شاركي في النقاش

سجلي الدخول لإضافة تعليق.

التعليقات

2,008
  1. شيمولاتا
    الله يسلمك ياحبيبتى والله بدعيلكم كل يوم ومابتغيبو عن بالى بس ادعولى انتو بقى احسن قلبى بقى فى رجليا من الخوف من اللى مستنسنى فى مصر فاكرين الصيف اللى فات اتعذبت ازاى وكانت معاناة وانا من دلوقت عماله افكر فى الكلام اللى هقوله وفى ردود افعا…
    شيمو يا حبيبتى ... اتعودى كده لو كنت مقبله على اى شىء وحساه تقيل على قلبك حتى لو كان شوية اوانى طبخ فى الحوض ... قولى من قلبك وبكل قوتك وبصوت تسمعى بيه نفسك لأن ربنا قريب مش محتاج ان احنا ندعيه بصوت عالى .... (اللهم اعنى فأنت خير معين )

    وشوفى بقى ازاى حيبقى عندك القوة لمواجهة اى موقف من المواقف دى ... دى عالم تستحق الرثاء
    يابنتى احنا ربنا بعتلنا هدية وخصنا بيها علشان يدخلنا الجنة بغير حساب وده جزاء لينا على صبرنا على الابتلاء ... حد يطوووول
    انا بعتبر نفسى عندى حصالة وبحوش فيها
    الحمد لله ... ده تانى ابتلاء يعدى عليا من يوم مولدى
    الابتلاء الاول تأخرى فى الزواج ... والحمد لله صبرت وربنا جزانى خير فى الدنيا وكلى ثقة بالله على جزائى فى الآخرة
    وكنت بسمع كلام زى السم والله على قدر مضايقتى من الكلام ده
    لكن ربنا كان بيقدرنى انى ارد برد يحسس اللى ادامى ان هو اللى غلبان ومسكين مش انا ابدا
    والابتلاء التانى وهو تأخرى فى الحمل ... وانا عندى شعور باللى عدى قبل كده من طريق صعب ولقى فى الآخر جزاء حسن نساه صعوبة ووعورة الطريق ... علشان كده انا طمعانه فى ربنا فى الابتلاء التانى انه يجازينى خير فى الدنيا والآخره
    عوزاكى تستحضرى كل المعانى دى وتطلبى العون من ربنا وهو حيقدرك ويرد كيد الكائدين الى نحورهم
  2. ماما1983
    اوكسيتي صباح الخير انا والله مش عاوزه اروح اعمل التحليل بس اداء واجب المشكله انك بتعمليه وتنتظري النتيجه لا انا حعمله واخليهم يضربوا لجوزي مش حنتظر في المركز ولا لحظه انا ما بتحمل نظرات الشفقه لو النتيجه ...........ربنا يستر انا ناويه ار…
    ماما يا حلوة يا اجمل غنوة
    شوفى يا حبيبتى ... اعقلها وتوكل ... وده اللى بنعمله انا وانتى وكل بنات الملف
    مافيش فى ايدنا غير ان احنا ناخد بالاسباب ونتوكل على الله وكلنا ثقة فى ان قضاءه وقدره هو الخير ... كل الخير لنا
    وسواء... او ....
    لازم البيتزا تتعمل وبمزاج
    انا كمان بحب المطبخ لأنه زى المعمل بالظبط
    يا سلام والله ربنا كريم قوى وعطاءه بغير حدود .... لولا انكم تستعجلون
  3. boba boba
    اوكسى انا شفت موضوع البيبسى ده وبطنى وجعتنى قوى ده بجد ولا ايه وايه اللى فى نازل منها ده انا حاسة بطنى اتقلبت انا اصلا مكنتش اعرف ان البيبسى ليه مدة صلاحية تخيلى انا بدقق على تاريخ الانتاج والانتهاء فى كل حاجة بس عمرى ماتخيلت انى اعمل ك…
    ياريت فعلا يا بوبتى كلنا نبطل شرب المياه المكربنه دى
    تعرفى انا كنت الشهر اللى فات فى القاهرة مع المديرة بتاعتى رايحين نقابل وفد تركى واتغدينا فى لوبى الشيراتون ...
    المهم كنا 7 افراد .. كلهم قبل الغدا طلبوا مشروب كانز كل واحد على حسب مزاجه الا انا الوحيدة طلبت شوب محترم عصير برتقال
    تعرفى انا مسكت لسانى بالعافية علشان مدهمش محاضرة فى الزفت اللى بيسفحوه ده ... لكنى اتكتمت علشان السيد المدير العام صاحب الشركة كان على الترابيزة معانا وكان فى ايده زجاجة كانز هو كمان !!!!!
    قلت يا بت ليميها مش ناقصين خصومات وبلاك ليست
  4. @mama1983_1

    والله يا اوكسي كلامك هزني من جوه انا بصراحه امبارح وقبله ضعفت قوي ودخلت في اكتئاب لكن بالضبط عملت زيك قعدت اتذكر المحن في حياتي واهمها تاخر الزواج انا عارفه اني الحمد لله ما اتاخرت كثير بس كنت في عيلتي الاخيره تقريبا بين بنات خالاتي وياما سمعت كلام زي السم والمشكله الاكبر ان كان بيجيلي ناس كثير وبيطفشوا مش عارفه ليه كنت بامل جامد جامد وبعدين ينقلب على راسي لدرجه ان مره دخلت في هستريا قدام مامتي وقعدت ابكي وابكي واستغفر الله اعترضت ليه وليه وليه وتقريبا بعدت جامد جامد جامد عن ربنا وده كانت اتعس ايام حياتي وسبحان الله مفيش شهر من الحادثه ده وتقدم لي جوزي الحبيب الحبيب الحبيب قد ما اوصفلك حبي ليه ماشاء الله كل الي كنت عاوزه في زوج المستقبل والي طلبته من ربنا وكمان فوقه ميسور الحال وده اخر حاجه كنت اتوقعها انا قعدت ادعي في القيام بالزوج الصالح 4 سنين متواصله وعملت عمرتين مخصوص وحجيت وربنا استجاب لي باكثر مما اتمنى الحمد لله صحيح الحكايه اخدت اربع سنين بس العبره بالنهايه ياريت انا اتعلم من قصتي ده ان الدعاء لازم لازم لازم حيستجاب بس احنا بنستعجل

تابعي تجارب أخرى من هذا القسم.