تفضلي بطلب وصف اي موقع تريدين وسوف نساعدك بإذن الله

الاتكال اعرفه بجده بشارع المدينة

لكن بالرياض سمعت يقولونباعويس له محل صغير

انتظريني ابتأكدلك

:26:

ابشري يالغلا

خليك مفتحه معاي وجيبي ورقه وقلم >>>بتوصف من قلب
انتي بحي النهضه بشرق الرياض

طبعا تطلعين مع طريق خريص بتكونين انتي بالشرق واتجاهك الى الغرب تمشين مع طريق خريص الى أن يجيك

(مخرج 13 الطريق الدائري الشرقي ادخلي معه يمين) بيكون اتجاهك شمال وخليك ماشيه بالوسط سيدا على الدائري الشرقي , بيجيك مخرج 10 اتركيه وخليك ماشيه سيدا على الطريق الدائري الشرقي الى ان يجيك (مخرج 9 اطلعي مع مخرج 9وخذي يسار ) من عند جامعة الاميرة نورة الى طريق (الإمام سعود بن عبدالعزيز بن محمد) وخليك ماشيه سيدا على طريق الامام سعود بن عبدالعزيز , الى ان يجيك طريق الملك عبدالعزيز بعد الاشاره خذي طريق الخدمه اللي يجيك يمين الشارع مو الوسط تحت الكبري لا ,(بس خليك مكمله على شارع الامام سعود بن عبدالعزيز) وامشي الى الاشاره الثانيه اللي بعدهاشارع العليا العام بيصير قدامك و (يمينك حي المروج ) ويسارك حي الملك فهد من عند اسواق المارينا مول)

اباخذ نفس ههه
ترى الوصف سهل بس انتي انتبهي للوحات واسماء الشوارع قبل ماتوصلين لأي مخرج او اشاره

وحياك الله اي شيء تبين لايردك الا الكيبورد

ابي اعرف موقع
لوست سيتي كافيه
في الرياض
ومشكوررررييييين

وياك يارب مشكوره يالغلا

ابشري ان شاء الله
طبعا راح تكونون بشرق الرياض بحكم موقع عمل زوجك عند جامعة الاميرة

جامعةالاميرة نورة في حي المغرزات عند( مخرج 9 )تقاطع طريق الدائري الشرقي مع طريق الامام سعود بن عبدالعزيز

واقرب الاحياء لكم في شرق الرياض (حي الشهداء , حي المغرزات ,غرناطه الجديد, قرطبه , الازدهار, التعاون , الفلاح) وكثيره الاحياء بس هذي اقرررب شيء
ومجمع غرناطة مول في حي الشهداء اكبر مجمع بالرياض قريب منكم, وقريب منه فندق ميركور اليخت كلها بعد مخرج 11 وقريب منكم ملاهي ستار سيتي وملاهي الحكير لاند وشاليهات المرسى كلها على طريق الدائري الشرقي

وترى فيه شقق كثيره بشرق الرياض وقريبه من الجامعه فيه سكنيه وفيه مفروشه ما ادري ايش تبغين بالضبط

شقق مفروشه بشرق الرياض اقرب لك :

-شقق 24 قيراط مخرج 9 طريق الخدمه بعد الجامعه تاخذين يمين وتلاقيها على يسارك
خذي الرقم من الاستعلامات رقم ااستعلامات (905)

-شقق رواق طرقيق الملك عبدالله تتعدين المقصوره متجهه غرب يجيك شارع الدوادمي شمال تجي على يمينك وفيه وحده على يسارك ممتازه غرفتين وصاله فيها طاولة طعام وغرفة جلوس
ومطبخ كامل وفيها اصنصير ونظيفه وبسعر 300 ريال ..



-الأخيلية للشقق المفروشة
العنوان
طريق الدائري الشرقي
حي القدس
الهاتف :2490053
الفاكس: 2491229
وصف للشقق
تقع الشقق بعد مخرج 11 مباشرة وهي راقيه في خدماتها



-
المحمدية للشقق المفروشة
العنوان
طريق الدائري
حي القدس
الهاتف :2484479
الفاكس: 2483800
وصف للشقق
يعمل على مدار 24 ساعة وهي من افضل الشقق المفروشة وتقع على طريق المطار وطريق الدمام ومكة والشقق تعمل على راحة الزبون بالأضافة الي ماسبق.

-شقق اصول في حي الحمراء مخرج 9 شقق ممتازة جدا نظافه واسعار وتعامل راقيوهذا تلفونهم في الحمراء 2782121




هذي الشقق كلها مفروشه
لكن الشقق السكنيه ماعندي علوم عنها


اتمنى اكون افدتك ولو تبين اضافات زياده بلغيني

والسموحه