ياحبيبتى يا شيمو كلللل ده شايلاه فى قلبك .. يعنى بدل ما تفرحى انك نازلة لاهلك يابنتى وتفرحى انك نازلة تتعالجى كمان بتفكرى فى كل ده وكل ده بيدور فى مخك .. زمانك هارية نفسك توتر .. بصى انا عجبنى رد رورو وبوبا حبايب قلبى جدااااا عليكى وقالوا كلام فعلا فيه نصيحة عاقلة اوى وفيه منطق ربنا يكرمهم يارب .. لازم تستوعبى كلامهم لانك مش هتلاقى حد يقوله لك تانى .. وبأكد عليه طبعاا .. وعندى كلمة صغيرة اختم بيها كلامهم انك يا شيمو احسن حاجه تعمليها تشغلى نفسك بنفسك ودى الكلمة اللى دايما بقولها لك لو فاكرة .. يعنى ايه .. يعنى حضرتك لو فضلتى تفكرى فى ده قال وده عاد هتلاقى نفسك دخلتى فى دوامات ومشاكل وتفكير فى انك تردى على الكلام وتردى المواقف وتاخدى بتارك منهم وده هيخليكى تتشتتى وتضيعى تركيزك فى فترة العلاج اللى هتقضيها هنا .. ولما تفوقى من حراكات الناس اياهم هتلاقى نفسك قربتى تنزلى مصر ولا منك اتفسحتى واتبسطتى ولا منك عرفتى تركزى فى علاجك وخطواتك
فا الاحسن انك تكونى راسية كده وهادية ومتفكريش هتقولى ايه ولا هتردى ازاى علشان تفرسى غيرك لان غيرك ده اللى هيجاول يدايقك هيفضل كده مش هيبطل حتى لو رديتى رد افحمة لا هيحاول تانى يدايقك ويرد عليكى لحد ما يتعبك ويفقدك القوة اللى انتى فيها فا الافضل انك سيبى اللى عايز يعمل حاجه يعملها وكفايه انك تثقى فى نفسك زى رورو ما قالت لك وده هيخليكى قوية قدام كل الناس ويمكن قوتك دى تخلى غيرك يحترمك ويفقد الامل فى انك تتأثرى بكلامة .. ويارب يارب ياشيمو يارب ياحبيبتى يكرمك ويرزقك بالحمل السليم يارب
تجمع الموقنات برحمة الله ( خبرات متبادلة حول مراكز تأخر الحمل في مصر ) 14
متابعة النقاش، صفحة 160