أمهات الخدج حياكم في الملف الثامن

كيف حالكم واخبار اولادكم انا الحمدلله بخير وكمان بنتي بخير صارت ترضع الحين وشالو االانبوب من فمها بس رضاعتها بطيئه مرة وزيادة الوزن بطيئه كمان واليوم خرجوها من الحضانه الزجاج وحطوها في سرير مكشوف وياقلبي عليدها اليوم شفتها لابسه ملابس مع انها اصغر مقاس لكنها كبيره عليها جدا الحمدلله لك يارب علي كل شئ لها الان بالحضانه 42يوم يارب تخرج بالسلامه

الله يهديك يالمحتاره بالاسم وشافى عيالك وشو اخاف يتعودون على البخار تدرين انك كذا تضرينهم اكثر ...اولا مافيه شئ اسمه طارد للبلغم للاطفال اقل من سنتين لانه ماينفع - طبعا هذا كلام الاستشاري -
لازم تروحين لاستشاري صدريه مو تعبثين بعيالك عشان يحدد لك جلسات البخار مع الفنتولين لانها الطريقه الوحيده والسريعه لازاله البلغم -اذا كنتي بالرياض اقدر اساعدك باسم الاستشاري-
ولاتقولين اخاف يتعودون عليه والله ولدى الكبير لماكان تحت السنتين ماكنت اعطيه بخار على قولتك اخاف يتعود عليه لين هزئنى الدكتور وقال بلاك ماتحسين الي هو حاسس فيه من ضيق التنفس وبعدين انتظمت على كلامه والحمد لله من كمل ولدى سنتين ماعاد احتاج بخار يعنى موشرط انه يتعودون عليه لانه علاج اصلالان اهمال الصدر بالعمر هذا يسبب الربو لانه في البدايه يكون حساسيه واذا اهمل صار ربو ...وموتصرفون ادويه لعيالكم من تجاربكم لاااااازم استشاره طبيب..ونصيحتى هذى موجهه لجميع الامهات ...وبالنسبه لحبوب الكرتزون الى قالت عنها ام اوودى الله يشافى ولدها ماتصرف الالحاله الازمات ولااحديستخدمها الاباستشاره طبيب لانهاخطره انا الاستشاري يصرفها لولدي -بعيد عنكم-اذا تازم صدره احيانا ياخذها على شكل حبوب تذوب واحيانا اذا اشتدت الحاله ياخذها بالوريد (الله يشفيه) ...وبالنسبه لتاثيرها على النمو اذا استخدمت لفترات طويله ومتواصله...ولكم منى جزيل الشكر لقرائتكم نصيحتي ..واتمنى انكم تستفيدون منها وتردون على:)
وبعدين بالنسبه لجهاز ترطيب الجو تراه مايفيد مره الااذا غبر الجو يساعد فقط ولكن مايزيل البلغم عن صدورهم- حسيت انى طولت وتفلسفت واجد بس حبيت افيدكم-:26:
اشكرك كثييييير على نصائحك وخبرتك والله لايحرمنا من طلتك ونصائحك بالنسبة للبخار والفنتولين انا معك 100% وكان الدكتور ينصحني اعطيه حتى وقت النوم قبل ماينام علشان ماتتعب رئته وخاصة قال اذا شفتيه بدا يكح اعطيه والحمدلله استمريت عليه بس وقت الحاجة اول مايكح وكان يساعده ان البلغم يروح من صدره بس بعد فترة وحتى لما يتنوم في المستشفى ماكانوا يعطوه الا بخار ومضاد عن طريق المغذي بس كانوا كمان يشفطوا البلغم من صدره وكان هالشي يتعبه كثيييييير لكن لما كمل العشر شهور اعطاني الدكتور مذيب للبلغم والحمدلله اعطيته وافاده كثييييير وزال عنه في خلال مدة قصيرة احسن من يشفطوه ويتعب وطبعا مذيبات البلغم انواع اهم شي الي يفيد الطفل منها وبوصفة الطبيب ومع جلسات البخار يبين مفعولها اكثر وكل دكتور له نظرية مختلفة عن الاخر وطبعا الدكتور المسئول عن ولدي استشاري كمان بس ممكن يمنع مذاب البلغم خلال الست شهور لان ماكان يعطيني الدكتور الا بعد ماكمل عشر شهور والحمدلله ولدي ماستخدمه الا مرتين و من بعد ماكمل السنة ماحتاجه ممكن لاني بدأت اعطيه العسل وزيت السمسم في طعامه او ممكن مثل ماقال الطبيب ان الالتهابات الي تصير له في الصغر تعطيه مناعه في الكبر وبخار الخاص بالغرفة كحماية لهم وكمساعد في ان يتنفسوا بسهولة وخاصة في ا جواء المكيف لاني اول مابدات نشغل التكييف يصحى ولدي من النوم وهو يبكي لانه يتجمع البلغم في صدره ويكح كثير بس كنت اعطيه البخار والفنتولين وزيت السمسم وبعدته عن المكيف وبالتدريج تعود على التكييف والحمدلله بعدها ولدي ماحتاج لا للبخار ولا للمذيب يارب لك الحمد والله يشفي كل الاطفال ويغنيهم عن الادوية والبخار ويقويهم يارب

صباااح الخير ..

بحمدالله ولطفه مـايـا خرجت من المستشفى ورجعت ديرتي أمورها الحمدالله الأن

بس لازم اشيك على نسبه الاوكسجين ومعدل ضربات القلب كل ساعه وغير انه

لازم اعمل لها شفط للبلغم مرتين باليوم الله يحفظها لي ويشفيها ..

الله يعطيكم الف عاافيه على اهتمامكم وانا عاارفه انه هي بنتكم قبل لا تكون بنتي

تسلمو يا أصفى وأصدق الناااس :)