طردت اخو زوجي من بيتي ونفسهم يخربوا حياتي

طبعا انا من ما تزوجت ما سكنت مع حد جيت لبيت لوحدي وبابا من شروطه اني لما اجي عالسعودية ما يقعد معي حد من اهله لانه اله اخوان اثنين عزاب طبعا اهلي طلبوا هالشي لانهم بيعرفوا طبعي من جهة ومن جهة ثانية انه بعد الخطبة خواته غيروا رأيهم لاشياء عنصرية ولانهم شافوا اهتمامه فيه وبصراحة كمان لاني عنيدة وما بحط واطي لحد وحاولو طول فترة الخطبة يخترعوا كل مشاكل الدنيا بس الله كتبلنا نكون لبعض رغم انه بابا قبل الزواج بفترة تردد وقالي اذا ما بدك اياه بنهي كل شي ولحد يوم الزواج قبل ما يجوا ياخدوني عالصالة قالي نفس الكلمة قالي لو على قطع رقبتي ما حد بيطلعك من هالباب اذا ما بدك اياه الله يخليلي اياه ويمد بعمره والحمدلله تزوجنا وما كان هالاستقرار لانه الاتنين عنيدين
واجا يوم بعد 3سنين من الزواج مر اخوه بظروف وانا اقترحت على زوجي يجي يقعد معنا لانه شقتي كبيرة وفي غرفة بحمامها منفصلة عن البيت يعني الي المطبخ وغرفتي انا وغرفة بنتي وغرفة القعدة وتخيلوا اجا هو ومرته وابنه وقعدوا معنا هي الشهادة لربنا بتعبي مي وبتاخدها عشان ما تجي عالمطبخ وبتحط اشياء الها وما بتفوت الا للضرورة علما انها اجنبية وعلاقتي انا واياها كتير حلوة بس اخوه العلة كان يبقى قاعد طول الوقت عنا ما يتركنا ناخد راحتنا اذا فتنا ننام يبعت ابنه يصحي جوزي واذا سهرانين بيبقى قاعد معنا وتارك مرته لحالها ولو بقينا لل3الصبح بيبقى ملزق واذا بده يروح سوبر ماركت ولا مشوار بده جوزي متل العلاقة على خصرة عصبت بطلت اتحمل بيوقفلنا اذا طلعنا مية تلفون وينك يلا تعال وينك اجيلك ويحرض جوزي يطلعوا يسهروا طبعا هو اخلاق زفت بنات وافلام اباحية وقنوات مشفرة والحمدلله زوجي مو هيك بس هو متل الشيطان لدرجة مرة حرض جوزي علي وطلعوا سهروا عند واحد للساعة 5الصبح طبعا انا تخانقت انا واياه خناقة مرتبة وبعدها كتير اشياء لما بالاخير قلتله اخوك بيطلع من بيتي انا ما بدي اياه عندي وصرخت باعلى صوتي وسمعت اخوه وقلتله اذا عنده كرامة ما بيضل فكرته بني ادم بيحترم حاله وطبعا قعد فترة جوزي حاقد علي كلها يومين تلات طلع واستاجر بيت طبعا هو ظروفة اللي مو منيحة مو انه ما عنده فلوس لا ترك الشغل بس هو مخزن اغنى منا وما بده يصرف وجوزي طبعا طيب وعلى نيته وانا طفح الكيل عندي وبعدها زاد هو وخواته عداوة النا ليومكم هذا بيحاولوا يفرقوا بيننا ونحنا عنا طفلين حسبي الله فيهم اللي بيحبوا يخربوا حياة الناس طبعا انا مو فارقة عندي لو اطلقت اهم شي اولادي وما بيقدر ياخدهم مني لانه عنا القانون الحضانة للام ولو تزوجت الام او ثبت عدم اهليتها لام الام وبعدين لام الاب اخر شي للاب وانا قلتله مو فارقة عندي الله معك اولادي عندي والله لايرد حد بعدهم والله يستر لسه شو ناوينلنا نوايا بيشتغلوا من قدامي ومن وراي وايام زوجي بيزعل ليش بجاوبهم وما بسكت خاصة هم عندهم الاخت الكبيرة متل الام شي مقدس وانا بهدلتها كل كلمة بعشرة لانه مو مستعدة تهيني شو هي اصلا عشان تهيني فشو رايكم بمأساتي استسلم واعيشها هيك ولا اتحداهم واذا صف معهم اتركه واعيش حياتي لاولادي الله يحميلي اياهم علما انه هو طيب وحنون وبيموت باولاده يا رب تفرجها على كل محتاج وما تحيجنا لحد غيرك





حبيبة قلبي اللي ردت وقالت اني ما برضى لاخي هالشي لو كان محترم وهو مو مجبور عنده مجال يسكن واحسن منا كمان بس هو من عبدة الفلوس وكل العيلة بتعرف هالشي وكمان هو قليل ادب غرفتي باخر البيت وبيتعمد يوصل هناك وانا بكون بالاندروير او قميص النوم وكمان مرة قال لجوزي نيالك مرتك جسمها حلو مو متل اللي عندي ممسوحة مسح وزعل منه جوزي بس المسكين ما بيعرف انه اخوه بيتلقط عشان يلمح شوي مني ولو انه هالحكي مو حلو بحق جوزي بس اخوه قليل ادب وعينه زايغة الله يعين مرته كيف متحملته

95 تعليق 15,244 مشاهدة

شاركي في النقاش

سجلي الدخول لإضافة تعليق.

التعليقات

88
  1. @noaaarh2009

    ياقلبي هدي بالك
    لا كيف تستسلمي!!!
    لاتستسلمي ولاتتحديهم
    أبعدي أنتي وزوجك عنهم
    ليش يعاملونك كذا وتزوريهم دائما"؟؟؟؟
    ماله داعي الإحتكاك فيهم مادام نيتهم يفرقوا بينكم
    وبعدين لاتتركي المشاكل تخرب على نفسيتك وعلاقتك بزوجك
    وتخليه ينفر منك ويروح لهم
    وأشرحي لزوجك المواقف اللي تصير شغلي( كيد الحريم)>>>حلوه شغلي هع هع
    خلي زوجك بصفك

    وأكثري من الإستغفار والدعاء
    وأدعي اللهم أكفني وزوجي شرهم
  2. @aazty_mn_smo_thaty

    رفــــــــــــــــــــــــــع





    دعوتكم لي
    اللهم ارزقني ولدا تقيا ذكي ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
    وجميع المسلمين
    وصل اللهم على محمد وال محمد
    رب اني لما انزلت الي من خير فقير
  3. @a7la_alnas

    صاحبة الموضوع
    والله زوجي من النوع اللي بيتاثر بالحكي حتى لو عالتلفون وقالوله مرتك بيحطها بقلبه الي صح مو متل اول بس لسة وانا خواته ما بشوفهم الا بالاجازة وصراحة اذا ما رحت معه بيسوء الوضع كتير بياخدوا راحتهم بتعباية راسو علي يعني كل سنة بنروح اجازة بنرجع بدنا شهر واتنين وتلاتة لنصفي قلوب بعض

تابعي تجارب أخرى من هذا القسم.