شاركي في النقاش

سجلي الدخول لإضافة تعليق.

التعليقات

39
  1. @aasafyr_lamaa

    والله تضايقت يوم قريت مشكلتك

    بس مالك الا تروحين البيت وتكونين على طول

    مستعده لاستقباله انتي والاهم العيال

    لانك ماتدرين متى بيجي

    وصدقيني اهلك واخوانك ماراح يستحملون عيالك مثل ابوهم

    ويمكن ينقط عليهم كلام مثل السم بعدين عنك وعن ابوهم

    ارجعي بيتك مو علشانك وبس عشان العيال

    يحسون بكيانهم في بيت ابوهم ..

    وباين عليه يحبهم ولا ماكان مرهم كل اسبوع وممشي له المصاريف

    أرجعي احسن من ياخذ له وحده وياخذ عيالك تحت رحمتها

    الله يوفقك ويسخره لك يارب اللهم آمين
  2. @karaz_girl

    أختي اول شيء طلعتج من البيت غلط مهما تصير مشاكل وتقدرين اتعاتبينه واتعاقبينه على تصرفه السيء وأنتي معاه في البيت بطريقه غير مباشره طبعا أنتي فاهمتني هذا بيتج انتي وعيالج مو ضيفه فيه علشان تطلعين منه وترجعين بيت أبوج هذا اولا.

    ثانيا رأيي أنج تاخذين اعيالج وتردين البيت وتقومين بتظيفه وتعطير البيت وتبخيره وترتيب أعيالج وتقومين بالتزين وتغير شكلج حتى لو بسيط وتستقبلينه من السفر وتتفقين معاه أنكم تقعدون بهدوء وتتفاهمون وبعد ما يصلح الحال بينكم يذهب لمقابلة أبوج وأكيد أبوج راح يشرح له أنه كان قصده الصلح وليس الشكوه.

    ثالثا عليج بالدعاء والاستغفار وقراءة القرأن ختم سورة البقره والدعاء بأن الله يهدي زوجج.

    وأخيرا وليس اخرا أختي نصيحه لوجه الله مهما كان زوجج عنده من أعيوب لا أطلعين اعيوبه طلعي زينه وخشي شينه حتى تكبرين بعينه وصدقيني الزوج مهما كان مرده لزوجته واعياله اذا عرفتي اشلون اتحافظين عليه .

    الله يفرجها لج أنتي زوزجج ويجمع شملكم مع أعيالكم وجعلج سكنا له ويجعله سكنا لج ويجعل فيه قلبه حنيه والحب والاخلاص لج يارب ويجعلج قرة عين زوجج ويجعله قرة عينج اللهم أمين وطمنينا عليج

تابعي تجارب أخرى من هذا القسم.