تجمع الموقنات برحمة الله ( خبرات متبادلة حول مراكز تأخر الحمل في مصر ) 14

اوكسى
انا شفت موضوع البيبسى ده وبطنى وجعتنى قوى
ده بجد ولا ايه وايه اللى فى نازل منها ده انا حاسة بطنى اتقلبت
انا اصلا مكنتش اعرف ان البيبسى ليه مدة صلاحية تخيلى انا بدقق على تاريخ الانتاج والانتهاء فى كل حاجة
بس عمرى ماتخيلت انى اعمل كده فى البيبسى
ياريت صحيح كلنا نبطله انا الحمد لله من ساعة مارجعت من مصر مش بقيت اشربه

بصى ياشيمو

الكللام اللى قالته رورو صح
وانا بقى عاوزة اقولك على حاجة مهمة قوى انتى خلى عندك الشجاعة الكافية انك تفحمى اللى قدامك لو قالك كلمة تضايقك
وماتبقيش حساسة زيادة عن اللزوم مفيش حد فى الدنيا واخد نصيبه كامل فى كل حاجة
يعنى اى حد بيتكلم معاكى وبيحاول يضايقك اكيد هو كمان عنده مشاكل من نوع ما
يعنى مفيش حد خالى وانتى مفيش فى ايدك حاجة عشان ترزقى نفسك ولا هم كمان
وانتى حاولى تبينى لهم انك مبسوطة مع جوزك وقد ايه بتحبوا بعض وبتخافو على بعض وان مفيش حاجة فى الدنيا تقدر تفرق بينكم
وماتبينيش لهم ان الموضوع ده فارق معاكم ابدا وان سعيكم ده بس عشان خاطر متبقوش قصرتوا قدام ربنا وان طبيعى انكم تسعوا وانك نازلة تعملى المنظار عشان انتى معندكيش سبب يأخر الحمل وعشان كده قولتى تطمنى على كل حاجة

وفهمى جوزك انك محتاجة دعمه قدام اى حد وتحت اى ظروف اشرحيله اللى انتى خايفة منه ده وقوليله انا عاوزاك تكون جنبى طول الوقت ولو لقيت حد بيضايقنى رد عنى

ولو عاوزة شوية حاجات رخمة تصدى بيها اللى قدامك عشان يبطلوا يتكلموا فى الموضوع ده تانى انا تحت امرك

و لو عاوزة تتكلمى معايا او تفضفضى انا هبعتلك تليفونى على الخاص دلوقتى وانا تحت امرك فى اى وقت ياجميل