تجمع الموقنات برحمة الله ( خبرات متبادلة حول مراكز تأخر الحمل في مصر ) 14

ربنا يكرمكوا يابنات على كلامكوا الحلو انا مش عارفه ارد عليكوا واحده واحده الصراحه
ميكو ام مايا ربنا يكرمك و يباركلك في بنوتك
مها ادهم ربنا يكرمك على سؤالك
ماما ووداع و شيمو ونادو و نيفو و باقي البنات بدحرج التماسي
متفائله جدا كنت ملاحظه غيابك و كنت بسال عليكي بس بسال عليكي نفسي ههههههههههه والله العظيم

انا النهارده عندي مغص غلس كده عارفيين لما يبقه فيه مغص غلس
الصراحه نفسيتي تعبانه الله يسامح اللي كان السبب
والجو حر نار
المهم
ياجماعه
شوروا عليه
أنشط الشهر الجاي كمان و اعمل التلقيح و لا اريح احسن ؟!

والله ياماما مش موضوع الخلفه اللي تاعب نفسيتي دا اخر حاجه لأن دا في ايد الله
لكن الناس اللي حواليا هما اللي مضايقني الله يهديهم
ان كان عالنفسيه مش من التنشيط بالعكس انا ممكن انشط تاني الشهر الجاي بعون الله
بس هل التنشيط شهرين ورا بعض عادي يعني فيه منه اي ضرر؟ !

انا الشهر دا متعبتش في التنشيط
اللي تعبني بجد الابره التفجيريه دي
من ساعه ما اخدتها وانا عضامي واجعاني
ووركي اليمين واجعني وجع غريب كأني مشيت 5 ميل و الوجع بينزل على ركبتي
امبارح صحيت عالوجع ده مش قادره انام منه قولت لما اروح الحمام كده و اشربلي بق ميه ورجعت السرير كأن مكنش فيه حاجه
مش عارفه ايه سبب كده
وانتي ياماما مش بتحسي بأي حاجه ؟