السلام عليكم
بنات أنه مقدمه على شغاله من شهرين وأمس وصلت بالسلامه
بس المشكله وين ؟
من دخلت علي وأنه ماتقبلتها أكيد بتقولون ليش !!!
أنه لي والد 3 شهور ومن أول ماحملت وأنه أزن على زوجي يقدملي على شغاله وهو شايل الفكره من راسه مو راضي نهائي وبالشهور الأخيره فقدت الأمل وتعبت من الحنه وأقلمت نفسي على الوضع واقتصرت شغلي على الأساسيات
بس لما ولدت حسيت أنه الوضع لا يطاق وزوجي زهق من العيال وقرر يقدم شغاله :icon28:
والله يابنات ماتتخيلون شقد فرحت وخصوصآ أنه المكتب ألي قدمت من عنده خواتي جايبين منه وخداماتهم ماشاء الله حتى الطبخ يعرفون
قلت لزوجي خلاص قدم مشتغله من قبل ومو متزوجه
وجا اليوم الموعود دق المكتب على أساس أنه ناخذها وقعدت من الصبح رتبت الشقه وغسلت الملابس علشان أخفف عليها
وراح زوجي يجيبها بعد ساعه دق علي زوجي وصوته مايبشر خير قالي ترى الشغاله مو مشتغله من قبل يعني جديده والله من صدمتي حتى دموعي نزلت
لا تستقربون لآنه والله وضعي مايسمحلي أعلم شغاله عندين 2 يالمدرسه و2 صغار وأنه ماجبت الشغاله الا علشان أفضي نفسي لهم
ولا والطامه الكبرى وأنه أعلمها الغسيل شفتها تكح وينزل دم من فمها وخشمها :09:خفت وانقرفت منها
ساعدوني شسوي محد حاس فيني يقوللي أحسن الجديده تعلمينها على يدك مو حاسين بالوضع ألا أنه فيه يعني ولدي الصغير ماأقدر أخليه مع أخوه دقيقه وحده
أسفه طولت عليكم بس والله من همي يمكن وحده منكم تقدر تساعدني أو صار لها زيي وتقولي شسوت
شاركي في النقاش
سجلي الدخول لإضافة تعليق.
التعليقات
52مواضيع مشابهة
تابعي تجارب أخرى من هذا القسم.