هاعمله
اني ادعيلكم تكونو جميعا بالف صحة
وربنا يرزقنا جميعا بالذرية الصالحة المباركة امين

نيفو انتي شرحتي بالتفصيل المقابلة بتاعت دكتور عادل وكان مفيش احسن من كدة
انا حسيت اني رحت من كتر ما فوصفك دقيق ما شاء الله عليكي
نفسي اتطمن على اخبارك
زينب
مش عارفة ليه حسيت ان في نبرة زعل او حزن في كلامك
فرفشي كدة وسيبيها على الله
وكله باوانه
:))

متمنية الجنة
ربنا يوفقك في مشوارك لدكتور عادل وترجعي تطمنينا ان شاء الله
مسلمة
انتي اخبارك ايه
وحشتيني جدا وبقالي كتير ماتكلمتش معاكي
ربنا ييسرلك كل احوالك يا رب والمسلمين اجمعين
احبك الله الذي احببتنا فيه

ام مريم
ازيك عاملة ايه
ربنا يتقبل دعائك ويكون اليومين دول فاتحة خير علينا جميعا يا رب
ام اياد
انتي وحشتيني جدا
يا ترى الجو في اسكندرية لزيز والا حر
ان شاء الله اسمع عنك كل خير في القريب العاجل يا رب
اوكسي حبيبتي
عاملة ايه
هتعملي حقن تاني والا ايه اخبارك
يا رب تكوني بخير وتطمنيني عليكي
ماما
انا اخر مرة عرفت انك جربتي تجربة جديدة ونجحت
يا رب المرة دي تفرحي باحلى خبر في الدنيا
وربنا ييسرلك الحال ان شاء الله

وداع
اخبارك ايه يا جميل
انا عايزاكي تشدي حيلك كدة
وتتفائلي
ولازم تروحي تتطمني على اللخبطة اللي حاصلالك دي
ربنا يهون عليكي يا حبيبتي
وبالنسبة للمشاكل
ان شاء الله هتتحل
بس انتي سيبيها على الله
متفائلة جدا
ازي حالك
واخبارك ايه اليومين دول
ان شاء الله تكوني بخير